婆媳關係

跳至

首頁
12

尾頁
   0


大宅

積分: 4255

春季勳章 畀面勳章


發表於 18-2-23 07:15 |顯示全部帖子

好憎99!就抑鬱,只想抒發一下!

1. 由我未嫁之前講起,第一次見面,佢知道我父母喺我18歲時離婚,就話我阿媽無良心,掉抵我!又話無一個阿媽會咁對自己仔女,覺得我媽唔識做人阿媽!但我已經講我阿媽由細到大照顧我,好錫我,係忍唔到我爸先揀離婚,個時我18歲已成年,我覺得佢地離婚無問題!但佢仲不停踩我阿媽,抬高自己點樣辛苦養大佢d仔女。

2. 拍拖頭一年,中秋節我去探佢,送埋月餅,新年去佢度拜年,我送蘿蔔糕比佢,佢第一句說話就話阿X (我老公ex) 之前係送半島月餅比我,阿細佬個女朋友又同我飲茶又送禮盒。其實我都係一番心意,唔領情都算,但都唔需要人比人,講d咁既說話!

3. 之後有一次我比人博懵,搞到上差館,我99事後知道左,打電話同我講:做女人比人博懵都唔好出聲,要啞忍,你宜家搞到我個仔同人打交!佢仲話做女人比老公打都要忍,唔好報警,唔好搞散成頭家!我聽完覺得好委屈!好嬲,點解我係受害人都要比你咁話!我知我老公d性格衝動,所以已經係離開左現場先講。佢返轉頭郁手,我都㩒佢唔住!

4. 因為我同我爸關係唔好!之前發生左d事,佢搬走左,我有左bb後,我爸咁岩退休要搬返嚟住。所以我同我男朋友(現任老公)要搵屋租,但我99知道後,話買左我間公屋,叫我爸唔好搬返嚟!我已經同佢解釋,個果始終係我爸,我勁憎佢都好,我都唔會不孝到令我爸無屋住,仲要間屋係我爸名!不過我99好似聽唔入耳,次次見親我都講,去到結婚傾禮金時,仲同我媽講多一次!我媽聽完都話唔好再講間公屋!

次次見親99都聽到d唔想聽既說話,好辛苦。但我老公話佢份人無野,亦唔係唔中意我,只係讀書少唔識講野!同埋係因為關心我先咁講。但我聽完真係好唔開心!我承應我做唔到當佢講野耳邊風!因為我一諗到佢講過d好難聽既說話嚟話我阿媽,我就好憎!我都想放下,但好難!究竟係咪我問題?


公爵府

積分: 26519


發表於 18-2-23 07:29 |顯示全部帖子

回覆樓主:

你99似管家婆多D,樣樣野都插手,多多事干。


大宅

積分: 2807


發表於 18-2-23 09:20 |顯示全部帖子

回覆樓主

一句:唔關你事!講完


子爵府

積分: 10899


發表於 18-2-23 09:57 |顯示全部帖子

回覆樓主:

唔好咁上心, 最重要係你自己頭家, 99 有 99 講, 你做自己 hea 99, 攪好同老公關係, 其他小 d 諗。


別墅

積分: 551


發表於 18-2-23 10:23 |顯示全部帖子
kwanyiii 發表於 18-2-23 07:15
好憎99!就抑鬱,只想抒發一下!

1. 由我未嫁之前講起,第一次見面,佢知道我父母喺我18歲時離婚,就話我 ...

唔係!係你奶奶勁煩!
我嗰件同你嗰件一樣!我嗰件年紀大,70歲,要同住!不停話我媽重男輕女,對於我屋企人,每個都要交代做緊乜,然後就評頭論足!連我姨生女都要比佢話成日皺眉頭,人地皺眉頭關你鬼事咩!
我而家大肚8個月,BB幾時同邊日喺邊度製造佢都當住佢老公面前問!變態!又話自己計咗一定係女,佢好想我同佢一樣生女先(我同老公傾好生兩個),點知係仔,佢勁失望!幾日冇出過聲!低能!有一大排餐餐得幾條菜食!痴孖根㗎!佢個仔勁投訴大肚婆便秘好辛苦,叫工人煮多啲,佢就死撐話平時食唔晒!間屋有5個大人!點可能得一個手掌咁大份量嘅菜呀!重點係!啲菜我喺我姐夫嘅菜檔拎返嚟!拎親都兩大袋!餐餐一見到就想爆粗!
過年,死都要去我屋企拜年!話佢個女同佢老公未去過我屋企,順便家訪下(emoji)樣衰到我媽上年送比佢袋花菇,佢今年過年原包攞返過我屋企當禮(emoji)都算!其實就係叫晒啲人去我屋企睇下我家係咪佢仔講到餐餐好多餸,又多人食飯好開心咁!
喺娘家住咗兩日,因好多親戚嚟拜年,費事走嚟走去(新界北港島東),尋晚返到嚟,我奶奶話叫佢奶奶叫到老晒,直接跟我老公叫Daddy媽咪大佬呀!點叫呀!未婚前叫我簽婚前協議書,唔知以為佢大把!仲有.....你估你真係當我女咩⋯⋯薑醋又扮唔識煲!叫我媽煲埋比你派街坊!我同老公去二人世界死都痴埋嚟!自私精!我見到佢都想嘔!仲要叫媽咪

