求分享經驗, 諗住裝修全爆間屋

2015
|
本帖最後由 2015 於 18-1-13 03:17 編輯

本帖最後由 2015 於 18-1-12 11:58 編輯

求分享設計/用具經驗

我已有c fu ,但仲未約佢睇, 朋友比佢評價超好, 手工好/交貨期有提早/執漏又跟得好。我希望約佢前, 了解多的,唔使浪費時間決定, 因為我會諗好耐先決定到。

如果JM 裝修後,有覺得好值得整的地方,比的建議,可以的話影黎參考下(不用全屋的)。感謝。

<廚房>
sink 用咩牌子? 請用家分享經驗咩牌子好用或咩牌子唔好用, 會係邊度買度?謝謝。

我想整個廚房唔用時裝趟門打開, 用果時關埋, 好唔好呢? 有無相分享下。謝謝。

因為得我1個湊小朋友無人幫又要做全屋家務,成日都唔能夠食完即時洗碗,求裝洗碗機意見, 好用? 牌子,謝謝。

突然醒起仲有抽油煙機,請分享牌子,謝謝。

仲有無野漏左

<房及廳>
我間屋好細, 想整地台多儲物,麻煩分享家中地台設計相片(好或壞), 感謝~~

<廁所>
洗衣機
乾衣機(有無用)

其實有乜野我係需要決定/必買的

<窗台>
求分享(有相片更好) 感謝

求分享窗簾用邊種路軌/架,感謝。

我見好多JM 都係整地磚, 其實冬天咪會好冬,點解仲咁多人㨂既? 唔係木地板仲好咩?

等左幾年,樓巿步步高,終於唔等佢跌,第一次置業,乜都唔識, 真心求意見,不喜勿罵,感謝。

ash_yehyeh
|
首先最重要係搵個好師傅/裝修公司

如果裝修爛尾/手工差,有幾多idea都係空談
54heima
|
呢個巨型sink盤超級好用,乜煲都洗到,可以儲超多東東一次過洗。當初裝修師傅係咁勸我既然咁大位置不如要2格款,係我堅持要呢款,事實證明我冇揀錯。(請忽略入邊咁lao gao)

附件: 你需要登錄才可以下載或查看附件。沒有帳號?註冊
點評
chinghomama    發表於 18-4-25 23:45
草莓妹    發表於 18-3-1 16:49
wcpcelia    發表於 18-1-12 11:55
wcpcelia    發表於 18-1-12 11:55
2015    發表於 18-1-12 09:55
lafield
|
木地板係舒服,但香港天氣潮濕,木地板唔夠地磚咁易打理同襟用
點評
2015    發表於 18-1-12 10:03
2015    發表於 18-1-12 09:56
brindlewin
|
ash_yehyeh 發表於 18-1-12 03:13
首先最重要係搵個好師傅/裝修公司

如果裝修爛尾/手工差,有幾多idea都係空談

對。
veronna
|
我後悔用木紋磚,之前無縫好正,又易打理又唔會凍冰冰。而且選磚時唔知有分方邊同圓邊,結果只揀紋同色之下選左圓邊。鋪完先發覺磚同磚之間就唔貼好似綑曬邊咁冇咁靚。
點評
2015    發表於 18-1-12 10:36
ChloeMa
|
<廚房>
sink 用咩牌子? 請用家分享經驗咩牌子好用或咩牌子唔好用, 會係邊度買度?謝謝。
(答: blancx 石盤,碳灰色。 耐熱、不怕花。 枱面用石英石,硬度高、可受熱、不入色、不入d水。)

<房及廳>
我間屋好細, 想整地台多儲物,麻煩分享家中地台設計相片(好或壞),
感謝~~
(答: 我在房做地台床,可放大喼,儲存量增加了。 不過邊位會入塵,要抹。 之前也有考慮過廳造地台,但 cfu 不建議,若廳不是很大,造地台會令空間相形變細,而且易 kick 脚)

<廁所>
洗衣機
乾衣機(有無用)
(答: 你有位放嗎? 洗衣機我放廚房。 安了嵌入式蒸焗爐,無位放洗碗機、乾衣機。 睇那些較切合個人需要吧。)

其實有乜野我係需要決定/必買的
(答: 決定要安裝那些家電。 一開工就好快拉電線,決定掣位。 寛頻要拉入房嗎? 用cat 5E 或 cat 6 線?
- 用明火或電磁爐? 如有小朋友,可考慮後者,安全d,間屋無咁熱。 但若要猛火煑食,就一定明火。
- 樓底夠高,建議用吊扇,夏天可開少d冷氣。
- 用煤氣/電熱水爐? 如用後者,留意某些需3相電,電線也需粗些。
- 厠所安浴室寳? 電子厠板?
- 冷氣是窗口式/分體式? 冷暖/淨冷?
- 開關燈掣要2-way / 光暗掣嗎?
- 天花用燈槽、盒仔燈、射燈、吊扇燈、天花燈?
- 廚櫃按照煑飯流程,設計廚具擺位。 廚房吊櫃下要安裝燈管。 要濾水器嗎?
- 想清楚生活流程,那裡需要插頭? 做多好過做少。 做少之後只能用拖板。

