嬰兒食譜 今日: 0|主題: 27290

Hello 謝利畢菲，8個月BB大約食到1碗250-300ml粥，1湯匙肉類、2湯匙菜蔬類，一般8個月大後食物唔需要完全攪爛，食物質感可以比較杰身，媽媽可以多D用誇張口型示範俾BB睇點樣咀嚼/吞嚥動作，俾BB食唔同質感食物，例如:ABC粉、星星粉、剪細米通粉，俾BB練習咀嚼，BB試過食粉/麵嗎?

媽媽可以參考以下比例，稀粥1/2 杯 (240ml)白米:5杯水，稠粥1/2杯白米: 3 1/2杯水，根據BB咀嚼和消化能力調較粥仔嘅稀杰度，開始嘗試剪細左粉/麵都OK 8個月BB可以開始食第2餐固體，試左未?

媽媽可以參考量杯上份量指示，240ml 等如一杯份量 。BB大左會容易被四周事物吸引，如果未有餓意、進食環境/食物不能引起佢興趣，都會食得唔專心，2餐相隔4個鐘或以上，控制進食時間30分鐘左右不再進食，試多D顏色鮮艷同味道突出新鮮食材，製作西式濃湯都OK，例如:
蕃茄、南瓜、甘筍、栗米、菠菜、青豆、蘑菇，煮粉麵，都可以刺激BB食慾。另外，放佢係遊戲地墊上探索四周，增加熱量消耗，避免佢玩到投入時馬上要吃粥，同家人一齊進食，都可感染BB喜歡食固體架。媽媽有冇試過呀?