小朋友有自閉症，需要更多關心同耐性，你自己有沒有學習下關於自閉症嘅知識？
我仔都係自閉，我在自閉界已有數年，其間知道同學習左很多特殊兒童的需要。佢地大多很怕沒有常規又特如其來嘅活動，如果加上人多喧嘩困迫的環境，少少事情就可以引起大爆發。爆發起來任何人都攔不住。
那少少事情是什麼？你同我可能唔會知道。孩子表達又不好。太嘈，太光亮，太迫沒有個人空間，睇唔順眼某些擺設，.......等等都可以係道火線。
咁點好？做父母，如果預計到某個活動不在常規内，孩子少接觸或未經歷過，咁我地一定要事先設法讓孩子明白what to expect. 透過故事，漫畫，YouTube 林林總總嘅方式去話比佢知大約會係點情況。到埋牙開波時，孩子大概知道係點，幾時來幾時走，中間有乜要做，有乜野食，有乜野佢玩，會見到咩人要講咩野， 之類之類咁佢可以少一點anxiety. 當然特發事情還是會發生的，所以我地都要諗定後路。
如果同親友們聚會，其實不妨同佢地打定針報定案，話佢地知可能小孩會有特殊情況出現咁你地要走先之類。一家人必須要有同理心。如果佢地要judge我地都沒法，但千萬不能比他們當住孩子面前judge，這是底線！明白嗎？
等日子慢慢過，如果你孩子有做治療的話，佢一定會有進步的。佢嘅世界已經好孤獨，做父母想要佢走出來，必須先要自己走進去孩子嘅世界，看一看佢地嘅世界幾咁神奇，同孩子一起欣賞下，咁樣孩子先感覺到自己唔係孤單一個沒人明白，當佢知道父母同佢在一起時，就會慢慢肯讓你拉著他步出自己世界，開始學習我地這個所謂正常嘅世界模式。過程可以快也可以慢，但千萬不要嚇怕他，打罵他，操之過急。這會讓他回去自己的歡樂谷而不想再走出來。
你和你的老公要找些機會獨處下商量下呢件事情。孩子佢有份生，就應該要學習教育孩子。如果佢只想不負責任也不再愛你們，那就同佢分開。沒有愛的家庭只會是悲劇收場。如果大家有愛，個家就有希望。
I support autism acceptance!
發表於 
唔養個仔同你不單只，仲要你養
返回列表
