少年成長今日: 2|主題: 15845

收藏本版

發帖

返回列表

跳至頁

查看: 2801 | 回覆: 1

孝順父母 [複製鏈接]

csir3290

子爵府

積分: 10912

1^#

發表於 18-1-28 13:07 |只看該作者 |倒序瀏覽 |打印

本帖最後由 csir3290 於 18-1-28 13:07 編輯

做父母梗係希望仔女孝順，阿仔阿女亦試個問乜嘢叫做孝順。其實係咪聽曬父母話就叫做孝順父母呢？喺而家呢個世代其實真係好難要求細路仔要完全聽曬父母講，做父母嘅好多時都要尊重細路仔嘅諗法。我諗我唔會要求對仔女完全聽曬我講，其實最好就係佢哋可以有自己嘅諗法自己識得分對錯，咁我覺得仲更加重要。所以後來我諗與其教佢哋要孝順父母，不如簡單啲教佢哋要愛錫父母好過。我同老婆當然好愛錫對仔女喇，但係咪我哋愛錫佢哋佢哋就會自然學識點樣愛錫父母呢？仔女將來都會有大個嘅一日，佢哋都會離開父母嘅身邊，咁到時究竟點樣先叫做愛錫父母呢？做父母嘅好多時都會知道點樣愛錫自己嘅仔女，咁自然仔女都會愛錫自己。但係好多時做父母就忽略咗點樣去愛錫自己嘅父母，因為我哋點樣同自己嘅父母相處，亦都係一個榜樣令到仔女將來大個嘅時候可以學到點樣去同父母相處點樣去愛錫父母。試問如果我哋而家都唔識點樣愛錫自己嘅父母或者長輩，我哋將來有點可以要求我哋嘅仔女識得點樣愛錫自己呢？我成日都提醒自己我哋就係小朋友心中嘅一面鏡，我哋點做細路仔將來就會學我哋點做。我對仔女嘅爺爺同嫲嫲雖然都已經過咗身好耐，但係我會成日同佢哋講爺爺嫲嫲以前嘅嘢，爸爸點樣同佢哋相處，希望佢哋都感受到爸爸媽媽都好愛錫同尊重爺爺嫲嫲。
另外我哋亦都好重視仔女而家同公公婆婆嘅相處，雖然唔係一齊住，但係我哋成日都會經常聯絡，成日都會打電話問候對方，又會經常帶對仔女一齊去探公公婆婆，亦經常安排家庭聚會，就算去外地旅行，我哋都盡量安排埋同公公婆婆一齊去，從生活當中，希望仔女能夠學習到點樣同長輩相處，同點樣愛錫長輩。其實講到最尾又係回歸最簡單嘅講法，我哋點樣講畀啲仔女聽點樣教佢哋其實都唔及親自做畀佢哋睇咁有效。
與其好抽象咁同佢哋講教佢哋要孝順父母聽聽教聽話，不如做畀佢哋睇點樣去愛錫父母尊重父母同關顧父母嘅感受，等佢哋將來長大亦都懂得點樣去同父母相處好過。可能我迷信，但係我真係信今日我哋點樣對自己嘅父母，將來仔女亦都會點樣對番自己。雖然我哋而家愛錫仔女唔係話求將來有乜嘢回報，但起碼都可以希望將來一家人能夠開開心心咁生活吧！