1-3歲 今日: 0|主題: 19357

Hello 詩詩321，一般小朋友係剛進食頭20分鐘會最專心架，比較常見BB唔食飯嘅原因: 未有餓意、引起親人注意、進食環境/食物唔能夠引起興趣、四周事物比食飯更有趣/吸引，媽媽避免佢玩到好投入時馬上進食，試多D唔同烹調方法，多D新鮮感可以刺激食慾，將唔同蔬菜煮熟壓成蓉，製作芡汁或濃湯，蕃茄、甜椒、菠菜、青豆、蘑菇都係唔錯嘅選擇，仲可以加入少量牛奶或乳酪，令醬汁更香濃幼滑。BB鍾意模仿，同大人一齊開開心心咁同枱食正餐，良好嘅進食氣氛，多D食物選擇，都可以吸引BB架，BB係咪跟大人食3餐正餐嗎?

媽媽唔會追小朋友食飯，落地就唔再俾佢食 2歲以下小朋友平均注意力集中時間一般唔超過7-8分鐘，坐唔定/唔專心都好常見，係遊戲中訓練佢專注力係最好架，例如講故事書、砌積木、找唔同，最重要係完成1個遊戲後再開始做另外1個遊戲，培養佢專注嘅能力。媽媽嘗試食材鮮艷/唔同進食方法，每餐提供3-4種食物，煮成2-3個餸俾BB選擇，媽媽可以用經常改變進食方式、顏色鮮艷同味道突出食材，濕濕地嘅粉、麵(ABC粉、上海麵、烏冬、通粉、天使麵)，熟食物整嘅飯團、壽司黎吸引BB食慾，媽媽嘗試下睇下有冇幫助。