單親天地

跳至

首頁
12

尾頁
   4


民房

積分: 22


發表於 18-4-5 18:12 |顯示全部帖子
我同你情況相似求救命!我同老婆嘈左幾次交佢次次返外家住幾日就回来,今次離開了已兩個月
我內心好緊張好想氹返佢返來成件事係咁既佢怪我好多鎖碎事例如唔幫手照顧B B掛住打機結婚六年冇計劃搬出去佢係我屋企住得唔开心因為婆媳關係之後佢簡左套房住我以为可以好好咁同佢開始新生活但佢對我態度冷漠左好多我冇自信太傻懷疑佢係咪鐘意左第二個就係为左依件事嘈左几次依家佢帶埋兩個女避我電話唔聽唔比我見佢地我好傷心知道自己錯想改想補救但佢唔比機會我點算?
我細女岩岩一歲大女五歲佢寧願自己辛苦帶大兩個小朋友都唔比機會我?求好心人比意見


大宅

積分: 3255


發表於 18-4-6 03:25 |顯示全部帖子
cb詩 發表於 18-4-5 18:12
我同你情況相似求救命!我同老婆嘈左幾次交佢次次返外家住幾日就回来,今次離開了已兩個月
我內心好緊張好想 ...

“哀莫大於心死“,都兩個月了,睇黎你老婆唔止避你,仲好憎你 難救喎……


洋房

積分: 91


發表於 18-4-6 10:54 |顯示全部帖子
回覆 cb詩 的帖子

樓主, 我淨係睇你老婆怪你唔幫手湊小朋友, 又掛住打機. 我已經知咩事...我都係因為咁同我老公離婚. 未生小朋友之前佢係迷痴, 日打夜打, 放假又打, 放工後又打.
生左小朋友, 日頭大家各自返工, 夜晚所以煮飯, 洗衫, 湊仔都係我做, 佢都有同小朋友玩下, 不過係由個小朋友自己一個玩, 佢坐喺隔離打機.

你能夠成日激到老婆返外家好似渡假咁, 你都好叻仔! 你老婆應該都幾討厭你!

提醒你一句, 男人做錯事, 女人頂你唔順, 男人就最鍾意怪個女人唔知係咪出面識左第二個.
你覺得你老婆帶住兩件喺出面容易生活嗎?! 係好辛苦架!

如果你真係覺得生不如死, 不過好好諗下, 點解你做極都無辦法令老婆開心舒服一D?!

好好諗下咩野對你黎講係最緊要!


民房

積分: 22


發表於 18-4-6 14:13 |顯示全部帖子
Ning媽 發表於 18-4-6 03:25
“哀莫大於心死“,都兩個月了,睇黎你老婆唔止避你,仲好憎你 難救喎……
...

唔係佢話要離開我都唔知道個嚴重性,佢地對我黎講係最重要我改變自己d壞習慣,首先對自己負責
做好本份希望佢見到之後會回心转意,聽落好似好易但當夫妻之間少左份信任要建立返黎係要大家共同努力先得我唔會放棄洗心革面改做到佢滿意唯止除非佢好似依個group d某部份媽媽咁冇左老公就即刻揾個完美新男友減輕自己壓力咁我會祝福佢


伯爵府

積分: 17714


發表於 18-4-7 10:49 |顯示全部帖子

回覆樓主:

無得救,你話有2個,唔幫手仲掛住打機,你老婆做家務仲照顧2個,你都唔主動話幫忙,有咁嘅結果自己攞黎,咁中意打機咁你生小朋友做乜?你老婆離開左2個月都唔返黎,好明顯佢自己一個搞得掂,有你同無你係無分別。
我都係2個小朋友,離左婚,生活都唔知幾好,媽媽幫手,小朋友返學我可以返下pt,識左新朋友,唔使日日對住個打機嘅男人。女人無左男人無話唔得,女人要強大起黎,力量唔係你地想像得到。


別墅

積分: 754


發表於 18-4-7 14:33 |顯示全部帖子
sueyee 發表於 18-4-7 10:49
無得救,你話有2個,唔幫手仲掛住打機,你老婆做家務仲照顧2個,你都唔主動話幫忙,有咁嘅結果自己攞黎,咁 ...

講得好,


珊瑚宮

積分: 106968

2024年龍年勳章 2024勳章 虎到金來勳章 牛年勳章 2018復活節勳章 開心吸收勳章


發表於 18-4-7 15:42 |顯示全部帖子
cb詩 發表於 18-4-5 18:12
我同你情況相似求救命!我同老婆嘈左幾次交佢次次返外家住幾日就回来,今次離開了已兩個月
我內心好緊張好想 ...
重有無做左的....................,再去..............