點評

stagea    發表於 18-2-23 12:40


公爵府

積分: 25998

2024年龍年勳章 2024勳章 2023年兔年勳章 虎到金來勳章 牛年勳章 HiPP勳章(1) 2018父親節勳章 2018復活節勳章 瞓得好勳章 開心吸收勳章 畀面勳章 認識瑞士牛牛第一回 認識瑞士牛牛第二回 最關心BB問題熱投勳章


發表於 18-2-23 11:51 |顯示全部帖子
Hinhinphoebe 發表於 18-2-23 10:23
唔係!係你奶奶勁煩!
我嗰件同你嗰件一樣!我嗰件年紀大,70歲,要同住!不停話我媽重男輕女,對於我屋企 ...
哇 !! 你99 都相當極品


琥珀宮

積分: 182068

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 減齡達人勳章 牛年勳章 2018父親節勳章 2018母親節勳章 2018復活節勳章 15週年勳章 親子王國15週年勳章 親子王國15週年勳章 親子探索遊 畀面勳章 Xmas吸收勳章 美好大世界2017勳章 開心吸收勳章 瞓得好勳章


發表於 18-2-23 12:42 |顯示全部帖子
真係只能由99講, 唔駛應佢...應佢又無禮貌, 真係要少見面...


複式洋房

積分: 478


發表於 18-2-23 12:54 |顯示全部帖子
Hinhinphoebe 發表於 18-2-23 10:23
唔係!係你奶奶勁煩!
我嗰件同你嗰件一樣!我嗰件年紀大,70歲,要同住!不停話我媽重男輕女,對於我屋企 ...

甘恐怖既


侯爵府

積分: 22502


發表於 18-2-23 13:10 |顯示全部帖子

回覆樓主:

妳老公知道99甘對妳嗎?
Be positive, Stay stronger,Work harder, Learn Wiser, keep fighter, much smarter


複式洋房

積分: 263


發表於 18-2-23 13:13 |顯示全部帖子
真係唔理解D奶奶咩諗法,咁樣對新袍咪又令到自己個仔難受
,而且踩低人唔會令自己高級d


子爵府

積分: 10187


發表於 18-2-23 13:48 |顯示全部帖子
叫99係有規有矩,應就應,唔應就算~


珍珠宮

積分: 40237


發表於 18-2-23 14:11 |顯示全部帖子

回覆樓主:

如果99評論我娘家的人和事我必爆佢唔會俾面


男爵府

積分: 9796


發表於 18-2-23 14:28 |顯示全部帖子
Hinhinphoebe 發表於 18-2-23 10:23
唔係!係你奶奶勁煩!
我嗰件同你嗰件一樣!我嗰件年紀大,70歲,要同住!不停話我媽重男輕女,對於我屋企 ...

我會照叫99,佢應就應,唔應就唔應


伯爵府

積分: 17488


發表於 18-2-23 15:05 |顯示全部帖子

回覆樓主

下 叫媽咪 傻的嗎?下次佢再講得佢一句 「咁我又唔係你條膠出黎」


大宅

積分: 4255

春季勳章 畀面勳章


發表於 18-2-23 16:31 |顯示全部帖子
Hinhinphoebe 發表於 18-2-23 10:23
唔係!係你奶奶勁煩!
我嗰件同你嗰件一樣!我嗰件年紀大,70歲,要同住!不停話我媽重男輕女,對於我屋企 ...

