吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› （轉貼）一位重度抑鬱症學生的自白書

自由講場今日: 4032|主題: 1302615

收藏本版

發帖

返回列表

跳至頁

查看: 8398 | 回覆: 69

12 3 4

積分: 7847

1^#

發表於 17-4-27 20:22 |只看該作者 |倒序瀏覽 |打印

本帖最後由孟母3000 於 17-4-27 20:27 編輯

From 名校secret facebook

[地區名校][長文慎入，突然有感而發，不喜勿踩]
我係今屆dse嘅考生，幾年前確診左有嚴重嘅抑鬱症，住院都住過一段唔短嘅時間，到依家每日都要食廿幾粒藥。雖然學業唔係直接導致我有抑鬱嘅因素，(係咩就唔講啦，雖然都係同香港種種失敗嘅制度有關，但篇幅有限，有機會再講)卻都係學業加重我嘅病情，甚至成為呢兩年嘅主要抑鬱來源。

係香港教育制度下，文武雙全嘅細路仔先可以贏在起跑線。由兩三歲起，當我仲係牙牙學語嘅階段，屋企人已經開始要我背千字文、三字經、唐詩、諸子治家百言、弟子規etc。而當時嘅我根本唔知自己背緊啲嘢係乜意思，淨係靠發音去背。至於課外活動當然唔少得，中一前，高峰期每個禮拜學十幾樣野，（試過一日學四樣），包括例牌嘅中英數補習、鋼琴、中文創意寫作、英文拼音、劍橋英語、粵數、普通話班、唱遊班、畫畫、話劇、唱歌、跳舞、游水、砌同寫lego程式、圍棋班、牧笛班(非學校學，係特登俾錢去學)等通通都學過晒。但我想講，冇一樣係我依家仲擅長，所以學黎除左可以升間好啲嘅中學之外都唔知仲有乜用。

好啦，當你以爲升左中學，如願入左band1就「過左海係神仙」，你就太天真了。到左中學就係另一個極端。為左入八大，屋企只會要你focus學業，cut晒所有課外活動咁制，包括自己本身有興趣嘅活動。當時我係學校田徑隊，甚至參加出面嘅暑期訓練有教練拉我入精英培訓。但係香港嘅教育制度灌輸下，只有讀書先揾到食，先唔會俾人睇得起。於是，我只參加左一年校隊就俾屋企人cut埋。

0 0 1

私人傳訊

孟母3000

男爵府

積分: 7847

2^#

發表於 17-4-27 20:23 |只看該作者

好啦，當你以爲升左中學，如願入左band1就「過左海係神仙」，你就太天真了。到左中學就係另一個極端。為左入八大，屋企只會要你focus學業，cut晒所有課外活動咁制，包括自己本身有興趣嘅活動。當時我係學校田徑隊，甚至參加出面嘅暑期訓練有教練拉我入精英培訓。但係香港嘅教育制度灌輸下，只有讀書先揾到食，先唔會俾人睇得起。於是，我只參加左一年校隊就俾屋企人cut埋。

到左高中，真正嘅噩夢黎料。學校嘅地獄式操練簡直將你折磨到想死，雖然老師話見到我地都覺得我地好辛苦，唔忍心俾咁多補課、測驗、功課，但香港嘅教育制度下，老師被迫要「虐待」學生，訓練更多背書機器。佢地唔做，都唔知係害定愛我地。政府由細到大都灌輸讀大學先有美好嘅將來，係潛移默化下，當學生成績稍為落後，已經覺得前路一片黑暗，被標籤為失敗者、廢青。即使啲人同你講咩辦法總比困難多、條條大路通羅馬、報ive、vct、毅進，你都會覺得自己好差好無用好絕望，因為政府話只有入大學有機會做成功人士，入唔到就要乞食。當中所承受嘅壓力，冇體會過嘅人係唔會明。我自己本身成績唔差，但個腦一直都話我唔夠好，唔夠叻，令我有一排真係以為自己將來會做乞衣。（認真）

精神方面，我覺得每位自殺者都有不為人知嘅故事，應該得到基本嘅尊重，而不是網上有增無減嘅冷血留言。「想當年我地大陸落黎冇野食冇屋住仲慘啦，小小事就要生要死」、「依家啲後生抗逆力咁低㗎，正一廢青」真係難聽過粗口。自殺其實要好大勇氣，當一個人有勇氣自殺，好大可能係因為佢面對嘅困境所需嘅勇氣比自殺所需要嘅更多更大。佢地唔係經唔起風浪嘅港孩、玻璃人，雖然表面望落正正常常，內心卻可截然不同。學校裏面，基本上冇同學知道我有抑鬱，因為抑鬱者好識得掩飾，唔會俾你知佢幾唔開心，就例如試過有人話好羨慕我日日都開開心心，好樂觀⋯⋯

