話說我係澳洲住的,今日返工既時候,
我做野既cafe 啲枱係望到下一層個球場,今朝有個澳洲媽媽帶住2歲幾既男仔係到食早餐,之後個小朋友因爲好想睇球場,於是佢企左係張凳到。
跟住我同事A(歐洲人) 叫佢要sit down, 但個小朋友繼續企,我同事就越來越惡咁叫佢坐低,話貼左告示唔準企,而且好危險,之後行埋出去同佢講。而我同同事B(Asian) 都覺得唔洗咁惡,覺得好小事姐,有個啊媽係隔離睇住咪得囉。
而個澳洲媽媽聽到我同事鬧佢個仔,佢覺得好唔好意思,係咁叫個仔坐返好。 最後個小朋友有坐好,食完野就走左。
十分鐘後,佢媽媽帶住佢返轉頭搵我個同事,話:He is back to say sorry to you.
我聽到之後即刻覺得,依個媽媽做得好好,我無諗過原來可以做到咁,一件事可以教到個小朋友學識要遵守規則,而做錯野亦要同人道歉。
如果發生係香港,
個啊媽可能會話做咩鬧我個仔/企又點 企下唔洗死/我要投訴你/小朋友咁細洗唔洗咁惡等等..
而個小朋友久而久之會形成依種小朋友做錯野唔認/話人轉頭先既習慣。