Hello ilovemybaby888 ,BB幾大 ? 明白媽媽想為BB選擇安全嘅白米 ,揀選信譽良好嘅食材品牌,煮之前用水浸泡米5分鐘,徹底洗米後倒去洗米水,可以減低米入面10-60%重金屬含量。BB輪流進食唔同種類五穀類食物,好似紅/糙米、粉、麵、麥皮、蕃薯、麵包,既安全食物種類更多元化,BB胃口/營養都好D添。
1-2歲BB通常可以食到早、午、晚3次正餐和2次茶點(上/下午),低脂乳酪+鮮水果+1片撕碎麵包 (白/高纖/全麥)、高鈣豆槳+蕃薯+烚雞旦、蕃茄低鈉芝士+蕃薯+麥皮當正餐都OK,全日進食穀類食物1-2碗(250-300毫升) ,唔同瓜菜4-8湯匙(1湯匙=20克),唔同水果1/4-1/2碗,肉、魚、蛋、豆類2-4湯匙就好標準呀。自細培養BB專心進食習慣,避免一邊進食一邊玩,BB有冇試過較細手握食物? 對BB手眼協調發展有幫助,唔同進食方式可以刺激BB食慾架