唔好意思,又系讓座討論

ellen2608
|
話說我朝朝七點左右都搭長途巴士返工,上星期五我早咗出門,去總站上車,坐下層後面四人對座入面反方向的座位,在中途站上落客時,聽到有人喊:扶穩呀!我回頭望,見到個滿頭白髮的老人家,目測大概有七八十歲,站在擠滿了人的中間位置,車開了,也沒有人讓座,於是我便叫他過來,打算讓座,但坐我旁邊的先生很好,他先站起來,將近通道的位置讓給他。今天星期一,我遲咗出門,都係搭那班長途車,但無位坐,在中途站又見到那位老人家拿著拐杖上車,車迫滿人,他一直走走到車廂後面,也沒有人讓座,一企就企足五十分鐘,見佢落車時都幾吃力。我其實好想出聲叫人讓座比佢,但見後坐的人都無動於衷,心諗:唔通佢地覺得阿伯唔應該朝朝繁忙時間搭車同人迫,定係覺得阿伯應該企響前面關愛座旁邊,叫果D人讓?我最後都無出聲...
Sumyeema1
|
ellen2608 發表於 17-11-13 09:08
話說我朝朝七點左右都搭長途巴士返工,上星期五我早咗出門,去總站上車,坐下層後面四人對座入面反方向的座 ...

我自己見到會讓座,但唔敢出聲叫其他乘客讓。
點評
girlbear    發表於 17-11-13 11:31
babymama07    發表於 17-11-13 10:32
sandylaw
|
自己都無位坐就真係愛莫能助,讓唔讓坐係睇個人意願無得逼其他人行自己果套既。。。
點評
lojo11    發表於 17-11-13 10:11
laiman1002
|
要讓座只會讓自己個位,從來唔會叫人讓,即使有人坐係關愛座,肉眼只睇到人年老,但其他需要你又點判斷?
好似我宜家陀住個b, 就黎6個月都唔太見肚,咁我所以只會做好自己,唔會批判其他人既需要及權利
點評
girlbear    發表於 17-11-13 11:31
luckybaby2011
|
laiman1002 發表於 17-11-13 10:13
要讓座只會讓自己個位,從來唔會叫人讓,即使有人坐係關愛座,肉眼只睇到人年老,但其他需要你又點判斷?
...

唔駛猜測老伯同其他人、做好自己就夠。
sandylaw
|
我有次讓坐俾人竟然俾人話返轉頭,話說我同男友坐上層孖位,我男友發現有個阿婆就起身讓啦,佢起身果陣我又見到後面有對老夫妻,咁咪我都企埋身想行出來,點知個老伯同個阿婆搶位入,搞到我都出唔到黎,最後我攝位出俾個阿婆入左去牆邊位,點知個老伯竟然發爛話佢要兩個位,話同佢老婆要一齊坐 最初我男友係有叫阿婆坐先,我只係見到仲有老人家就順勢起埋身,我無指明係俾佢地架,我見佢係度擾攘就勸話一個位坐住先啦,但最後俾阿伯話:一個位唔坐啦,讓d唔讓d。。。然後拉佢老婆走左落下層 我就好無奈咁坐返低,真係激死 純粹呻下
做個靚太
|
做好自己就得啦~
你無可能用目測,知道邊個有需要坐!
mmya
|
我覺得做好自己便可
不用猜測人哋
Lilylee727
|
呢d情況真係唔知應該作何感想, 好多時需唔需要個位真係無樣睇, 後生仔可以唔舒服需要坐, 滿頭白髮又可以跑入地鐵霸位坐... 做好自己就算喇
我愛Corina
|
sandylaw 發表於 17-11-13 10:21
我有次讓坐俾人竟然俾人話返轉頭,話說我同男友坐上層孖位,我男友發現有個阿婆就起身讓啦,佢起身果陣我又 ...

唔坐算數啦咁有力氣行上行落,企下應該無問題
ilovemytwins
|
伯伯如果都係係總站上車其實可以等下一班,人地唔讓都無辦法!真係做好自己就好。
kaki0901
|
做好自己就OK
但見拎住拐仗一定會幫手出聲
羅咁大既孕婦都係

我自己陀緊大仔既時候幫過另外一位同我個肚差唔多大既叫人讓位
讓座個位都好好,我地都有多謝佢
fsforth
|
ellen2608 發表於 17-11-13 09:08
話說我朝朝七點左右都搭長途巴士返工,上星期五我早咗出門,去總站上車,坐下層後面四人對座入面反方向的座 ...

老人家應該先去關愛座,至於坐關愛座的人,如果見到有需要的,應該自動讓座。

至於其他位,我覺得只按自己意願,特別是長途車,大把人一日要做十幾個小時,有人忍屎忍尿要坐低,有人有病有暈,有人易暈車浪,有人要照顧身邊的小朋友,有人要在車上養神去做其他更重要的事,坐低就有罪,就要公開私隱去保住自己個位?

讓座和捐錢,一個是體力,一個是財力,有餘才可以捐出來,捐錢不可以迫,讓座(非關愛座)都不能迫。
點評
girlbear    發表於 17-11-13 11:33
藍眼
|
樓主心地好,不過不是個個都係咁,所以唔好厚多士出聲,分分鐘比人話
seaheart88
|
ellen2608 發表於 17-11-13 09:08
話說我朝朝七點左右都搭長途巴士返工,上星期五我早咗出門,去總站上車,坐下層後面四人對座入面反方向的座 ...

本帖最後由 seaheart88 於 17-11-13 11:38 編輯

我自己有位,我覺得有需要就讓比佢。。。

但我唔會出聲叫人起身讓比阿伯。。
因為我覺得呢個係好 Doris 的行為。。。

你覺得阿伯有需要。。。點解人哋坐低嗰個係無需要呢?

coffee2012
|
seaheart88 發表於 17-11-13 11:37
本帖最後由 seaheart88 於 17-11-13 11:38 編輯

我自己有位,我覺得有需要就讓比佢。。。

今日就有幾個人上車,同行有個老野婆一開口就話候生唔讓座,又話呢個係老人家專座。。。然後我就話你係咪未生過仔,係咪唔識睇關愛座個圖,邊怱寫住只係老人家。。。你需要就話有需要,點知人地坐底既冇需要。。。。所以我全程冇讓座。
fishfish121
|
全程車成50分鐘喎, 講緊最快落個站係50分鐘喎, 即仲有更耐時間啦, 基本上長途車全車人都有需要坐, 好老實呀伯搭完成個鐘唔會知佢去咁遠做乜, 可能之後全日就係坐同訓, 但絕對唔會係返工囉。好心就唔好揀咁早就同人迫, 迫人讓座先得架
goat
|
做乜push返幾個舊讓座post上來
mandy952
|
ellen2608 發表於 17-11-13 09:08
話說我朝朝七點左右都搭長途巴士返工,上星期五我早咗出門,去總站上車,坐下層後面四人對座入面反方向的座 ...

任何人都有權唔讓坐,自己做左就算啦。
YAC0601
|
試過坐巴士見到關愛座已經有個中年女人坐左,佢又衰,坐出面個位又唔坐入去,之後有個拎拐扙嘅呀婆想坐又去,個女人又唔讓呀婆入去先,仲摺摺聲話呀婆整到佢,之後全程兩個對罵,呀婆不停話呢個係傷殘位搭公共交通公具真心大壓力!
Powered by Baby Kingdom