少年成長

跳至

首頁
12

尾頁
   4


大宅

積分: 2452


發表於 17-11-9 23:36 |顯示全部帖子
小女今年三年級

成績唔理想
中文好多字唔識寫
英文好多唔識
數學學到除法,但加減法仍未能心算計出 (12-8=?)
常識一時時,都系好多字都唔識

由一年級開始,唔要求滿分100 ,如果有90已經好滿意 俾佢更輕鬆去返學
到二年級,希望會有80分返來已經好開心。。
估唔到,條線到三年級退後到 如果每科合格就好了。。


我覺得孩子需要有個童年,希望除了書本上的知識更加可以學到一些生活中的技能或者學識處理人際關係。

讀名校報無數興趣班呢D,其實我冇資格。一般人就應該過一般人生活。

但現在學校根本就填鴨式催谷學生。每日放學返來4-5樣功課,然後要各種默書(中文生字、英文單詞、常識) 唔去背默,肯定唔合格。 背默,又失去了生活。

小孩子其實是非常唔開心的,好想可以改變呢個狀況。但唔知道如何改變好。。



大宅

積分: 2452


發表於 17-11-9 23:39 |顯示全部帖子
增加補習班只會令佢快樂既時間更加少。。。
但又不能放棄學習。

其實我要求都系好簡單,正正常常。平平凡凡,只要童年過得有意義唔系童年陰影已經好滿足,為何現時甘簡單的事情變得甘難去實現。。。


子爵府

積分: 12107


發表於 17-11-10 14:41 |顯示全部帖子
視乎你的心態。我仔除一年級默書試過100分,幾年都冇,我不覺得有問題。考試60幾分都沒關係。分數真的不十分重要,最緊要孩子曾經用功,也知道怎樣改善。

阿仔持續評估經常滿分,我沒特別開心。有時沒寫手冊,不及格回來,我又沒有太大反應。一切都是平常心。

有80分,是否代表將來讀到大學?不及格又不是世界沒日。

我阿仔算是開心無憂,父母沒迫他讀書,4-5樣功課不算多,還有時間玩和看電視。我反而要求他學識生活技能,他小四我有時會要他洗碗、手洗自己衣服、學切菜炒菜。

他學校算輕鬆,一個月中英默書各1次,4年來只試過2次背默(如果經常背默我會問老師背來有甚麼意義),考試3次(放長假不用溫習)。

個個爭入名校,我不會理人,年年可以入精英班我都不讓他讀,輕輕鬆鬆又升班。要發力高中也未遲。


子爵府

積分: 11718


發表於 17-11-13 12:03 |顯示全部帖子
pobadboy 發表於 17-11-9 23:39
增加補習班只會令佢快樂既時間更加少。。。
但又不能放棄學習。
我好明白妳的感受,因為我是過來人,阿女以前都係一樣...我亦對這樣的教育方式好反感但非常無奈...唯有加油,不要把事情看得太大,日子會過去的,最重要控制自己情緒,不要讓小朋友覺得父母嫌佢.或者可以諗下可否轉去比較淺的學校...例如村校


大宅

積分: 4383


發表於 17-11-14 07:43 |顯示全部帖子

回覆樓主:

每個小朋友有自己步伐,分數是家長的主觀感覺,可以調節心理,反而我會諗用咩方法可以幫到小朋友吸收知識,例如創作一些小遊戲,每日練習寫5個字? 唔使多,只需要有進步,小朋友有成功感,有自信心,有學習動機


大宅

積分: 2452


發表於 17-11-16 22:22 |顯示全部帖子
pigmei 發表於 17-11-13 12:03
我好明白妳的感受,因為我是過來人,阿女以前都係一樣...我亦對這樣的教育方式好反感但非常無奈...唯有加油, ...

