醫護健康 今日: 5 | 主題: 7293

積分: 4089

1^#

發表於 18-5-12 23:38 |只看該作者 |倒序瀏覽 |打印

我爸爸70幾歲，月前因為跌倒腦部受傷，開腦做完手術之後反反覆覆已經一個多月，雖然佢都叫做醒返，神智方面有陣時會張開雙眼答到家人問題，但係有陣時又整天昏睡。

爸爸依家佢仲響醫院插緊胃喉餵奶，前幾日醫生就話爸爸嘅進展應該都唔會有好大起色，所以復康醫院都未必會收佢，叫我地家人自己要開始準備病人出院後安排，我爭取左幾次希望醫生盡量安排復康治療俾爸爸亦都希望佢可以唔駛用胃喉。之後醫院都有安排物理治療師協助爸爸嘗試行路。又話嘗試會轉介俾復康醫院。

正當我期待爸爸可以慢慢復康，唔使用胃喉，同埋可以自己行兩步，我初步想請工人響娘家照顧爸爸的方向的時候，今日去探佢爸爸又好似精神差咗，冇發燒但係成日都瞌埋眼唔回答家人問題。我好驚如果佢呢一兩個禮拜情況都唔好轉，變咗連復康醫院都唔收佢。

問題就係，如果爸爸繼續插胃喉，又落唔到床去大小二便，精神又迷迷糊糊，咁我係唔係其實將佢送去老人院照顧會適合啲呢？

0 0 0

私人傳訊

積分: 4698

2^#

發表於 18-5-12 23:49 |只看該作者

Etcetc 發表於 18-5-12 23:38
我爸爸70幾歲，月前因為跌倒腦部受傷，開腦做完手術之後反反覆覆已經一個多月，雖然佢都叫做醒返，神智方面 ...

我經驗話你知，如果接回家壓力會爆煲，可搵醫務社工幫你搵住暫託老人院試下先。我已請工人姐姐以為在家會搞得掂，但差點搞到抑鬱自殺咁制。

私人傳訊

積分: 4698

3^#

發表於 18-5-12 23:51 |只看該作者

Etcetc 發表於 18-5-12 23:38
我爸爸70幾歲，月前因為跌倒腦部受傷，開腦做完手術之後反反覆覆已經一個多月，雖然佢都叫做醒返，神智方面 ...

老人院選好d,佢哋有經驗，好過請工人的

私人傳訊

積分: 4089

4^#

發表於 18-5-12 23:57 |只看該作者

回覆樓主

背景係：爸爸一向同70幾歲體弱多病嘅媽媽同細佬一齊住，細佬一至五都早出晚歸。

我之前爬過文，明白請工人同埋住老人院嘅好處壞處。我知道私營老人院收費每月要過萬，對於我哋呢啲普通打工仔來講，真係長貧難顧，因為我父母住居屋，爸爸又係退休公務員，每月有雞碎的長俸，所以申請綜援呢個方法又唔可行。

我知道排政府老人院要三五七年，至於請工人一來起碼要等三幾個月，二來如果爸爸要吊奶又落唔到床，工人姐姐唔知道可唔可以應付

，仲有之後爸爸應該要返去現在醫院覆診腦科，路程唔短嘅。

但係聽醫院口氣，我估不出一至兩個月一定會趕爸爸出院，我係唔係要搵定私營老人院俾爸爸，但係如果每個月都要萬幾兩萬蚊，我。哋真係負擔好重唔知點算

醫務社工未聯絡我但係我呢幾日都已經好困擾。

請問大家可唔可以指教下我？

私人傳訊

積分: 4698

5^#

發表於 18-5-13 00:21 |只看該作者

Etcetc 發表於 18-5-12 23:57
背景係：爸爸一向同70幾歲體弱多病嘅媽媽同細佬一齊住，細佬一至五都早出晚歸。

我之前爬過文，明白請工人 ...

我媽就係有好多覆診，唔好話請假，去醫院係相當困難。有啲老人院有院車，方便好多。如果你爸爸屬高度照顧，政府老人院仲耐，但有買位服務，即政府向一些私家老人院買咗位，每月比大約1600至2000，唔肯定，選咗買位就不能再排政府院舍，簡單講，醫務社工幫到你

私人傳訊

積分: 4698

6^#

發表於 18-5-13 00:23 |只看該作者

hyngok 發表於 18-5-13 00:21
我媽就係有好多覆診，唔好話請假，去醫院係相當困難。有啲老人院有院車，方便好多。如果你爸爸屬高度照顧 ...

