Helloeyslam 媽媽,明白媽媽嘅困擾呀~ BB日漸長大增磅, 真係要留心啲照顧BB時嘅姿勢,防止整傷自己呀! 建議媽媽餵BB時多運用cushion/ 腳踏, 以確保背脊、手臂、腳部都得到充分承托, 選擇直背椅, 避免太軟嘅沙發。手痛時可以試下暖敷, 平時做下柔和手部運動, 有助紓緩酸痛架! BB而家幾大呀? 媽媽有冇屋企人幫忙照顧呀?
唔洗客氣 eyslam 媽媽, 如果已經整親手臂, 造成痛楚影響到日常生活, 就建議儘快咨詢醫生同物理治療師意見啦! 另外, 市面上有各式各樣嘅孭帶, 主要為減輕媽媽手部 / 腰部負擔而設, 有好多不同款式設計俾每個階段嘅BB用, 有D甚至俾初生BB用架! 建議媽媽細心選擇合適自己BB年齡嘅孭帶, 依據產品指引使用就可以啦~