Hello Apple.w.s ,BB好叻叻5個半月已經食固體食得咁好! 剛開始食固體質地會比較稀和幼滑,將飲開嘅奶加入純米糊,質地杰杰地好似芝麻糊咁,一般8-9個月BB會開始食兩餐固體粥和糊都OK,主要因應BB吞嚥/消化能力黎調教質感、份量、餐數,BB有試過水果、瓜、菜蓉未? 媽媽有冇俾BB飲水呀?
Hello Apple.w.s ,一般食固體質地係由稀和幼滑慢慢轉變成柔軟和搗爛,媽媽可以試下將1匙米糊加入1安平時BB飲開嘅奶度,睇下質地係咪稀和幼滑,如果OK就可以跟返依個比例開到大概一個BB碗分量就可以代到一餐奶。每個BB發展快慢都唔同,媽媽按返BB吞嚥/咀嚼能力改變食物質感,慢慢增加米糊和奶嘅比例架。媽媽想俾BB試水果,瓜蓉好好呀,加入糊仔度黎食都可以,留意每種新食物由少量開始同連續試3日呀!