洋房

積分: 34


發表於 18-4-7 16:49 |顯示全部帖子
本帖最後由 吹兩咀 於 18-4-7 16:57 編輯

阿c先生 千其唔好覺得奇怪 我就係你前妻既家人 唔使估我係邊個 因為跟住落黎你睇我既語氣你都知我會係邊個

我先唔講我作為你前妻既家人我會企係佢果邊 但我撇開成件事去睇

你呢咁多年有無反省過你做人老公做人爸爸既責任 直到今時今日今刻再見到呢個post 無 我一d都睇唔到 我家人一個女人受左咁多委屈 你有無為佢諗過?無 當屋企但有事 你果邊既家人永遠淨係識指責你老婆既時候 你有無保護過佢為佢出頭?無 你自己都識講做左人老豆仲無所事事 日日係度打機 你有無為兩個女諗過?無 如果比我晨早睇穿你係一個咁既人 當初我就唔比我家人嫁比你 要佢受咁多委屈

再講呢啲都仲未算係你既死罪 點解唔敢講埋出黎 係兩個女面前用刀行住果老婆你唔講?係兩個女面前成日講粗口 令到個5歲既大女已經識講粗口你唔講?個大女半夜發惡夢點解係會嗌爸爸唔好 爸爸唔岩

莫講話你無勇氣係呢度講出自己幾咁不堪 你連你果邊屋企人你都無勇氣話比佢地知你做過啲咁仆街既事 令到你果邊既人今時今日今刻覺得係你老婆好似發左癲咁話走就走 你有無勇氣去面對過呢樣野?你無 你就係咁一直要個老婆受屈 所有既責任都唔係你身上 你就係要做到比人睇你自己無問題 係你老婆有問題

你一尾就係度幻想自己老婆出面有第二個男人 從來無去面對過你自己有幾咁失敗 將所有責任推卸別人身上 一個女人帶住兩個女 要離開一個家係要幾大既勇氣?你有無諗過點解?有 你有呀 你咪個腦日日屈因為有第三者囉 你老婆比綠帽你戴囉 講乜野祝福佢如果有個更好既男人呢啲野姐 唔好再搏同情啦 唔好再扮大方啦 根本你就自私到一個極點之餘 從來無對呢段婚姻既失敗去反省過


如果你真係想反省想挽救
我同你講 你係兩個女時爸爸呢樣野係改變唔到既事實 唔好再問咩垃圾藉口話咩唔想兩個女有個完整家庭 呢個家庭你已經有份將佢摧毁 你唯一可以做 係點樣係將來既日子 盡返你做作爸爸既責任 係爸爸既責任 唔係老公既責任


版主

積分: 18432

減齡達人勳章 2018母親節勳章 15週年勳章 親子王國15週年勳章 親子王國15週年勳章 熱血勳章 畀面勳章 版主 大廚勳章 BK猜猜猜慶中秋


發表於 18-4-7 19:50 |顯示全部帖子

回覆樓主:

所以我一直都覺得凡事唔好剩係睇1面


大宅

積分: 1644


發表於 18-4-8 08:42 |顯示全部帖子
吹兩咀 發表於 18-4-7 16:49
阿c先生 千其唔好覺得奇怪 我就係你前妻既家人 唔使估我係邊個 因為跟住落黎你睇我既語氣你都知我會係邊個
...

d男人賤到 講到自己受害者咁
支持踢爆


別墅

積分: 598


發表於 18-4-9 22:46 |顯示全部帖子
cb詩 發表於 18-4-5 18:12
我同你情況相似求救命!我同老婆嘈左幾次交佢次次返外家住幾日就回来,今次離開了已兩個月
我內心好緊張好想 ...

應該放手吧?佢一個人帶住兩個女,幾辛苦都應該冇同你一齊生活咁辛苦?


大宅

積分: 3777


發表於 18-4-12 19:25 |顯示全部帖子
tp_terminator 發表於 18-4-8 08:42
d男人賤到 講到自己受害者咁
支持踢爆
賤男仲要將責任推喺對方身上,同埋一味扮無知問点解


複式洋房

積分: 488


發表於 18-4-27 00:39 |顯示全部帖子
crush_1980me 發表於 18-4-6 10:54
回覆 cb詩 的帖子

樓主, 我淨係睇你老婆怪你唔幫手湊小朋友, 又掛住打機. 我已經知咩事...我都係因為咁同 ...

