婆媳關係

跳至

首頁
12345...8

尾頁
   2


複式洋房

積分: 297


發表於 18-4-29 01:59 |顯示全部帖子
本帖最後由 kplett 於 18-5-25 10:08 編輯

結婚一年多,儲錢想買樓。奈何樓價貴,仍未達目標。姑姐有地方,暫時整間屋可以借給我們用。但是老公有情緒病,一直以來都是6299湊,不願意搬離6299家。本來我最初有答應去6299家住,但是發現原來6299都有情緒病,一爆發就會一直講一直講同一番說話,而且會大聲叫囂,好恐怖。於是我搬走了去姑姐借我們的地方。
問題來了,搬走了自己,老公不肯走,6299怪我出爾反爾,說好會同住又不住。
想買樓,我自己有工作,而老公則因為病所以很多時候都沒有辦法工作。
C6和我本來都想買樓,但是我看到的現實是他收入不能達到能夠供樓又能養家。我很擔心,因為我自己的工作收入並不多,公一份婆一份或許可以,但是考慮到未來,我怕他壓力大之下會加重病情,(現在有食藥控制)。
所以前天我表示,「暫時不買樓。」
豈料,他剛剛打電話來,就說「你要不就搬回來男家,否則我們就完了」
還要求一個星期要留四天
我剛說完「可是我不能跟你父母住⋯」就聽到電話後奶奶在跑吼。(我完全不知道原來老公開了電話擴音)
老嘢激動到說我一早就唔睇好你地兩個,如果真係唔搞唔掂嘅你就唔好拖啦
我就話乜你咁咒個仔㗎
跟住老爺同埋老公都係不斷咁樣講返佢哋嗰幾個point,
1。唔同埋一齊住就唔係兩公婆
2。之前又話你男家住又唔住就係出爾反爾
3。 你嫁得比我就預咗要好辛苦㗎啦,以後仲會更加辛苦添啊
4。你唔嚟男家住我哋就離婚
5。我唔會搬去你姑姐借俾我哋住嗰度住
6。錢銀上嗰啲嘢我一早諗好晒你唔使擔心

但係當我話,可唔可以試吓三個月,大家儲啲錢落去嗰個聯名戶口度,試吓供樓嘅感覺,佢又話唔制。

我愛佢。但係我有D覺得佢當我係提款咭咁。
同埋乜都要我就晒佢。老公老婆唔係可以有傾有講嘅咩做乜要拉埋果兩隻老嘢落嚟搞屎棍?


更新:已經在進行離婚手續。



侯爵府

積分: 20078

牛年勳章 2018復活節勳章 開心吸收勳章


發表於 18-4-29 02:31 |顯示全部帖子

回覆樓主:

咁都重要諗好唔好離婚,你唔係吖……我覺得你走得遲!
咁結婚一年住邊?


大宅

積分: 1256


發表於 18-4-29 02:36 |顯示全部帖子

回覆樓主

樓主唔離婚又可以點,你又接受唔到你老公全家都有病。結左婚又分開住為咩?同埋你老公都無體諒過你,認為唔番男家就唔係2公婆要離婚。同埋你老公自己搵唔到錢,當你提款機,仲要咁多要求仲要諗買樓,你話自己又唔係搵得多,咁點供?


複式洋房

積分: 297


發表於 18-4-29 02:39 |顯示全部帖子
babynetnet 發表於 18-4-29 02:31
咁都重要諗好唔好離婚,你唔係吖……我覺得你走得遲!
咁結婚一年住邊?
...

本帖最後由 kplett 於 18-4-29 02:41 編輯

婚後這一年我有時回娘家瞓,有時在姑姐這給我們的地方留宿。之前老公一個星期都會有一晚上來姑姐借給我們地方留宿的地方瞓,但是他說從今日起不會再上來。逼我一定要去男家。



複式洋房

積分: 297


發表於 18-4-29 02:40 |顯示全部帖子
Ballz 發表於 18-4-29 02:36
樓主唔離婚又可以點,你又接受唔到你老公全家都有病。結左婚又分開住為咩?同埋你老公都無體諒過你,認為唔 ...

