少年成長

跳至

首頁
1

尾頁
   0


子爵府

積分: 10859


發表於 18-5-6 11:33 |顯示全部帖子
本帖最後由 csir3290 於 18-5-6 11:33 編輯

前幾日車老婆返屋企嘅時候,老婆突然間同我講話有啲擔心阿仔,因為前一晚臨瞓嘅時候傾開計,阿仔突然間同老婆講話覺得自己好似乜嘢都唔叻乜嘢都做得唔好又冇家姐咁叻,跟住諗番起之前早幾晚食緊飯嘅時候佢又突然間爆咗句話覺得自己冇價值,老婆諗下諗下擔心呀仔點解會對自己咁冇信心,會唔會覺得自己好冇用。其實睇番阿仔平時做嘢,佢又唔似咁冇信心,雖然佢唔係好肯試新嘢,但係好多時佢做嘢都可以自己掌握到同做到又唔似咁冇信心。雖然阿仔平時都唔係好願意試啲新嘅嘢,但係好多時我同老婆都會鼓勵佢,咁試吓試吓佢又會覺得自己好啲又會覺得自己做得到。而且平時好多嘢我哋都會畀佢自己做決定,雖然佢有陣時有啲選擇困難症,但係我哋都會鼓勵佢等佢自己做決定,所以睇佢平時做嘢佢又唔似咁冇白信心。我同老婆諗吓可能係啱啱派成績表,家姐嘅成績一向都比較好,今次家姐考全級頭十名而佢只係考全級中間,所以佢可能覺得有比較,覺得自己好似冇家姐咁好。我哋都已經盡量同佢解釋話畀佢聽唔使咁擔心,因為我哋知道佢盡咗力,家姐好似佢咁喺一年班嘅時候成績都係喺中間嘅位置,而且男仔嘅發展亦都畀女仔慢啲希望佢明白。我同老婆亦都盡量唔會將佢同家姐去比較,我哋從來都係教佢哋就算要比較都係同自己去比較,只要盡咗努力我哋已經好滿意。
其實我反而覺得阿仔係有啲怕輸嘅心態,所以乜嘢都同我哋先講咗話自己唔得或者自己會做得唔好,等我哋對佢個期望低啲,咁佢真係做得唔好嘅時候都唔都唔會覺得出奇,反而如果佢做得好嘅時候我哋仲會讚多啲。呢啲咪好似我哋大人講嘅期望管理一樣。 所以我同老婆講再觀察吓佢睇下佢點先,而且我哋平時亦都會盡量鼓勵佢等佢嘗試多啲唔同嘅嘢畀多啲信心佢,另一方面我哋亦都會同佢講我哋聽到佢覺得自己乜嘢都唔得會唔開心,希望佢明白爸爸媽媽嘅諗法。至於價值方面, 我哋覺得佢咁細個根本唔明白乜嘢係自我價值,可能只係人講佢有講,所以我哋都冇同佢解釋咁多,只係會同佢講其實佢係爸爸媽媽心目中嘅價值係非常之寶貴,佢係爸爸媽媽最寶貴嘅嘢所以唔會冇價值。希望佢慢慢長大會明白到價值唔係在於人哋點睇佢係佢自己點睇自己。
其實佢兩姊弟自細我同老婆已經提醒自己唔好將佢兩個互相做比較,家姐有家姐嘅長處細佬又細佬嘅長處。有啲家長可能會認為兩姊弟互相比較會令佢哋互相都有進步,但係我就覺得自細要佢兩姊弟做比較反而會破壞佢兩子弟嘅感情。自細就已經互相競爭,可能真係會令佢哋之間因為競爭而有進步,但係為咗呢啲嘅進步而令兩姊弟嘅感情唔好我覺得唔值得。其實我希望佢兩個都明白大家各有長處各有缺點,但係可以互相幫助對佢兩個嘅感情可能仲有幫助。
總之我同老婆都會一路觀察住佢哋尤其是係細路,畀多啲正面鼓勵佢兩姊弟,亦都會畀多啲機會佢哋去試唔同嘅嘢 ,透過嘗試等佢哋明白失敗唔係最重要,最重要係有冇喺失敗入面學到嘢或者吸取到教訓,每個人都可能有做得唔好嘅時間,只要佢哋肯盡力就可以。


男爵府

積分: 8381

環保接龍勳章 陪月勳章 爸B勳章


發表於 18-5-7 16:09 |顯示全部帖子
同我細女一樣,這類小朋友自尊心比較強~要多鼓勵和引導,避免比較~


子爵府

積分: 10859


發表於 18-5-7 20:47 |顯示全部帖子
回覆 helis 的帖子

認同!


大宅

積分: 1400


發表於 18-5-10 00:17 |顯示全部帖子

回覆樓主:

呢類型小朋友通常自我要求較高,好在意結果,試下讚佢時讚多啲個過程,例如:好專心、肯嘗試、唔怕錯……等佢可以留意自己做得好的地方


子爵府

積分: 11614


發表於 18-5-11 20:07 |顯示全部帖子

回覆樓主

我覺得我囡都係咁,不過佢K1 者,我都想知點樣可以幫到佢


子爵府

積分: 10859


發表於 18-5-11 20:25 |顯示全部帖子
回覆 emmmacyk 的帖子

我都嘗試多啲正面鼓勵!


子爵府

積分: 10859


發表於 18-5-11 20:29 |顯示全部帖子
回覆 子若 的帖子

多啲正面鼓勵,唔好咁在意佢做得唔好嘅嘢!小朋友其實都好在意對佢嘅睇法,尤其是係成敗得失。


禁止訪問

積分: 341


發表於 18-5-22 17:43 |顯示全部帖子
提示: 作者被禁止或刪除 內容自動屏蔽


禁止訪問

積分: 341


發表於 18-5-22 17:44 |顯示全部帖子
提示: 作者被禁止或刪除 內容自動屏蔽

首頁
1

尾頁

跳至