非常感謝Pigmei 常說求學不是求分數,我教孩子也是分數唔好一回事,最緊要學識點樣做人
但當面對測驗試卷考試默書時,看的的是一張張的不合格,一個個的交叉。內心總是覺得唔想浪費左個小朋友,明明未有盡全力,明明簡單可取分的一道道題目。

看見她,我覺得很辛苦。現時的教學實在令到小孩子童年消失了。
放任她,我覺得將來會更辛苦。 畢竟社會需要一個正常的人


覺得很無奈。。


大宅

積分: 4852


發表於 18-1-24 22:28 |顯示全部帖子

回覆樓主

我都覺得現時教育小朋友家長壓力真大,很無奈⋯⋯


複式洋房

積分: 486


發表於 18-2-1 12:49 |顯示全部帖子

回覆樓主

雖然我小朋友仲未出世,未有你哋啲感覺咁真實。但係我諗我會希望我個女有happy school happy life.
分數對我來講全無意義,最緊要開開心心。
當佢搵到佢搵到有興趣嘅嘢嘅時候,佢自然會自己去發掘更多資訊,滿足自己嘅求知欲


琥珀宮

積分: 152908


發表於 18-2-21 20:24 |顯示全部帖子
pobadboy 發表於 17-11-9 23:36
小女今年三年級

成績唔理想

其實要令佢明白出左幾多力就有幾多分,要佢明白呢樣先最難,讀書從來都唔應該係迫出來


大宅

積分: 4903


發表於 18-2-21 21:02 |顯示全部帖子
mandy952 發表於 18-2-21 20:24
其實要令佢明白出左幾多力就有幾多分,要佢明白呢樣先最難,讀書從來都唔應該係迫出來
...

你說得好。我對我仔講,只要你有努力溫習,無論結果係點,媽媽都接受。

可惜,我仔只係k3,已經有默書,評估。
曾經中默試過一次滿分,我仔開心,事實上果次他是有用心去溫習。
但到下一次默書,就好似失憶咁,唔肯溫,忘了之前滿分果種開心。


複式洋房

積分: 308


發表於 18-2-23 11:55 |顯示全部帖子
回覆 pobadboy 的帖子

真的好chur


子爵府

積分: 11718


發表於 18-2-23 15:19 |顯示全部帖子
pobadboy 發表於 17-11-16 22:22
非常感謝Pigmei 常說求學不是求分數,我教孩子也是分數唔好一回事,最緊要學識點樣做人
但當面對測驗試卷 ...
小朋友依假情況如何?分享些少我的經驗:我女3年級時我覺得再係GUM唔掂,我問佢是否想轉校佢話唔想,後來到5年級,佢好多時早上9點幾就CALL我話抖唔到氣,但醫生又話佢無事...跟住我再提議佢轉校,佢話好.佢現已15歲,佢陸陸續續話我知當初唔轉校的原因及後來SAY YES的原因,原來佢因為成績唔好唔聰明俾同學欺負(原來唔係妳唔介意佢差就無問題的)我好興幸轉左校,佢讀書都唔係叻,但學校生活開心.

媽媽請有空留意多D小朋友,傾下計,從旁看看小朋友在學校遇到什麼問題


伯爵府

積分: 16042


發表於 18-2-24 12:13 |顯示全部帖子
pobadboy 發表於 17-11-9 23:36
小女今年三年級

成績唔理想

有啲細路去到中学先开竅


子爵府

積分: 10917

虎到金來勳章 認識瑞士牛牛第一回 親子王國15週年勳章 親子王國15週年勳章


發表於 18-2-24 21:50 |顯示全部帖子

回覆樓主:

本帖最後由 hhyau 於 18-2-24 21:50 編輯

9月轉校啦!趁只係升4年級,搵間無咁多家課嘅,而家越來越多這類愉快學習嘅學校了。真的,佢追唔上這學校的程度,唔代表佢唔夠水平嘅。


男爵府

積分: 6699


發表於 18-2-25 08:57 |顯示全部帖子

回覆樓主:

每日4~5樣功課已經係好輕鬆,好多津校日日8~10樣,有啲甚至十幾樣功課。小三默書只係默生字/單字,已經係十分輕鬆。一般學校小一已經會默段落了。
其實你自己已經講出問題所在:唔識字。唔識字當然成績差啦,分分鐘睇題目都睇唔明。唔識字去補習係冇用架,好多字唔識,必定理解得唔好,即解題有問題,所以中文/數學/常識都唔會好。最有用既方法一定係多閱讀,認多啲字,每日花點時間親子伴讀吧!