本帖最後由 kplett 於 18-4-29 02:43 編輯

如果可以我都真係唔想分開住。但係佢一直戒唔斷奶咁一定要黐住佢爸爸媽媽,話只有爸爸媽媽先至可以照顧到佢。
但係我真係好想同佢一齊,我只係接受唔到老爺奶奶,因為佢兩個老人家發起顛,我覺得自己好似去咗精神病院定係動物園咁,好驚。老爺奶奶唔覺得自己有病,所以從來都冇去睇過精神科醫生。老公一直有食住藥所以其實佢冇情緒起伏得咁犀利。不過食咗藥就會成日想瞓覺所以做唔到嘢


大宅

積分: 1256


發表於 18-4-29 03:04 |顯示全部帖子

回覆樓主

樓主,可能你自己都高估左自己,你老公夠了解自己既病情。其實你老公講得岩,你真係照顧唔到佢得佢父母先可以照顧到佢。一黎佢住係父母度係有安全感,對病情可能好d. 分開左住,好多生活細節要磨合,你地又無一齊住過,你係唔係真係可以搞得掂呢?正常2公婆好多都唔係為錢,為做家務,為生活雜項嘈一餐,如果你同你老公嘈會唔會好影響到佢個病呢?唔嘈,你係味可以忍到佢全部?同埋你6299其實都算係你屋企人,因為你嫁左過去,唔係你覺得佢地病發恐怖就可以完全唔理既人。你唔理佢地,咁你老公呢?叫老公都唔理嗎?宜家你咪就係kick 住係呢度,你叫你老公點放心覺得你可以照顧到佢呢?


複式洋房

積分: 297


發表於 18-4-29 03:07 |顯示全部帖子
Ballz 發表於 18-4-29 03:04
樓主,可能你自己都高估左自己,你老公夠了解自己既病情。其實你老公講得岩,你真係照顧唔到佢得佢父母先可 ...

你講得有道理。(可能件事啱啱先至發生,所以我個腦完全轉唔到。)
我就係有啲諗法kick住係個腦嗰度但係就諗唔通。
多謝你呀!


別墅

積分: 793


發表於 18-4-29 03:29 |顯示全部帖子

回覆樓主

反而想知一年前老公有咩咁吸引到樓主你要嫁俾佢?
結婚之前無講定之後住邊?
6299個到,無相處過?知佢地一家有病仲要嫁?
如果要同6299一齊住辛苦過嫁之前,我係你父母恨不得你快d離婚,宜家佢地一家三口仲要講明嫁入黎好辛苦!快d跳出個火圈啦呀女


大宅

積分: 4848


發表於 18-4-29 03:51 |顯示全部帖子
topcheesecake 發表於 18-4-29 03:29
反而想知一年前老公有咩咁吸引到樓主你要嫁俾佢?
結婚之前無講定之後住邊?
6299個到,無相處過?知佢地一 ...

樓主你吾係嗎?成家都有情緒病你重嫁入去博乜啫?千萬不要生小朋友?萬一遺傳到个病就萬刧不覆?


子爵府

積分: 12167


發表於 18-4-29 07:18 |顯示全部帖子
stella^^ 發表於 18-4-29 05:51
樓主你吾係嗎?成家都有情緒病你重嫁入去博乜啫?千萬不要生小朋友?萬一遺傳到个病就萬刧不覆?
...

就算唔係遺傳
但bb日日對著爸爸同爺爺嫲嫲啲激動情緒/行為,對bb成長有好大影響,bb會誤會咁既行為係對的!


複式洋房

積分: 297


發表於 18-4-29 07:40 |顯示全部帖子
topcheesecake 發表於 18-4-29 03:29
反而想知一年前老公有咩咁吸引到樓主你要嫁俾佢?
結婚之前無講定之後住邊?
6299個到,無相處過?知佢地一 ...

本帖最後由 kplett 於 18-4-29 07:52 編輯

本帖最後由 kplett 於 18-4-29 07:41 編輯

結婚之前其實有講過,佢好想我喺老爺奶奶屋企一齊住,當時我都有諗過可以試吓。結婚之前,淨係知道老公係有情緒病,但係對於老爺奶奶原來都有情緒病,我完全唔知情。唔知情嘅情況之下,梗係會心諗,可以試吓一齊幫手照顧老公,但係結婚之後搬咗入去發現,原來老爺奶奶,尤其係奶奶會成日喺度發癲,同佢哋講嘢,無論係同意定係唔同意佢哋都會話你,咁我收聲,唔同佢溝通,又話我唔理,唔關心佢。
實在係頂唔住先至會搬返出去唔同男家住,我都唔想去影響佢老人家嘅情緒。

