夫婦情感 今日: 26 | 主題: 42424

積分: 647

1^#

發表於 18-3-31 20:33 |只看該作者 |倒序瀏覽 |打印

老公有情緒病，已經睇醫生食緊藥。
但係好易會辣著，一辣著就好甘，雖然唔會打我，但係會一拳拳打落衣櫃嗰啲。

講真，有時係我係俾佢搞到我忟又好，或者係我無心之失（我肯肯定定其他人會覺得係好中性嘅語句），講一句嘢俾佢記住，到佢發癲嘅時候就會一路數落我，一路怨我，好兇恨咁啤我

係，佢無事嘅時候真係對我幾好，但係我唔知佢幾時會俾啲咩辣著，我真係好攰好大壓力好辛苦，所有家庭計劃都無了期擱置。醫生佢已經睇緊，藥都有食緊，我真係唔知我應該點樣或者可以點樣。

我真係好攰，我真係唔想做下個要食藥嗰個

我有諗過出走，但係又會刺激到佢，只會令事情更差

0 0 1

私人傳訊

馬明嫂

伯爵府

積分: 17950

2^#

發表於 18-3-31 20:53 |只看該作者

回覆樓主

我明我妹有呢個病成十幾年
成家人都好辛苦

我比你好因為我可以選擇唔理佢唉

私人傳訊

亮燈

男爵府

積分: 8058

3^#

發表於 18-3-31 21:27 |只看該作者

懶宅女發表於 18-3-31 20:33
老公有情緒病，已經睇醫生食緊藥。
但係好易會辣著，一辣著就好甘，雖然唔會打我，但係會一拳拳打落衣櫃嗰 ...

樓主，請問有冇小朋友？急問！

私人傳訊

zoe_youngshop

積分: 2159

4^#

發表於 18-3-31 21:41 |只看該作者

無啦啦有情緒病？定有咩事令到佢有情緒病？

私人傳訊

空巢媽媽

積分: 1125

5^#

發表於 18-3-31 21:43 |只看該作者

懶宅女發表於 18-3-31 20:33
老公有情緒病，已經睇醫生食緊藥。
但係好易會辣著，一辣著就好甘，雖然唔會打我，但係會一拳拳打落衣櫃嗰 ...

佢起碼肯睇醫生
咩事搞到有情緒病?

私人傳訊

piggip77

子爵府

積分: 11236

6^#

發表於 18-3-31 22:09 |只看該作者

回覆樓主

完全明白,因為我同你有一個相同的處境..無事發生同正常人冇分別, 但如果有野刺激到佢, 我試過風扇掃落地, 自己電話扔落地, 自己一拳打衣櫃, etc
有時我都唸係米應該走.. 結果都冇..
其他人唔會明白(我指當同友人呻, 佢地會覺得點解) 病既人心態正常人真係未必理解到.

大家一起加油!

私人傳訊

積分: 647

7^#

發表於 18-3-31 22:15 |只看該作者

piggip77 發表於 18-3-31 22:09
完全明白,因為我同你有一個相同的處境..無事發生同正常人冇分別, 但如果有野刺激到佢, 我試過風扇掃落地, ...

無小朋友

睇咗醫生都差唔多一年，我哩睇咪反反覆覆咁囉。起因又係嗰啲生活壓力大，自我要求高，咁自細成長環境都有關。屋企唔係窮到開唔到飯，但係佢逼自己逼得好緊

無事真係正常人一個....

同朋友傾佢地唔會明，又係覺得諗吓佢平時對你嘅好，忍吓呀嗰啲，但係佢一發作我真係俾佢搞到元氣大傷....我真係唔知可以點

私人傳訊

積分: 647

8^#

發表於 18-3-31 22:16 |只看該作者

piggip77 發表於 18-3-31 22:09
完全明白,因為我同你有一個相同的處境..無事發生同正常人冇分別, 但如果有野刺激到佢, 我試過風扇掃落地, ...

我想問你點樣開導自己呀？

我已經唔奢望開導到佢，佢唔影響到我我都還得神落....

私人傳訊

積分: 647

9^#

發表於 18-3-31 22:18 |只看該作者

空巢媽媽發表於 18-3-31 21:43
佢起碼肯睇醫生
咩事搞到有情緒病?

係嘅，好彩佢都會繼續覆診。
但係佢唔俾我一齊去，問佢睇醫生有無幫到，佢只係話：都係咁，繼續食lor

私人傳訊

piggip77

子爵府

積分: 11236

10^#

發表於 18-3-31 22:20 |只看該作者

懶宅女發表於 18-3-31 22:15
無小朋友

睇咗醫生都差唔多一年，我哩睇咪反反覆覆咁囉。起因又係嗰啲生活壓力大，自我要求高，咁自細成 ...

