呢份工真係好辛苦

pppppeggy
|
本帖最後由 pppppeggy 於 18-1-17 12:25 編輯

可以點撐落去.....唔想而家突然辭職 因為唔做呢份工後
我係打算自己搞小生意兼返part time
身邊所有人都想我拎埋花紅先辭職
但係係公司越黎越辛苦 人已經少
四個月前炒完人之後話請人 請到而家 人呢?
我一個人做晒, 仲要比你話點解我唔做多D
請到個人 第一日我乜都無比過佢做
第二日係收工前一個鐘比佢sd一個email
返左兩日就話唔適合佢唔做 之後話我鬧走人
其它部門既野有問題 又叫人搵我搞 乜都關我事
但係我做個D野 就無人關事
我做乜都係錯 做乜都話左我先 有乜意思?
就算我真係做錯 唔可以好聲好氣問清楚先 真係錯先話我?
一定要係唔係都要話左我先?
到我解釋返 無問題個時 你又難落台啦 你好受咩...為乜?
我真係唸唔明.....你一句叫我整乜乜乜
我又整...你知唔知係幾難整幾複雜?
我份人工唔包識做呢D咖!!! 你仲要同我講2個鐘內比你
好啦 你講到咁急 比完你 你咪又係兩日後先開黎睇?
分公司同事叫我幫佢整公司野, 咁我整到咪整囉
我都係好心做多左姐 又比人話我亂用公司資源
唔可以同我講 下次呢D情況唔洗幫佢地 咁樣唔得?
唔通我要變到乜都唔q做 你就安樂?
最慘係自己想本"pair"都唔得
佢一叫我整乜整乜 我又盡晒力整
因為我怕 我做岩佢都話 如果真係做錯 仲話得勁...
但盡晒力整 佢都話我 我又唔甘心 又唔開心
我而家同佢講親野 佢一問我野
我就好驚 個心卜卜跳

多謝大家睇完我D廢話....

Poyau
|
pppppeggy 發表於 18-1-17 12:25
可以點撐落去.....唔想而家突然辭職 因為唔做呢份工後
我係打算自己搞小生意兼返part time
身邊所有人都想 ...

花紅幾時出 冇耐就忍一時等多陣
做小生意 多個錢 鬆動啲
ben-dan
|
如果花紅2月出就忍吓啦,如果4月出,我會博咀,反激,有種就炒我
虫虫主人
|
花紅會多嗎?
新年前出? 即是共捱多2個月可以走人啦!
加油!
fanfanfanny
|
本帖最後由 fanfanfanny 於 18-1-17 12:56 編輯

把口生在人地道,八婆性格把口真係好難收,打工啫,認真便輸了。
如果難頂,一係唔要花紅,一係請返三,兩天病假,休息下,再返幾日再請病假,拖拖下就過年,攞埋花紅咪bye。
BeautyPinky
|
本帖最後由 BeautyPinky 於 18-1-17 13:18 編輯

唔開心就唔好做啦
不要谷氣到崖出抑鬱病來
放鬆心情,跟隨自已心意選擇
點評
wcpcelia    發表於 18-1-17 13:59
LucaLuLu
|
係咪見你自己一個做晒就唔請人住?
一出左花紅即走
flyinsky
|
明白你好慘但唔捱都捱左咁耐,我一定等埋bonus
bdrescue
|
BeautyPinky 發表於 18-1-17 12:53
1. 你話人手缺,公司請到人幫你,但你第1,2日也不教佢,或分1些工作比佢(易地而處,我相信你係新手都唔撈)。反 ...
1應該係自己d野都做唔完,邊有時間教人
TMC3012
|
花紅有冇講明幾多錢?
如果咁辛苦真係挨多個月都辛苦架喎
appledai
|
既然都打算走,不入high做,等花紅,要不等boss炒你
pppppeggy
|
BeautyPinky 發表於 18-1-17 12:53
1. 你話人手缺,公司請到人幫你,但你第1,2日也不教佢,或分1些工作比佢(易地而處,我相信你係新手都唔撈)。反 ...
1, 第一二日我有比公司既野佢睇,都有同佢講試下睇下同用下公司system
係無比工作佢做, 第二日我比一個email佢sd
佢都大壓力到接受唔到 如果一開波就比野佢做
我怕佢仲受唔到

2, 老細叫到 你無得say no啊...
只可以做到就做 跟到就跟 盡力囉T^T

花紅聽聞新年前會出, 我已打算出左花紅就遞信
不過有時真係怕撐唔到去新年 ><
pppppeggy
|
fanfanfanny 發表於 18-1-17 12:52
把口生在人地道,八婆性格把口真係好難收,打工啫,認真便輸了。
如果難頂,一係唔要花紅,一係請返三,兩 ...
老細係男人黎><我上星期已經射左日波,
個心都好過己唔去
唔敢係咁請假
我會努力頂到出花紅
希望頂到啦
mymelody0701
|
咁似我嘅,我又係冇唒人做乜都錯,我等埋花紅即遞信,但我份B仔要三月尾先出,遞信後仲要捱兩個月,日日渡日如年⋯樓主加油,捱埋佢!
點評
wcpcelia    發表於 18-1-17 13:59
vkk
|
新年前出就捱埋去啦!
多少都攞左先
唔捱都捱左咁耐
加油!
唔好煩我
|
過年係咪多數有双糧花紅先?無就走囉


櫻花bb
|
pppppeggy 發表於 18-1-17 13:19
老細係男人黎>

仲有個幾月姐,頂埋佢,加油
g8384
|
撐住呀 一拎到花紅即走
pppppeggy
|
救命啊 又黎啦....
佢叫我整個excel 5千幾條task
幾萬條唔同既formula 你老板
我sd比佢個個D formula 完全無問題
一個#NA都無,
佢睇完(唔知有無改過野) 某D formula 全部變左#NA
一句pls check ==
幾萬條formula啊老板 點check啊?
你可唔可以自己唸下點解我sd比你個個無NA啊?
pppppeggy
|
我真係好想遞信唔想再睇佢面色
我真係好想同佢講 你究竟知唔知我花左幾多心血係呢個excel到
無欣賞不特止 只有三番四次比你話
你試下係公司搵另一個人睇下邊個整得到呢個表
(個表唔係難 不過公司無人識excel)
Powered by Baby Kingdom

隨時隨地瀏覽及討論更多親子話題

開啟親子王國 App
繼續瀏覽