結婚之前我們沒有同居過,所以見面的時間,其實就是拍拖會做的東西行街睇戲食飯,雖然知道老公有情緒病,但他由於有藥物的控制,所以最大的病情就是經常渴睡,不願做運動。在結婚之前,這些缺點其實沒有什麼大不了。而且他表現得很有上進心,常常會說,將來大家結婚之後,他會努力工作,希望做到一個圓滿的家。
所以我以為他一個可以終身付托的人。


琥珀宮

積分: 153652

畀面勳章


發表於 18-4-29 07:56 |顯示全部帖子

回覆樓主:

跟本就唔關買唔買樓事
而係你老公 + 6299,一直都唔想分開
就算你中咗六合彩,買到樓,結果都係一樣


大宅

積分: 3980


發表於 18-4-29 08:03 |顯示全部帖子
kplett 發表於 18-4-29 01:59
結婚一年多,儲錢想買樓。奈何樓價貴,仍未達目標。姑姐有地方,暫時整間屋可以借給我們用。但是老公有情緒 ...

早走早著啦
人生漫漫長路
何苦要委屈自己
同埋你講到男家成家人都有問題靠你份人工養
點捱薄去


大宅

積分: 3709


發表於 18-4-29 08:04 |顯示全部帖子

回覆樓主

咩叫嫁左入黎預左辛苦,日後會更加辛苦?
痴線!
叫佢地一家人自生自滅啦!
仲有,千祈唔好同佢生仔!
情緒病有遺傳
呢家人基因咁強
生左再多一個人要你照顧

唔係歧視
不過呢家人真係不知所謂
情緒病香港好普遍
但唔求醫會更嚴重甚至成精神病



大宅

積分: 2174


發表於 18-4-29 08:11 |顯示全部帖子

回覆樓主:

感覺你孤立無援,呢種心情,真係好難頂,自私又好,為自己著想又好,真係張諗下離開。


翡翠宮

積分: 79224


發表於 18-4-29 08:20 |顯示全部帖子

回覆樓主:

3。 你嫁得比我就預咗要好辛苦㗎啦,以後仲會更加辛苦添啊

呢句堅真實啊,完全吾明你點會鍾意個咁既人仲搞到想結婚既地步,佢好似完全未長大咁

我自私,一開始知佢有情緒病我已經緊急疏散

點評

fattymama    發表於 18-4-30 08:51


大宅

積分: 4848


發表於 18-4-29 08:28 |顯示全部帖子
Pianistbaby 發表於 18-4-29 08:11
感覺你孤立無援,呢種心情,真係好難頂,自私又好,為自己著想又好,真係張諗下離開。
...

我睇返你個標題改得冇錯:老爺奶奶都主張開口叫你們離婚?連你個C6媽宝都同一陣綫?你重吾快啲跳出隻賊船等乜亞女?趁日子尚淺快速同佢一家拜拜啦!


男爵府

積分: 7514


發表於 18-4-29 09:26 |顯示全部帖子
kplett 發表於 18-4-29 07:40
本帖最後由 kplett 於 18-4-29 07:52 編輯

本帖最後由 kplett 於 18-4-29 07:41 編輯
我知你好愛你老公, 但必需好直白咁講。
62 99 有情緒病, 你c6點解無係婚前向你坦白?明知要求你同62 99住, 佢地都有情緒病對你黎講都好大影響。
而家你係1個正常人同3個有情緒病既病人住係一齊, 精神壓力可想而知。我明白你想逃離既感受。
或者你要諗清楚, 搬番去住你就要下半世都對住3個情緒病人。你既承受能力如何? 會唔會最後搞到自已都有情緒病呢? 而且一家3口都有情緒病, 會唔會你同c6既小朋友都會遺傳到呢啲情緒病? Jm你最好諗清諗楚先好同你老公生bb... 如果你番去, 生埋b, 你就係1個正常人照顧4個情緒病人, 你準備好面對呢啲事情了嗎?


子爵府

積分: 10979


發表於 18-4-29 09:26 |顯示全部帖子

回覆樓主:

雖然寧教人打仔,莫教人分妻,但如果唔想自己都有情緒病,分開啦。
始終現實同理想係2回事,你根本冇能力改變現實去實現理想。


男爵府

積分: 7502


發表於 18-4-29 09:39 |顯示全部帖子

回覆樓主

樓主,睇咗你老公開俾你既條件,我會選擇分開,講真,生活係求開心,唔開心仲乜勉強?佢哋一家三口都有情緖病,樓主搬入去會唔會有自身危險?理性啲諗下,趁仲未有小朋友,早啲安排自己前途好啲

首頁
12345...8

尾頁

跳至