世界屈機業主

gaga009525
|
我租左元朗一間平房一年,岩岩11月17日到期,但我16號已經搬左,直接今日我問業主幾時還按金,佢話還匙先退,但條原裝匙一直佢都冇俾我地,條匙都係我地自己配既,佢好堅持要我還鎖鑰,佢仲試過幾次自己開門入我地到。
跟住又話扣6000要翻新間屋,我地花左既地方都已經補好最多係俾上油錢,仲要只係一間一百尺唔夠既細房,其他地方都好正常,跟住問問下話6000原來係佢成間屋翻新,話還原哂俾佢,真係火都黎 租完屋要租客成間屋裝修俾佢?! 仲要過份到話要清潔間屋 扔垃圾 清左2日 要扣2400 ,我就一袋黑膠袋垃圾,一個細狗籠,一個ikea膠布衣櫃 ,業主而家租完屋俾人唔洗清做清潔既? 唔等7日我準備叫佢小額見
終極熊貓
|
gaga009525 發表於 17-11-23 07:50
我租左元朗一間平房一年,岩岩11月17日到期,但我16號已經搬左,直接今日我問業主幾時還按金,佢話還匙先退 ...

前者都支持你嘅
但最後,請問你係咪留左垃圾喺單位要人清理?
應該吉屋來吉屋去喎
咁佢charge你都正常嘅~
mocha20150323
|
唔知墻身有幾花,而你都覺得需要再油油,甘6000都差唔多啦,係貴左d,不過宜家請人搞都好難請。

你d垃圾當然需要自己清啦,唔理多少,交吉係正常做法。
Charlotte_mom
|
還屋交匙係正常做法,你有無同業主溝通過交吉前驗樓?條匙你留黎都無用,佢咁想要你咪俾佢囉
至於垃圾,無丟晒就走,係蝕章了
stagea
|
清垃圾係貴架!
我係c奶
|
gaga009525 發表於 17-11-23 07:50
我租左元朗一間平房一年,岩岩11月17日到期,但我16號已經搬左,直接今日我問業主幾時還按金,佢話還匙先退 ...

業主冇俾原裝匙,你點自己配?
klvisbaba
|
正常你當日收左幾多條匙, 退租時就要交返幾多條
油油價錢可以傾
清家居傢俬垃圾係好貴, 要搵車車去堆田區
333s
|
吉屋租出。
租客吉屋退給業主。
有錢在業主手, 自然要扣你。

租屋, 不該自己買家具的。買了, 也得搬走。

每次搬, 每次買家具, 花錢不值得。

moniko
|
本帖最後由 moniko 於 17-11-23 09:43 編輯

鎖匙一向就算自己配都要交還業主架喎。 如果租客俾錢就唔洗還, 咁你用自己錢換錢, 個業主永世唔洗再入屋啦。

垃圾唔清, 俾人claim錢好正常。 你就咁講都知幾件大野啦, 要幫你抬個櫃去垃圾房, 唔洗用力架? 掉轉人地租屋俾你時, 整幾件野俾你嘆, 點睇?

牆呢, 就唔知你有幾花。 不評論。不過油呢, 通常都要配色。 如果無配返色, 求其油幾處應該仲樣衰過唔油。

cheapershop
|
世界屈機租客
衛英姿
|
你屈機啲
ivory0915
|
你屈機啲喎
sinohk33
|
你自己都有唔啱,好好傾下啦。

上小額你估唔使時間咩。
wcandtt
|
你下次知道要清垃圾la...............

之前我租個單位比人,係新屋,2年後變小強大聯盟,地下其中一忽,比小朋友整到花哂,我好後悔冇扣佢任何按金,我以後租比人,一定要在租約寫明交吉時,狀態要一樣,否則收清潔費和扣按金。其實做業主唔係咁過㽼㗎!
魔怪媽媽
|
gaga009525 發表於 17-11-23 07:50
我租左元朗一間平房一年,岩岩11月17日到期,但我16號已經搬左,直接今日我問業主幾時還按金,佢話還匙先退 ...

1.鎖匙即使自已配退租時都要交還
2.油油如果你真係整都花晒,業主扣錢油過好正常
3. 人地吉屋比你,你應吉屋交還, 你搬走垃圾都唔清係你問題
pbpk03845784
|
gaga009525 發表於 17-11-23 07:50
我租左元朗一間平房一年,岩岩11月17日到期,但我16號已經搬左,直接今日我問業主幾時還按金,佢話還匙先退 ...
我租左元朗一間平房一年,岩岩11月17日到期,但我16號已經搬左,直接今日我問業主幾時還按金,佢話還匙先退,但條原裝匙一直佢都冇俾我地,條匙都係我地自己配既 ((即係當日業主係借條KEY叫妳去配?? )),佢好堅持要我還鎖鑰,佢仲試過幾次自己開門入我地到。(( 因乜事開門入妳度?? 妳有冇報警?? ))
跟住又話扣6000要翻新間屋,我地花左既地方都已經補好最多係俾上油錢,仲要只係一間一百尺唔夠既細房 (( 劏房?? )),其他地方都好正常,跟住問問下話6000原來係佢成間屋翻新 (( 即係點?? )),話還原哂俾佢,真係火都黎 租完屋要租客成間屋裝修俾佢?! 仲要過份到話要清潔間屋 扔垃圾 清左2日 要扣2400 ,我就一袋黑膠袋垃圾,一個細狗籠,一個ikea膠布衣櫃 (( UP 咩?? 即係以上嘅野妳就咁留左喺屋就鬆人?? )),業主而家租完屋俾人唔洗清做清潔既? 唔等7日我準備叫佢小額見 (( 如果傾唔掂...就唯有小額囉 !! ))
milk323
|
本帖最後由 milk323 於 17-11-23 12:22 編輯

呢啲野最好交匙時同時check 埋樓交收埋按金,事後先睇樓,扣幾多真係任你業主講。

我上次退租都有留底野,但我事先全部問準晒業主邊啲可以留,邊啲要拆走。業主好好,最後清晒場啲垃圾(都好幾袋)話會叫裝修佬城我掉。自然捐損耗全部冇扣我錢,話晒住左7年;我都好合作提返佢邊啲位有問題,叫佢一次過叫裝修佬整埋。最後佢只係咁易扣左我遲左幾日交吉錢$1500,即場傾好一手交匙一手交錢,大家開心。

gaga009525
|
mocha20150323 發表於 17-11-23 08:22
唔知墻身有幾花,而你都覺得需要再油油,甘6000都差唔多啦,係貴左d,不過宜家請人搞都好難請。

你d垃圾當 ...

我地已經整好牆身 油哂油俾佢啦
tansyneko
|
垃圾當然要自己掉,其他就要同業主講清楚
secretrose
|
gaga009525 發表於 17-11-23 13:04
我地已經整好牆身 油哂油俾佢啦

你同業主似乎一直有恩怨。
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