我見好多JM 都係整地磚, 其實冬天咪會好冬,點解仲咁多人㨂既? 唔係木地板仲好咩?
(答: 我家較潮濕,之前用木地板受潮、漏水黑晒,有些仲凸起。 所以決定用木紋磚,冬天我有穿拖鞋,所以不覺好凍。 其實十幾度唔著拖鞋都不覺凍。)
點評
草莓妹    發表於 18-3-1 16:52
Kittychan3802    發表於 18-1-21 18:02
CLK-MB
|
廚房洗碗盤我用B字頭石盤,用左大約兩個月,感覺唔錯。我有用洗碗碟機,買左Bosch, 仲有焗爐、電磁爐都係用佢。
用地磚係怕潮濕,易清潔
點評
2015    發表於 18-1-12 10:04
Charlotte_mom
|
我62退休前開木料行,屋企所有木嘅野都係來貨價,當然包括木地板
後來因為各樣原因(受潮、廁所sink漏水)影響攪到成日要起地板,我老爺最後頂唔順換地磚,一天光晒
星盆檯面用corian唔好用雲石,我屋企個星盆檯面唔知幾時裂左(估計有重野跌過落去),滲水滲到成個櫃要重做,仲滲壞埋廁所門口範圍木地板
點評
2015    發表於 18-1-12 10:37
cholewong29
|
如果有小朋友,就唔會開廚房門

揾個溝通到的好師傅就得
媽咪面
|
本帖最後由 媽咪面 於 18-1-12 10:13 編輯

sink盤我會揀圓邊,不會用方型,圓邊係成個啤出來,而且四個角位不易積水。一定要揀大sink,我嗰個44cm好似。1.2mm厚,304不繡鋼。不要太深,否則要彎腰洗。

我有間屋用木板,廿多年好襟,係師傅整得靚同平時保養得好,小朋友出世後嗰排入住,但俾佢起晒啲蠟,佢又推車又刮地,但就撞倒不會太痛,暖一些。木板老化要揾人整,所以最後搬走了。
另一間屋用意大利木紋,好大塊嗰隻,唔多唔少會藏漬,要大力拖地拖下啲紋,好靚,聽講唔知咩尺寸係最好的,原因我忘記了,好似係製造時原個出同不用切開咁,但一定不是小尺寸,所以我買了我而家嗰隻。仲有買磚唔好貪平,最好用返意大利磚,唔易撞崩。
同埋面頭顏色要落到中間或底,有都會好貴,因為崩出,底下嘅顏色都係同色,就算無咁深,都會係白色唔多覺,所以要揀淺色,深色系列會覺眼。

乾衣機對於我來講係must have item,因為不用浪到週圍都係毛巾同床單,我只會乾大張同唔怕縮水嘅野,同埋仲可以焗塵蟎。我用煤氣,洗完浪一浪就收埋,好方便。而且好軟熟。
如用電乾衣機,洗完啲衫唔軟,而且二合一萬一其中一樣壞了,就整台都不能用。我成日開洗衣機,要考慮埋呢點。

洗衣機我用揭頂式咋,用左4年都好襟用,因為我成日速洗,有時啲甩色衫無可能同其他一齊洗,就速洗20分鐘,一日都開3至4轉機,都好密下。
所以廚櫃我沒有做埋前置式位,彈性啲,如一做左,就以後都要焗住買前置式。

焗爐我只係用狗臂活動架乘著,我用普通大焗爐已足夠,高低隨時可調節,是師傅叫我咁做的,他說廚櫃不要做埋焗爐位。

CML2006
|
如果你已經有裝修C Fu, 你可以考慮洗多少少$,揾個 freelance designer 幫你 design,做埋施工圖。

我 10 年前裝修都係咁做,我 ok 咗個 design 之後,designer 会拎埋施工圖同我個 C Fu 傾點做法。
2015
|
ChloeMa 發表於 18-1-12 07:43
sink 用咩牌子? 請用家分享經驗咩牌子好用或咩牌子唔好用, 會係邊度買度?謝謝。
(答: blancx 石盤,碳 ...

本帖最後由 2015 於 18-1-12 10:42 編輯

感謝分享
原來仲有咁多野要決定, 要慢慢消化下
mickeywinnie3
|
THx share
2015
|
媽咪面 發表於 18-1-12 10:03
sink盤我會揀圓邊,不會用方型,圓邊係成個啤出來,而且四個角位不易積水。一定要揀大sink,我嗰個44cm好似 ...

感謝分享。
我2個小朋友但係超多衫要洗,大人衫又要同小朋友衫分開洗, 好多時一日2機,所以先諗下買唔買乾衣機,請問係邊隻牌子? 謝謝。
2015
|
Charlotte_mom 發表於 18-1-12 08:18
我62退休前開木料行,屋企所有木嘅野都係來貨價,當然包括木地板
後來因為各樣原因(受潮、廁所sink漏水) ...

資料好有用,謝謝。
SaBB
|
2015 發表於 18-1-12 10:50
感謝分享。
我2個小朋友但係超多衫要洗,大人衫又要同小朋友衫分開洗, 好多時一日2機,所以先諗下買唔買 ...

本帖最後由 SaBB 於 18-1-12 10:54 編輯

乾衣可考慮煤氣寶吧、好好用。

Joudan
|
裝修 ... 可以講三日三夜
2015
|
CML2006 發表於 18-1-12 10:13
如果你已經有裝修C Fu, 你可以考慮洗多少少$,揾個 freelance designer 幫你 design,做埋施工圖。

我 10 ...

我岩岩朋友裝完,佢都係有搵designer , 但朋友話其實都係佢自己的意見, designer 話做唔到的, c fu 話放心佢搞掂,最後c fu 做得非常好, 所以唔一定要。
mongng
|
54heima 發表於 18-1-12 04:16
呢個巨型sink盤超級好用,乜煲都洗到,可以儲超多東東一次過洗。當初裝修師傅係咁勸我既然咁大位置不如要2 ...淘宝有panasonic, 淘: 松下水槽, 超好用

Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