吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 卵巢朱古力瘤

婦女醫護今日: 4|主題: 34027

收藏本版

回覆發帖

返回列表

跳至頁

查看: 201005 | 回覆: 249

卵巢朱古力瘤

[複製鏈接]

12 3 4 5...13

Joeypigpig

大宅

積分: 1721

1^#

發表於 17-9-8 20:52 |只看該作者 |倒序瀏覽 |打印

今日做完檢查，右邊卵巢有個大約3cm嘅瘤，醫生話似係朱古力瘤，而家好唔開心，請問有無人都有？同埋點樣處理？

0 0 0

私人傳訊回覆引用

cacamon

大宅

積分: 1821

2^#

發表於 17-9-9 10:00 |只看該作者

Joeypigpig 發表於 17-9-8 20:52
今日做完檢查，右邊卵巢有個大約3cm嘅瘤，醫生話似係朱古力瘤，而家好唔開心，請問有無人都有？同埋點樣處 ...

我有朱古力瘤2-3cm，當時黎M時勁痛，痛到咩都做唔到，好彩算早發現，醫生話可以食專治藥，唔使做手術。

當時食左隻v字頭黃體素藥，初期覆診個瘤已經細左少少，最重要係完全止到經痛，所以你唔使太擔心，可以睇多幾個醫生問意見。

私人傳訊回覆引用

Joeypigpig

大宅

積分: 1721

3^#

發表於 17-9-9 11:48 |只看該作者

cacamon 發表於 17-9-9 10:00
我有朱古力瘤2-3cm，當時黎M時勁痛，痛到咩都做唔到，好彩算早發現，醫生話可以食專治藥，唔使做手術。

...

請問藥名係咩？可以pm我嗎？thx

私人傳訊回覆引用

Joeypigpig

大宅

積分: 1721

4^#

發表於 17-9-9 11:49 |只看該作者

cacamon 發表於 17-9-9 10:00
我有朱古力瘤2-3cm，當時黎M時勁痛，痛到咩都做唔到，好彩算早發現，醫生話可以食專治藥，唔使做手術。

...

同埋可以講你睇邊位醫生嗎？thx

私人傳訊回覆引用

DonnieBB

水晶宮

積分: 57098

5^#

發表於 17-9-9 19:31 |只看該作者

Joeypigpig 發表於 17-9-9 11:48
請問藥名係咩？可以pm我嗎？thx

V字頭應該係visanne , 呢幾日都有人呢度開post講緊

私人傳訊回覆引用

Joeypigpig

大宅

積分: 1721

6^#

發表於 17-9-9 23:30 |只看該作者

DonnieBB 發表於 17-9-9 19:31
V字頭應該係visanne , 呢幾日都有人呢度開post講緊

好的，謝謝

私人傳訊回覆引用

cacamon

大宅

積分: 1821

7^#

發表於 17-9-10 09:51 |只看該作者

Joeypigpig 發表於 17-9-9 11:49
同埋可以講你睇邊位醫生嗎？thx

已PM=)

私人傳訊回覆引用

yauwingkiki

禁止訪問

積分: 1056

8^#

發表於 17-9-11 08:55 |只看該作者

提示: 作者被禁止或刪除內容自動屏蔽

私人傳訊回覆引用

smilingfacee

別墅

積分: 670

9^#

發表於 17-9-11 10:53 |只看該作者

我之前post的, 可以參看下^^"

小妹多年前證實有卯巢細胞多囊症, Keep 住睇政府醫院同西醫婦科專科醫生, 佢地都會開d荷爾蒙藥, 排卯藥. 政府醫院就叫我每兩個月冇黎M就食, 專科醫生就黎M前, 黎M後食不同的藥. ( 當然我唔係同一時間食兩邊開d藥, ) 有一次食完專科醫生d藥都冇黎M ( suppose 食完7日就會自動黎 )一照超聲波就發現一邊卯巢有個3cm朱古力瘤, 個陣勁驚心情好低落 >< 專科醫生都有開另一藥睇下可否減細個瘤, 但唔work, 就叫我去醫院切左朱古力瘤佢.

有朱古力瘤後第一次見個政府醫院醫生係女仔, 好後生, 態度差, 佢話切唔切都得, 由得我決定, 我問佢如果第時生bb有冇影響, 佢話唔會, 因為bb在子宮個到, 朱古力瘤在卯巢到, 如果冇切除, 我將來老左過身時個朱古力瘤就跟住身體死, 佢講到咁, 而且我上網見到3cm仲細, 可以不一定切除, 我當然唔想做手術, 所以就唸住觀察耐睇個瘤有冇惡化或變大再決定.

