覺得自己係個唔合格既媽媽

tellreason
|
阿囝個半月, 而家日日飲奶都飲得差..餐餐奶都要磨成45分鐘, 有時候飲到30-40ML就瞓著唔飲..之前個餐又唔係飲得多..雖然聽啲人話由佢瞓. 最多下餐早D喂..有試過呀..餓醒諗住里餐會飲多D啦..開120俾佢.點知又係度磨

我下星期就返工,, 想幫佢戒夜奶..完全唔知點幫佢戒...上網睇話日頭加量, 或者夜晚最後一餐俾多D佢..

佢一餐最多飲120, 仲係好勉強...試過最後一餐佢飲完120ML, 都係捱得3-4個鐘就醒..凌晨時間多數飲得70-100, 有時候30都試過

日頭要抱住瞓, 一放落床就喊..佢喊都已經拍拍佢..同佢傾下計..但佢係愈喊愈勁, 直到你抱起佢為止..

我覺得自己唔識做人媽媽



beecheng
|
tellreason 發表於 18-1-17 08:38
阿囝個半月, 而家日日飲奶都飲得差..餐餐奶都要磨成45分鐘, 有時候飲到30-40ML就瞓著唔飲..之前個餐又唔係 ...

係咪第一胎?做媽媽係邊學邊做,就算我第二胎情況同之前都唔一樣,又要再學過。我囝一個月左右,未戒夜奶,大個啲可以架啦。慢慢調節。
tellreason
|
回覆 beecheng 的帖子

係第一胎呀..
覺得有D無助咁..見到個問題..但唔知點解決..


beecheng
|
tellreason 發表於 18-1-17 10:18
回覆 beecheng 的帖子

係第一胎呀..

做媽媽係好多問題要面對,好多野擔心。多啲問下人同人傾下,俾啲時間觀察等待就好好多。加油!
tellreason
|
回覆 beecheng 的帖子

多謝你
日本成
|
慢慢來啦,新手媽媽要慢慢學習,我果時阿仔又係,日頭一放落床就喊(d姨媽姑姐話唔好抱,唔好整慣晒,但係又唔忍心,一陣喊破喉嚨仲麻煩)
頭果個月好辛苦,比心機呀!到佢識笑你就覺得好值得,覺得時間真係過得好快

夜奶我覺得唔好特登幫佢介,我試過諗住幫阿仔介,最後果餐比多d佢食,頭果幾晚係可以瞓耐少少,但係有晚佢唔肯食,我迫佢食埋佢,果晚成晚唔瞓,咿咿呀呀,一抱起佢嘔到成床都係,又要沖涼又要換床單,弄巧反拙
tellreason
|
回覆 日本成 的帖子

咁你最後係幾時幫佢戒同點戒到架?
janede1314
|
你已經好叻㗎啦,起碼抱起唔再喊先,我個個b而家三個幾月,最近在床上喊,就算抱起都繼續喊

日本成
|
tellreason 發表於 18-1-17 12:19
回覆 日本成 的帖子

咁你最後係幾時幫佢戒同點戒到架?

我係返工果個星期就介咗,佢自己介,聽到佢醒咗試下拍下佢或者比奶咀佢食,睇下佢會唔會繼續瞓
我會瞓之前同佢講”xxx(佢個名),好夜啦,要瞓覺,媽咪瞓係你隔離,唔洗驚”
tellreason
|
回覆 janede1314 的帖子

最驚里種...唔知喊乜..
tellreason
|
回覆 日本成 的帖子

等我今晚試下..

hkyuki618
|
慢慢來,第一次做媽媽我都好lum盡,自己湊冇人幫手,初初成日喊,bb有小小野就如驚弓之鳥,後尾日夜顛倒成日扭計都挨過左,而家就來三個月,已經好好多。加油啊媽媽!一日一日大,會對住妳笑,個感覺係天都光嗮
RubyYu07
|
每個人都係由新手媽媽做起,唔係天生就識做媽咪。摸清楚bb既脾性同習慣,好快就上手
tellreason
|
回覆 hkyuki618 的帖子

以前睇住人地做父母,覺得人地大驚小怪,而家先知真係乜到驚一餐希望佢一日比一日好,就算食咁少奶,體重都有增長啦
hkyuki618
|
tellreason 發表於 18-1-19 09:30
回覆 hkyuki618 的帖子

以前睇住人地做父母,覺得人地大驚小怪,而家先知真係乜到驚一餐希望佢一 ...

大家甘話,放心,bb會健康成長架!
睇電視見d羅興亞人帶住bb走難,甘慘bb都冇事,我地香港福地,各樣野都好好,更加唔嗮擔心
kam80kam
|
tellreason 發表於 18-1-17 08:38
阿囝個半月, 而家日日飲奶都飲得差..餐餐奶都要磨成45分鐘, 有時候飲到30-40ML就瞓著唔飲..之前個餐又唔係 ...

如果飲奶差有冇試過換其他奶樽/奶咀睇下有冇改善?如果奶咀太難啜有時bb係會飲到忟或者飲到攰瞓著。至於戒夜奶其實急唔黎,bb去到一個位覺得身體需要足夠就會戒。目前都係幫佢改善下飲奶情況,奶量夠,夜奶先會戒到,如果成日飲得少,bb自動就會喊肚餓。
tellreason
|
回覆 kam80kam 的帖子

試過換大Lon既奶嘴,飲到漏晒出嚟,食唔切,所以又轉番舊奶嘴佢而家夜晚飲奶/掃風 可以搞成個幾鐘,去到半夜個胸谷又要泵奶,感覺瞓低冇幾耐佢又喊醒要食
就嚟返工啦,望佢乖乖地自動戒啦
clkam
|
tellreason 發表於 18-1-22 21:13
回覆 kam80kam 的帖子

試過換大Lon既奶嘴,飲到漏晒出嚟,食唔切,所以又轉番舊奶嘴佢而家夜晚飲奶/掃風 ...

我覺得如果佢日頭食得好,食得夠,咁同佢介夜奶係可以的,但如果你b日頭都唔食得好,係少食多餐個種,就真係唔急得介,佢每餐量不多,快要食好正常的,所以可以先調好佢每餐食奶。佢係訓左唔食定係啜得慢?如果食一陣就訓,試下掃風換片r腳板整醒佢,我覺得每餐淨食的時間太長,對你同b都累,可能預食半個鐘就停,真係少食多餐有規律咁餵。如果啜極都食得慢,可能真係奶咀問題要換。觀察下試下唔同方法會搵到啱的解決辦法的。
babybearbaby
|
可能BB厭奶期,我嗰時就少食多餐,驚佢唔夠營養,唔洗擔心,過咗一排,佢又會變猛長期,不停食,佢地有佢地自己嘅生理時鐘,而夜奶方面,唔洗突登介㗎,佢肯食,我都由得佢,食到佢自然介,不過自己就辛苦D,做咗媽媽之後,幾辛苦都無所謂,最緊要BB健康,媽媽,加油,唔好灰心
tellreason
|
回覆 clkam 的帖子

佢里兩日日頭食得好左..但餐餐都要食半個鐘..我自己掃風好渣..上網睇片..睇埋奶奶姐姐掃風手勢..都好難掃到風出嚟..

佢夜晚真係好準時..食30ML or 120ML, 都係三個鐘起身叫食..


Powered by Baby Kingdom