完全同意


寶石宮

積分: 327940

2024年龍年勳章 2024勳章 2023年兔年勳章 虎到金來勳章 2021可愛聖誕B勳章 牛年勳章 2018復活節勳章 2018母親節勳章 2018父親節勳章 畀面勳章 環保接龍勳章 BK Milk勳章


發表於 18-4-27 21:10 |顯示全部帖子

回覆樓主:

不理誰是誰非,能夠令到一個咁決絕,不一定有第三者。哀莫大於心死,心淡到一個點,係可以令到人無條件地離開
不要從別人的嘴裡去認識我


複式洋房

積分: 124


發表於 18-5-12 08:55 |顯示全部帖子
cb詩 發表於 18-4-5 18:12
我同你情況相似求救命!我同老婆嘈左幾次交佢次次返外家住幾日就回来,今次離開了已兩個月
我內心好緊張好想 ...

本帖最後由 HimTsang 於 18-5-12 09:04 編輯

女人真的需要人疼才會溫柔,你真的愛她你就要想好計劃,解決辦法,鼓起勇氣實行,就算自己失去什麼都不要緊,除非你跟我一樣自私,有自己性格,不然的話你去追她,才會有幸福,加油
後續補充,但原來你用了刀...這你應該無辦法挽回了,就算任何事情都不能有威脅生命的時候,所以只能負好作為父親的責任,因為跟你住難保你會不會再有下一次...對方也沒安全感,如果你愛她就放手吧...


珊瑚宮

積分: 119318

2018父親節勳章 2018母親節勳章 2018復活節勳章 親子王國15週年勳章 畀面勳章 大廚勳章 遊學勳章 BK猜猜猜慶中秋 春季勳章 炎夏勳章 BK Milk勳章 hashtag影視迷勳章 DHA勳章 最關心BB問題熱投勳章 Xmas吸收勳章 美好大世界2017勳章 開心吸收勳章 食得好勳章 瞓得好勳章 笑得好勳章


發表於 18-5-23 18:59 |顯示全部帖子

回覆樓主:

如果“吹兩咀”口中嘅男人真係你,我好支持你老婆一去不回頭


水晶宮

積分: 63724


發表於 18-5-23 23:14 |顯示全部帖子

回覆樓主:

如果吹先生口中的男主角係你的話,放生你太太吧~有1種愛叫放手


子爵府

積分: 10993


發表於 18-5-29 08:56 |顯示全部帖子
cb詩 發表於 18-4-5 18:12
我同你情況相似求救命!我同老婆嘈左幾次交佢次次返外家住幾日就回来,今次離開了已兩個月
我內心好緊張好想 ...

雖然樓主已經潛咗水,我都忍唔住要講,佢所謂嘅鎖碎事, 就係一連串女人最難忍嘅嘢 ,全部係大件事!樓主係BK單親天地出呢個post,都明知會有呢個結果


洋房

積分: 34


發表於 18-6-1 00:05 |顯示全部帖子
本帖最後由 Lovely媽咪 於 18-6-19 10:34 編輯

原來仲有人有留意呢個post 咁我就再update一下大家
之前我親身出去見過樓主家人 樓主家人對於我家人(即係佢老婆)既所作為所為係用一個個女人(即樓主老婆)屈佢既態度去對待呢件事 包括上面講過係個女面前拎刀行住個老婆呢件事

1)樓主到而家都無對家人坦白過咁樣對佢老婆 搞到佢屋企人一直覺得女方有問題 (但我同你講呢個可能性唔大 佢屋企人心裡有數)

2)樓主屋企人知咩事 但死都要保住樓主呢個垃圾 樓主口講幾愛佢老婆 但從來就無承擔過任何責任 永遠只有把口係度(請小心用詞...版主字) 一尾話個老婆點解唔比機會佢

我同大家講 樓主唔單止係一個垃圾 係一個無承擔 (請小心用詞...版主字)用既男人


洋房

積分: 34


發表於 18-6-1 00:22 |顯示全部帖子
樓主雖然口中所講到自己幾咁知錯 後悔
但事實上佢一直都諉過於人 一直怪責佢老婆點解唔再比機會佢
事實上大家都明白一個女人仲要有兩個女 受到幾大既委屈同傷害
先有勇氣帶住一個一歲同五歲既女出走離開

而樓主呢段時間對佢老婆就係不停既騷擾 當佢老婆拒絕佢既時候佢就鬧佢老婆 甚至連老婆個阿媽(即係外母)都鬧埋 好似精神分裂一樣
口講乜野想個老婆好咁偉大 實際就係一 個自卑到一個極點既廢物 屈個老婆有第三者 事實上佢老婆寧願一個人帶大兩個小朋友都唔想再同樓主有瓜葛
但當樓主係第一頁講到自己幾咁偉大既時候
實際佢從來無比過佢老婆半點抖氣既空間
佢愛佢老婆?佢只愛佢自己
佢根本唔想佢老婆幸福 只想佔有離開左佢既老婆

首頁
12

尾頁

跳至