跟住阿姐姐又好快攞晒我d行李推去產房，仲問我行唔行到，我話行到，就一齊行去產房
咁多次 都係第一次行去產房
哦就上左床，好快應該係極速地幾個助產士姑娘走過黎，一個set床駁機一個探宮頸一個黎幫我種豆一個就攞2枝抗生素針黎，真係好大枝，所有野都好快好急，跟住就聽到話我而家幫你穿水
即係話我而家已經要生啦係事實……撩黎撩去話個位仲好高喎，撩到我好唔舒服又撩唔到，但係唔係痛係覺得好攰隻腳，撩左好耐好耐好耐，耐到另一個助產士睇唔過眼，走埋黎一撩一夾就穿左水，我心諗，好心就一早過黎啦，搞咁耐我對腳都軟晒一心諗住穿左水好快就會陣痛啦，竟然完全唔痛，等左陣助產士黎吊催生藥，較左幾下藥都仲係痛都唔痛下，再埋黎較又係唔痛既，佢就問我1~10而家有幾痛？我話冇，佢哦就再較啦，較左幾次我就開始覺得有d酸酸痺痺咁個肚， 之後到腰，但係痛既程度係好輕微，咁佢又再問1-10有幾痛，我話3掛，跟住哦完又再較，之後突然間痛多左同密左，我心知不妙，容乜易再較落去就生得，叫佢比個電話我打比老公，打比佢冇聽我就開始心急同亂，一心急亂左就愈黎愈痛，開始係到呼吸呼吸啦，又口渴問佢地攞水濕下口啦，佢就話得，只可以濕下個咀唇，咁ok啦好過冇啦，成個過程我係不停咁抹咀
痛多幾痛突然間急急地，咁就同佢講啦，姑娘我急，佢就幫我探，探完就嗯一聲冇講野，我話幾多度喇姑娘，佢話嗯……軟緊未開
下……點解生到第4胎都唔識開 ……唔係話愈生愈快愈容易咖咩……都幾灰果刻……我話叫老公入黎得唔得？姑娘話可以但係要等多陣，我都知有規舉咖啦，要6度先比入黎，咁唯有等下啦，突然間好急好急有d想屙，佢走黎探就話進度好好喎，好快就可以叫你先生入黎，叫我打電話叫先生準備，當我打得通老公電話，老公一聽我差d爆粗，唔知點解著晒燈，一輪咀鬧佢做咩唔聽電話，我入左產房……
對唔住真係忍唔到，我諗姑娘應該都聽到，跟住又係好急仲急過頭先，急到要不停屙果隻，助產士見到我下面屙緊就快快走埋黎探，話未屙得呀要忍住呀，又話我一屙阿b心跳急跌呀，但係我真係忍唔到，每一痛就想屙，果下力根本就忍唔到，好不其然個人拗後出力，突然間佢地就衝過黎set腳架舖墊，叫我呼呼呼唔好出力住，要準備好，之後佢地準備好晒就叫我黎啦仲問我介唔介意比幾個學生黎睇，頂我呢個時候仲可以話唔好咩
，我一心諗住快d生出黎,就算啦，我一痛就出晒力屙，一下屙個頭就出左黎，佢嗌停我就忍住唔屙，佢話再用小小力就成隻b走出黎，終於大功告成
隻b成3.43kg，最重係佢唔怪得咁辛苦啦，不過都好好彩冇屙損到，佢地就擺個bb係我心口到食奶奶，之後就屙埋胎盤出黎，係產房等果2粒鐘，我真係好頸渴，又係咁急尿，之後就推左我去產後房啦，不停咁屙尿
發表於 
就算唔係生4個，生1個我都覺得好攰，不過辛苦之後都係值得既 
返回列表