Let it be.
我而家知道咩會刺激佢, 準量避免. 當然有時都避唔到
我好明白你感受, 有時係到唸”都唔知為乜留底” 但我相信佢需要你

私人傳訊

piggip77

子爵府

積分: 11236

11^#

發表於 18-3-31 22:27 |只看該作者

懶宅女發表於 18-3-31 22:16
我想問你點樣開導自己呀？

我已經唔奢望開導到佢，佢唔影響到我我都還得神落....

我focus小朋友令自己唸少d

不過呢條路真係唔易行... 我都曾經好想放棄, 因為真係好辛苦, 但我唔捨得...

私人傳訊

積分: 647

12^#

發表於 18-3-31 22:49 |只看該作者

piggip77 發表於 18-3-31 22:27
我focus小朋友令自己唸少d

不過呢條路真係唔易行... 我都曾經好想放棄, 因為真係好辛苦, 但我唔捨得... ...

佢上次發作我好想好想放棄
我藉工幹出走咗個weekend, 人在異地真係會好啲，不過唔通次次出走咩

我都盡量避唔刺激佢，但係我好多好多時講啲我覺得好中性中立嘅嘢，佢都會爆，我真係無所適從

我真係唔知點同佢溝通.....

我又有諗過定係我人在心不在就唔會咁難受

私人傳訊

zoe_youngshop

積分: 2159

13^#

發表於 18-3-31 23:33 |只看該作者

大約8年前，我媽媽都有情緒病，不過冇你先生咁誇張，但之前係度唱下歌，佢都會話再唱我就用刀斬你架。
我媽咪係因為爸爸爛賭，欠債，由大屋變租屋，仲每晚係旁邊話我死都要你一齊死，因而離婚，之後就有左精神病。
初初都幾嚴重，佢要食好多藥，都入過醫院嗰啲精神科住幾日架，而且無啦啦會好勞氣發癲，所以嗰時要忍佢
呢8年裡我都漸漸長大，慢慢識得點愛佢，但要留意言談，唔好刺激佢，多啲陪佢傾下計，食下野，佢講野就算唔啱都唔好一句得埋去，因為佢係病人黎。
如果佢係壓力大/對自己要求高/迫到自己入死角，你可以多啲同佢散下心，有時同佢講下平平淡淡都幾幸福呀！精神病/情緒病食藥同睇醫生只係輔助，最重要都係靠佢自己打唔打得開自己心結，我俾個提議你呀！你可以買啲有關心靈上既書/哲學心理學既書俾佢睇下，呢啲書幫助好大架，真係可以安撫到啲架。
我媽咪2年前已經唔洗再食藥喇。
我暫時就唔會建議係離開佢，因為如果你離開佢，佢打擊會仲大，唔知變成點，俾少少時間自己呀！不過同時也要警惕小心呀！而你自己都可以睇下有關心靈上既書/哲學心理學既書，可以安撫到啲架

加油

私人傳訊

ctwkitty38

積分: 777

14^#

發表於 18-4-1 00:07 |只看該作者

zoe_youngshop 發表於 18-3-31 23:33
大約8年前，我媽媽都有情緒病，不過冇你先生咁誇張，但之前係度唱下歌，佢都會話再唱我就用刀斬你架。
我媽 ...

有無書可以推介下，見到呢個post 想起我之前新年假時侯同老公因爲處理不到99的問題不開心到想自殺，想同他離婚，雖然他現在好像不斷補鑊甘，但我發現呢件事對我來講的創傷好大，後來去了社署家庭科開file 同埋去了安排看精神科跟進中，希望可以好D.....

私人傳訊

zoe_youngshop

積分: 2159

15^#

發表於 18-4-1 01:56 |只看該作者

本帖最後由 zoe_youngshop 於 18-4-1 02:00 編輯

ctwkitty38 發表於 18-4-1 00:07
有無書可以推介下，見到呢個post 想起我之前新年假時侯同老公因爲處理不到99的問題不開心到想自殺，想同他 ...

因為我都係好多年前睇過呢啲書，唔記得啲名了，但你可以去圖書館睇下，因為有好多選擇架，好多都可以安撫到，你睇完會覺得事情並非你所想咁複雜，會令你個心平靜啲，唔會成日亂諗，可以打破倒啲負面諗法。
我嗰時都係係圖書館借既，如果想買可以係fb搵啲賣二手書既group，嗰度好多人放書會影埋書名，都有啲係放心理學/哲學既書，我都買過十幾廿本，大約$20-30就有本。

JM你介唔介意咩事呀？不過唔好諗自殺呀！有咩大得過生命呢？

私人傳訊

積分: 647

16^#

發表於 18-4-1 02:47 |只看該作者

zoe_youngshop 發表於 18-3-31 23:33
大約8年前，我媽媽都有情緒病，不過冇你先生咁誇張，但之前係度唱下歌，佢都會話再唱我就用刀斬你架。
我媽 ...