你99真係好恐怖
我係唔會叫99做阿媽,阿媽只有一個,佢都唔配做我阿媽!
我宜家都有左7個幾月,新年拜年時,佢第一句同我講你瘦到塊面凹晒,你唔食野架?乜都唔食!成日話我唔食飯,佢試過講話你阿媽唔比飽飯你食?又話佢d仔女由細到大最中意食飯,佢講野真係痴痴地!我成個孕期肥左20幾磅,一定唔係瘦!我只係唔想食佢d野,因為佢整個d野,我都唔食得!全部都係涼野。同佢食晚飯,佢係咁叫我食鵝,食羊,有乜唔食得,佢一d都唔知,就係咁話幫我坐月,我已經話唔洗,我媽做過陪月,會幫我坐月。佢叫我阿媽唔好嚟,話唔可以辛苦我媽!佢真係以為自己對我好好,打比我媽講: 好仔不如好新抱,又話當我係女!我真係唔洗佢對我好,我都唔想欠左佢!
如果佢係個開通既99,我都唔會唔中意佢!
佢成日打比我媽講說話!又話我同我老公聖誕個日唔返佢度打邊爐。又話我成日唔聽佢電話,打比我又唔通!真係好煩!
我地同99住得近,佢成日搵我老公返去,但佢已經有3個仔女,都係要一星搵幾次我老公返佢屋企做呢樣個樣,平日都算,仲要喺紅日,情人節,聖誕節,中秋節,就叫個仔返去!我老公平時得星期日休息,難得有紅假都想二人世界,但99永遠就唔通氣!
一諗到遲下生左b,佢會更煩,我就好似產前抑鬱,好想喊!我都想唔諗住,但控制唔到!唉


大宅

積分: 4255

春季勳章 畀面勳章


發表於 18-2-23 16:40 |顯示全部帖子
Huuu 發表於 18-2-23 13:10
妳老公知道99甘對妳嗎?

佢知道!佢覺得佢媽咁講野無野,話我洗唔洗咁記仇!話我小氣,點解咁憎佢媽,唔比機會佢,佢無想我死,只係關心我!
我唔知我老公係鬧交時,同我鬥氣咁講定點!但我都知道個果係佢媽,一定會幫住!


別墅

積分: 551


發表於 18-2-23 16:58 |顯示全部帖子
kwanyiii 發表於 18-2-23 16:31
你99真係好恐怖
我係唔會叫99做阿媽,阿媽只有一個,佢都唔配做我阿媽!
我宜家都有左7個幾月,新 ...

嘩!你奶奶同我奶奶係失散姊妹嚟喎!一模一樣!終日唔係話自己手跛就骨折!我長期內心都問同一個問題,你咁唔捨得個仔對人哋個女好,你就咪鬼比個仔出去識女仔,零社交咪可以一世痴到佢實囉!


別墅

積分: 551


發表於 18-2-23 17:00 |顯示全部帖子
kwanyiii 發表於 18-2-23 16:31
你99真係好恐怖
我係唔會叫99做阿媽,阿媽只有一個,佢都唔配做我阿媽!
我宜家都有左7個幾月,新 ...

唔拍戲side晒


子爵府

積分: 10065


發表於 18-2-23 17:27 |顯示全部帖子

回覆樓主:

1同4
真係關佢差事 佢連知都唔需要,更何況係多管閒事加把口
2
以後慳返,唔使再買,直接講:明白,以後可以唔使買
3
問返佢62係咪咁打到你老都唔出聲


大宅

積分: 4255

春季勳章 畀面勳章


發表於 18-2-23 17:37 |顯示全部帖子
Hinhinphoebe 發表於 18-2-23 16:58
嘩!你奶奶同我奶奶係失散姊妹嚟喎!一模一樣!終日唔係話自己手跛就骨折!我長期內心都問同一個問題,你 ...

最慘係我99個樣同表面唔係個d疑得你地離婚既毒奶奶!佢係個d守舊形乜都唔識(唔知係咪扮唔識),無腦開口夾著脷既奶奶

。毒奶奶都可以當面串佢話佢!但我對住佢只能繼續笑口迎人!
不過佢真係成日有意無意踩地你,贊自己!又唔抵得我媽幫我,係咁問有無見過我媽,我媽煮d乜我食。初一個日去佢度拜年,佢即刻問我同我媽拜左年未!我話初三先去,佢就好似好開心咁。佢有呢d心態,所以有時我都唔知佢係咪扮豬食老虎!


首頁
12

尾頁

跳至