大約8個月左右再覆診, 今次呢個係男仔來, 態度好好多, 照個陣大左2 cm, 佢主張我切左佢, 話唔好擺個炸彈在身體到, 唔好擔驚受怕, 心唸如果第一次睇個陣遇到佢就好, 然後我當機立斷, 即刻叫佢幫我安排最快日期做微倉手術, 本身應該由出面職員幫我約期(大概一年)但個醫生好好人, 幫我search 手術record最快的空檔, 最後左7個月後做.

做之前都好驚><因為由細到大都未做過咩手術. 雖然唔洗開刀.但都真心驚.到入醫院個日等左大半日先到我, 可能等得太耐, 同我Keep住聽好relax ge音樂同埋同男朋友facetime, 所以都變得冇咁驚, 當然入去手術室就緊張返. 好快比麻醉師打麻醉針同聞氧氣個個野幾秒訓著左^^" ( 上網話打個支麻醉針好痛,但都唔係好痛)臨在手術室走個陣醒左聽到d姑娘自己傾計話呢個好快出得院啦, 個陣感覺其實好似岩岩發完夢咁, 其實做完都唔係好痛, 只係有d唔舒服, 痺痺地咁, 當晚都落到地去廁所.第二日就出院了^^

做手術後不同醫生巡房, 之前好個個男醫生有講過話有機會耐唔耐先通經所以d瘀血有機會形成朱古力瘤,所以建議我食避孕丸, 令經期每月來一次又可以預防朱古力瘤返發. 做手術後都休息左一星期多d先返工, 因為好得閒所以上網睇左好多資料, 個陣先知道睇中醫有機會可以唔洗做手術就可以令個瘤除去T.T T.T T.T 恨我知得太遲~~由細到大都無咩接觸中醫. 半個月後都有去睇中醫. 調理返身體. 因為中醫角度做完手術個人好虛有熱毒氣血少. 不過依家d中醫真係收好貴, 之前婦科專科都已經貴, 有d中醫仲有話package, 8000$ 一年睇20次 ==其實真係唔知中醫係咪會" Dum症" 同呃錢. 我都睇左2個中醫, 食左個三個月左右, 我自己去私家到照超聲波, 感恩我冇哂d囊, 之前切除個瘤到都冇遺留的東, 我唔知係因為中藥定避孕丸ge功效, 我晚晚食避孕丸, 中藥就下午食, 中醫講過中西藥可以同時食, 不過最少要隔6個鐘. 西醫話避孕丸要食9個月( 防止朱古力瘤返發 )我都會跟佢. 我不能保證我食完後可否每月正常自己黎M, 但最少冇哂d囊已經好好. 所以好想share 我的事比大家聽, 患病中朋友大家加油 !! ^^

私人傳訊回覆引用

Vifey

複式洋房

積分: 280

10^#

發表於 17-9-12 13:46 |只看該作者

樓主唔駛驚，我身邊好多人有，做完手術就好了，仲可以生2個

私人傳訊回覆引用

tongtongmama

大宅

積分: 3097

11^#

發表於 17-9-12 16:28 |只看該作者

今年5月婦科檢查發現左邊卵巢生咗一個3.5cm大的朱古力瘤，婦科醫生話除了手術切除，無辦法根治，即使切除之後都很容易復發，只可以食荷爾蒙藥控制或者減慢個瘤的增大同減輕痛經。我唔想食荷爾蒙藥，醫生就叫我三個月後再覆診，話如果個瘤大過5cm，就要考慮做手術切除。因為舊年我已經做過手術切除一個頜骨的囊腫，做完身體差左好多，所以非不得已真係唔想再做手術。經過上網搵關於朱古力瘤的資料，發現中醫可以通過活血化瘀、軟堅散結的治療，控制同縮細朱古力瘤，於是我搵左我相熟的中醫幫我治療，希望可以控制個瘤唔好再大，避免再要做手術。中醫理論認為朱古力瘤的病因係長期氣滯血瘀，氣血運行不暢，以致帶有子宮內膜的經血逆行至卵巢積聚形成囊腫，所以係中藥治療的同時，我開始定期做帶氧運動，加強身體血液循環，同時戒曬所有生冷凍飲，出街自帶保溫杯，盡量早睡早起。經過兩個幾月的中藥同針炙治療，再加上運動同飲食習慣的調理，身體狀態都明顯比以前好。8月底再去婦科覆診，照完超聲波醫生竟然同我講，個瘤已經冇左！個一刻我覺得好驚喜，原本我只係希望佢唔好再大，估唔到竟然可以完全冇左，實在太喜出望外，而我過去三個月的努力總算有回報！樓主你的瘤唔係咁大，可以先睇中醫調理兩三個月試試。