私人傳訊

孟母3000

男爵府

積分: 7847

3^#

發表於 17-4-27 20:24 |只看該作者

而且，抑鬱症發作嘅時候，嘅唔開心嘅感覺會被放大十萬倍，令患者情緒更低落，甚至做出唔理性嘅行為，覺得有人叫自己死，或者控制唔到自己。我相信大部分自殺者同我一樣，都好想生存落去，但真係好辛苦好難撐落去。當你平靜時都仲可以控制到自殺念頭，但情緒一到，或受刺激，你根本唔知自己夠唔夠力禁住自己唔好死。所以，我每日都會帶遺書跟身以防萬一。我真心真係唔想死，但我好驚有日突然控制唔到死左，唔夠時間寫遺書。尤其dse，每一日温書都係一個挑戰，我唔排除温温下真係發作，壓力爆煲而做傻事。(希望唔好係報紙見到我張黑白相)

所以，好希望大家諒解一下自殺者嘅處境，好多時都唔係自己想死，而係壓力迫到佢地去絕路推落山崖。尤其學生，好多時都係香港教育制度推佢地落火坑⋯⋯

Sorry for 1999
利申非曬命

點評

funfun759

發表於 17-4-28 11:14

私人傳訊

carmenlau11182

大宅

積分: 4242

4^#

發表於 17-4-27 20:57 |只看該作者

回覆樓主:

睇完，好心up

私人傳訊

^--^

男爵府

積分: 7023

5^#

發表於 17-4-27 21:14 |只看該作者

孟母3000 發表於 17-4-27 20:24
而且，抑鬱症發作嘅時候，嘅唔開心嘅感覺會被放大十萬倍，令患者情緒更低落，甚至做出唔理性嘅行為，覺得 ...

好悲哀好心up，家長真係要留意小朋友嘅感受，唔係同佢決定晒一齊就係對佢好......

私人傳訊

做個靚太

珍珠宮

積分: 48067

6^#

發表於 17-4-27 21:27 |只看該作者

回覆樓主:

好明白~每個人都有佢背後嘅故事同經歷~
有時見到啲留言，真係覺得好涼薄，郁啲就話人自私，懦弱~講埋啲風涼說話去傷害人~

私人傳訊

iris23407

男爵府

積分: 9518

7^#

發表於 17-4-27 21:34 |只看該作者

孟母3000 發表於 17-4-27 20:24
而且，抑鬱症發作嘅時候，嘅唔開心嘅感覺會被放大十萬倍，令患者情緒更低落，甚至做出唔理性嘅行為，覺得 ...

好心傷。好驚。我個仔17歲，應該同呢位小朋友年紀相若。呢個年紀應該系少年15，20時，無拘無束甘生活，但可惜現實吾容許。

私人傳訊

lavender_baby

男爵府

積分: 6199

8^#

發表於 17-4-27 21:37 |只看該作者

我好想同呢位患者講：既然你也想生存，既然現狀另你痛苦到連想死的心都有了，選擇離開人世之前不如先試下離家出走，學衛蘭話齋“豁出去漫遊，不通知親友”，離開你現在的境況，去過一次自己想要嘅生活，去體驗一下属於你嘅自由的空氣，人來到世上只能活一次，橫掂都要走，不如走之前滿足下自己先，可能你仍會顧慮著家人，但你已經為滿足家人的欲望努力咗好耐，我知你已經儘力去做而且你已經做得好好架啦，既然你心知始終有日會選擇離開呢個世界，咁你咪當俾佢哋適應下先，離開佢哋嘅生活先囉，可能到時你睇嘅世界又唔一樣想法都會唔同咗

私人傳訊

Mmrs

大宅

積分: 3392

9^#

發表於 17-4-27 22:06 |只看該作者

睇完好心痛

私人傳訊

龜精靈

用戶要求終止服務

積分: 23099

畀面勳章

10^#

發表於 17-4-27 22:30 |只看該作者

睇完成篇都無感覺，除左遺書，最後一段直頭係我心聲黎

我之前都有同我上司講過，出世係亞洲既小朋友好慘（由一出世開始，競爭就不斷搵上你，身不由己...做唔到最top個d=地底泥，貧富差太遠）

上司：咁你要努力d移民

但我心諗，香港先係我熟悉既地方，我既所有事物都係香港，仲有，其實香港都算係幾好住（方便，交通/食野/買野都好...但壓力好大，你做到最top，有錢個堆就乜問題都無...做唔到，做地底泥啦...）

始終，依家世界太多人，人根本就唔值錢（除左親人之外，you are nothing)

私人傳訊

龜精靈

用戶要求終止服務

積分: 23099

畀面勳章

11^#

發表於 17-4-27 22:39 |只看該作者

我想同個事主講...就算入埋大學，除非你讀神科/有父幹

如果唔係，出到黎你仲失落得緊要，通街都係大學生，開頭升1，2級都易...之後就真係睇能力同際遇，好多人已經行人止步（雖然bk個個搵100k)

每日返工忙忙忙，唔甘於現狀，又上唔到去，仲想死，返工完全唔知為乜咁

讀書都話有張成績單鼓勵下你，返工，恭喜晒，你有更多工作作為獎勵，直到你頂唔順為止

私人傳訊