我父母會講少量粗口，由細到大我都聽慣，但屋企一定唔俾講，讀書時老師講過，辭窮冇道理先需要用粗口去加強語氣/助威，有道理根本唔需要講粗口，甚至用代詞都係有分別，講ABC同XYZ字面唔同，其實意義係一樣的話，根本就冇分別。
我明白有D人係講慣咗，唔講粗口會死嘅，但睇場合，大人大姐控制唔到自己個口，之後話因為俾人激太嬲，衝口而出，但講咗就係講咗，冇得收番，尤其是女人更加唔好講，可知幾多粗口都係侮辱女性，自己講埋一份，你地又點會尊重你。真人真事：有個女人唔睇路，司機響安，嚇一嚇到佢，個女人同英文講咗一個粗口，個司機即刻同佢講：OK，咁你即刻除褲，我嚟。個女人呆一呆，之後佢身邊個男人拉佢走，話佢女人之家講嘢唔經大腦。
我公司係寫字樓，絕對不容粗口，有次有個同事講電話發脾氣，好大聲講咗一個英文粗口字，即刻俾人的入房照肺，出嚟之後坐佢旁邊兩個女同事都投訴，叫佢以後要講唔該去第二度，佢地好多時同客講電話，客聽到好難交代。
花旗太太生活在花旗國，留意時差，你問我未必即時答到。
發表於 
返回列表
