0-6個月今日: 4|主題: 37152

收藏本版

發帖

返回列表

跳至頁

查看: 6302 | 回覆: 22

關於BB扭抱問題...嫲嫲湊孫問題(長) [複製鏈接]

之緣

子爵府

積分: 10477

1^#

發表於 17-12-11 15:53 |只看該作者 |倒序瀏覽 |打印

我BB五個月大，我坐月後返工就交比嫲嫲湊，嫲嫲係日頭上來我地屋企(15分鐘步行過來)，之前坐月時，佢日日上來幫。一路我都不贊成BB抱住瞓覺，或者一喊即抱起，因為咁樣好痴身，而我未生之前奶奶講左起碼10次話唔好抱咁多。
點知，我返工後，基本上佢有3/4時間抱住佢行來行去，抱住佢瞓，結果個仔就愈來愈痴身，我放工5點半左右回家，至到夜晚唔放得低，同老公輪流抱，有時食飯要分頭尾圍用膳。

我暗示過，奶奶死唔認，但我媽媽下午回去探孫和幫我買餸，佢話奶奶係抱到好誇張，仲要自私到如果佢自己去廁所放低孫都唔比我媽媽抱，去完廁所自己抱返。咁我唔出聲免得佢話媽媽打佢報告。其實媽咪講我都知，日日返到去都係抱住瞓。

星期日，基本上BB一起身，我地唔會得閒，因為要抱住行，仲要係坐住手臂咁抱，我地唔咁抱BB就喊 (居然試過奶奶話我地無人識抱BB，因為BB要坐住手臂咁抱)。情況似乎愈來愈嚴重。

昨天星期日，我地尤得BB喊，佢喊左15分鐘，真係大喊果種，一抱就唔喊，坐低都唔得，要坐手臂行住抱。我地TIME OUT佢在BB床仔，佢之後瞓左2個鐘，其間醒過我抱住(唔係坐手臂咁抱)10分鐘又瞓。

我唔知點好，BB好細，想人抱一定，但我唔想習慣左，因為晚上我和老公試過IGNORE佢10分鐘2天，之後宜家準時10點在床仔瞓天光，間中醒一醒。但6點至10點，仍然咁，我盡量同佢玩下，佢就笑，但唔肯自己聽兒歌，我有時覺得好辛苦。

我知好衰，我內心係怪我奶奶，佢咁搞，明知係唔WORK但為滿足自己抱，試過BB自己玩，佢見佢玩到手仔郁郁下，竟話:一定要嫲嫲抱，之後抱起。

宜家基本上每日下午抱住瞓3小時，佢又唔係真係抱(因為累)，只用隻手臂托頭，身體在佢大脾，佢話咁等於瞓床仔，手臂係枕頭大脾係床，我媽咪出過聲話咁不如瞓床佢唔出聲。我講明要抱唔該真係正經抱，唔好咁，因為對佢脊柱唔好，如果無力咁抱3個鐘就瞓床，又係死唔聽。

唔知點算好...我深日後一定會追飯餵...

0 0 0

私人傳訊

chengkayan

男爵府

積分: 5408

2^#

發表於 17-12-11 16:06 |只看該作者

叫你老公同佢講下，成日抱真係對BB脊椎唔好，盡快幫BB戒左扭抱尼個壞習慣

私人傳訊

RubyYu07

珍珠宮

積分: 39566

3^#

發表於 17-12-11 16:21 |只看該作者

回覆樓主

抱住訓對bb脊椎唔好，而且佢成日抱住唔覺得手痛咩，又癡身，做下家務都唔得。

私人傳訊

之緣

子爵府

積分: 10477

4^#

發表於 17-12-11 16:42 |只看該作者

回覆 RubyYu07 的帖子

我講過對脊柱唔好，佢唔出聲...

所以佢係錫孫，但唔識湊，淨識抱，抱住行來行去飲奶...死未?

我唔知佢係扮聽唔到對脊柱唔好定覺得無問題，暫時只滿足自己要抱GE慾望，話知個孫脊柱有問題，定唔信...

仲成日問個5個月大孫:嫲嫲咁辛苦，第日你比嫲嫲食骨定食肉...