大宅

積分: 1588


發表於 18-2-25 23:18 |顯示全部帖子
pobadboy 發表於 17-11-9 23:39
增加補習班只會令佢快樂既時間更加少。。。
但又不能放棄學習。

非常非常同意

近年競爭越來越激烈,本地家長,雙非,自己無可奈何下也開始逼個囝。

但發現自己較強的英文科原來囝囝無興趣無天份,越逼越噪底。心情極度低落,成日擔心囝將來讀唔成書乞食


大宅

積分: 2672


發表於 18-2-26 09:51 |顯示全部帖子

回覆樓主

其實4-5樣功課已經叫少,讀書都要講天聰,我果囝上學期考試最高只有70分,但全部合格,我都收貨,無謂追趕分數,讓佢開開心心就算,反而帶佢到圖書館睇多d圖書,仲好。



版主

積分: 52447

大廚勳章 玩具勳章 趣教勳章 叻叻勳章 有「營」勳章 版主 wyeth冷知識勳章 環保接龍勳章 親子達人勳章 BK猜猜猜慶中秋


發表於 18-2-27 12:37 |顯示全部帖子

回覆樓主:

如果成績唔理想,而又影響到佢自信心,就需要幫吓佢。

第ㄧ步,同有關科目老師傾吓,睇吓點輔助佢

第二步,訂立小目標,每次解決一個小問題

第三,亦最重要,俾時間佢玩(自由時間,做咩都得)

有時太着眼喺問題,反而睇唔到出路。

從玩中多發掘佢嘅優點,讚多D佢(實在),佢心情輕鬆咗,再面對問題時,多㸃信心解決。

其實P.3比P.1 & P.2 深ㄧ截,唔需要比較3年嘅成績。反而將心機放喺現時需打穏嘅基礎。ㄧ小個進步,已是大大成功!

加油
回家,並不只因為能遮風避雨、吃飽喝暖;
回家,是因為那裡有


「喜樂」「感恩」開始


子爵府

積分: 14119

BK Milk勳章


發表於 18-3-4 11:18 |顯示全部帖子
pobadboy 發表於 17-11-9 23:36
小女今年三年級

成績唔理想

我覺得做家長,不是只睇分數,分數高就代表小朋友明白,或得到知識。
其次,唔係家長把自己底線降低,就叫做體量小朋友。

小朋友,底子打得唔好,一/二年級已有知識未能掌握,升上小三,愈讀愈唔識,更冇晒自信,冇心機讀。

所以由低年班的知識,重新再學過吧。
就你講既數學加減,
先背10既組合(加,減都要),再背20既組合, 熟練後,

練雙位,多位加數,進位概念要清晰。

再練雙位,多位減數,記得借左位就要減番。
攪掂加減,開始背乘數表。

有d 概念係一定要記/背,唔係話要佢有愉快童年就由得佢唔識。

小朋友,步伐跟不上,家長就陪佢行慢d,追上嚟。唔係一味怪學校/老師教學照節奏唔等你仔女。

加油


侯爵府

積分: 23420


發表於 18-3-14 11:55 |顯示全部帖子
樓主, 你的小朋友上堂留心嗎?

我經常提自己嗰個上堂要留心; 一分心會聽漏好多嘢.

或者趁週末同小朋友溫習每星期教過的書, 印象會深刻好多

首頁
12

尾頁

跳至