多謝你，我都同佢講過平淡生活已經好好。但係佢每一次爆嘅時候都話我俾壓力佢，係我搞到佢咁。
我自問我份糧都養到頭家，屋企啲洗費我搞掂晒，我無哦果佢無俾過錢係屋企(佢做生意嘅...)。但係佢"覺得"自己好窮好窮，窮到就哩訓天橋底。

係，一開始佢做生意嗰陣我有呻過好耐無二人世界。到呢一年佢啲情緒越哩越差，又訓晒身係生意度，我已經唔敢再講，咪硬食囉，但係佢仲拎以前啲野哩講。
講真做人老婆係想人錫想人關心吓，我而家咩都要就住就住。連長假期想自己去個旅行仔都廢事，廢事到時佢又諗自己就忙生意，我就去咗玩。

我都唔知我等唔等到佢好返，定係到佢好番我地就玩完，或者係我嘅離開令佢無壓力就會好番。

每次佢好兇咁啤我話係我俾壓力佢，我就係好難受好難受，我又唔爆得佢，講咩都無用，行開咩，佢又一鎚鎚破壞家具。我越哩越覺佢每次一爆我身體反應越哩越大，我係一下啲血沖晒上頭手都震晒，又好幾次仲唞唔到氣，我好驚我中風，或者就咁猝死。而且我開始唔記得我地相處嘅開心事，有時整落哩，就係佢好兇咁啤我，好似我就係佢仇人。

睇心靈書佢唔會架啦，佢有時間都睇啲做生意嘅書，唉。我有買咗啲書嘅，但係我個心仲未平和到去睇書。又其實，我睇咗台灣鄧惠文本婚內失戀，好到肉，好sad....

私人傳訊

亮燈

男爵府

積分: 8058

17^#

發表於 18-4-1 07:06 |只看該作者

懶宅女發表於 18-3-31 22:15
無小朋友

睇咗醫生都差唔多一年，我哩睇咪反反覆覆咁囉。起因又係嗰啲生活壓力大，自我要求高，咁自細成 ...

冇小朋友就好啲！我有個朋友個老公又係類似咁樣，平時好似冇野，一唔知乜野事，刺激到佢，佢就發癲鬧人，不過平時講野都好串，40歲人先先仔，點知個仔就有自閉+過度活躍症，真係寃孽，個仔隨時發癲，真係好恐慌，雖然唔一定生到呢啲仔，但都唔好搏喇！你可問下醫生意見。
另外，結婚前都有情緒病？醫生點建議？係乜野病？有冇暴力傾向？你會唔會有危險？要小心處理啊！

私人傳訊

ctwkitty38

積分: 777

18^#

發表於 18-4-1 14:26 |只看該作者

zoe_youngshop 發表於 18-4-1 01:56
因為我都係好多年前睇過呢啲書，唔記得啲名了，但你可以去圖書館睇下，因為有好多選擇架，好多都可以安撫到 ...

謝謝你：）等我去圖書館找找先，應該不難找的。
本身我同老公的問題，係未生bb 我前問題無咁嚴重，雖然大家有思想上的分岐，但點都不會鬧到好薑。但自從bb 出來後，要顧及bb的事情多了，發現同老公的思考模式同看法的差距越來越大，我對住他越來越無耐性，鬧交的次數都越來越密。

其實結婚後就已經同老公的爸媽同住，其實已經發生過不少問題，其實我一直都想搬，因為搬左大家就搬了都易相處好多。
我99的性格係雙重標凖，表面話無所謂但一覺得件事不滿意就會一哭二鬧三上吊，所以我62同老公都怕左她就會凡事就就曬她。她有個習慣係會定期帶她的媽媽、弟弟同我老公的表姪來香港玩1個月。無Bb 前他們來我就走返去媽媽度，真係無所謂，但Bb出世後她仍然要咁做（帶他們來），間公屋得400呎，邊塞到咁多人來，衛生、生活作息其實好受影響。也因為是這樣他們次次一來我們就不斷鬧交。

對上一次來個表姪傳了感冒給Bb ，攪到他病足成2星期，我已經係直接同我老公投訴，鬧又時過講又試過，我想他會支持我的觀點，但接果係：我同我表哥由細玩到大，點同他講他個仔的教養問題，仲有，我同表哥講，我表哥會同我媽媽投訴，咪又會家嘈屋閉。

我無想過他會爲了他們的兄弟同怕他媽媽情而無理過我感受。

可能因為咁我頂唔順，情緒係不斷爆曬出來，同埋都覺得無左我bb 就可以給他們養，無我阻住曬，果下一真係好想死。最後係62捉住我先無事。

發生左呢件事到現正我覺得無一刻開心過，好不想對住他，想離婚，但好多人勸我要爲bb 不要離。但某程度上，我真係越來越不想理我老公，見到他都不舒服，想鬧他發洩....
不過我知我個人處理呢件事上有不好的地方，但有時真係忍不到，一係就喊一係就鬧，自己個身體都成受不到好辛苦：（

私人傳訊

Nancy20090615

瑪瑙宮

積分: 127953

19^#

發表於 18-4-1 18:58 |只看該作者

我唔識人係尼種情況, 無意見比到, 你已經好盡力, 支持你, 加油!

私人傳訊

angelhschu