買位大約等半年

私人傳訊

PCCW2319

水晶宮

積分: 67993

7^#

發表於 18-5-13 04:13 |只看該作者

Etcetc 發表於 18-5-12 23:57
背景係：爸爸一向同70幾歲體弱多病嘅媽媽同細佬一齊住，細佬一至五都早出晚歸。

我之前爬過文，明白請工人 ...

主動去搵醫務社工 , 唔好等。

問醫院姑娘話想約見醫務社工或問佢地點可以聯絡醫務社工。

天空之城, 快樂之地

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

8^#

發表於 18-5-13 06:44 |只看該作者

一定要搵醫務社工, 除左可以幫手搵老人院, 仲有可以睇下有冇援助可以幫到你地.

私人傳訊

積分: 4089

9^#

發表於 18-5-13 07:19 |只看該作者

回覆樓主

本帖最後由 Etcetc 於 18-5-14 10:04 編輯

醫院而家好似話嘗試幫爸爸排復康醫院，睇下收唔收，我又驚如果自己太主動搵醫務社工去搵定老人院，醫院會乘機唔收我爸爸去復康，直接送去老人院。

另外，如果買位安老院要等約半年，社工可以安排等候期間住暫托安老院？收費大約如何？

同埋我想問，如果我爸爸情況再無進展，呢個情況，其實請工人係唔係未必咁適合？

私人傳訊

積分: 4698

10^#

發表於 18-5-13 08:21 |只看該作者

Etcetc 發表於 18-5-13 07:19
醫院而家好似話嘗試幫爸爸排復康醫院，睇下收唔收，我又驚如果自己太主動搵醫務社工去搵定老人院，醫院會 ...

暫託一年最多住42日，$60一日
我唔敢講工人搞唔搞得掂，我請個個就唔得囉。老人院設備會比屋企好，明白老人家一定想住屋企，但我試過唔可行。

私人傳訊

MM2005

翡翠宮

積分: 80865

牛年勳章 2018復活節勳章好媽媽勳章醒目開學勳章

11^#

發表於 18-5-14 09:54 |只看該作者

回覆樓主:

你爸情況一定要人全程照顧，你又咩都唔識，有社工一定幫到手。

私人傳訊

webjen

珍珠宮

積分: 44242

12^#

發表於 18-5-14 14:55 |只看該作者

Etcetc 發表於 18-5-13 07:19
醫院而家好似話嘗試幫爸爸排復康醫院，睇下收唔收，我又驚如果自己太主動搵醫務社工去搵定老人院，醫院會乘 ...

去唔去復康醫院係醫生決定,同社工無咩關係! 社工都係幫你排政府隊,私家院舍至多比個LIST 你咋!
可以搵間私家住黎等有位,無咩暫托安排的!
如果有胃喉,又起唔到身,工人真係做唔黎的!

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

fptong123

積分: 1273

13^#

發表於 18-5-14 21:07 |只看該作者

其實醫生有冇講過為何仍要插喉？復康後有機會有好轉嗎？

私人傳訊

hsbc005

伯爵府

積分: 15808

14^#

發表於 18-5-16 04:33 |只看該作者

本帖最後由 hsbc005 於 18-5-16 04:36 編輯

揾社工申請定政府老人院先，即使暫托都係揾社工攪，
等位期間再請外傭，
我家中長者係落餵喉飲奶，
只能坐/臥床，
一直在家照顧直至在醫院走。

私人傳訊

積分: 4089

15^#

發表於 18-5-16 15:28 |只看該作者

回覆樓主

尋日我聯絡了醫務社工，佢都話爸爸情況尚未穩定，暫時不用立即決定。社工話短時間就算排買位老人院也要一段時間，叫我首先諗私家安老院。

社工仲提到可考慮申請傷殘津貼及綜援補貼私家安老院費用，什麼尿片費，吊奶費等可實報實銷，但係我爸有每月微薄的政府退休金及擁有超過十萬的股票在銀行，根本不合資格。

私人傳訊

積分: 4089

16^#

發表於 18-5-16 15:47 |只看該作者

回覆樓主

我之前隨意問娘家附近的老人院，以爸爸的情況，院費已$16000，還未計什費。我就算動用爸爸自己的退休金，都還要俾多一萬多以上，而且仲有要負責媽媽的生活開支..... 我和弟弟只是個普通打工仔，我家還有兩個小朋友要養

請工人可能經濟D，爸爸在家好過㸃，但又擔心工人的各樣.....

我現在毎晩也睡不安寧。

今日我又要向公司請假陪七十多歲的媽媽去A院專科覆診，之後還要去B醫院探爸爸。

爸爸未出院我已經壓力爆煲中

有感：長俸對低級公務員嚟講真係未必係最好福利

私人傳訊

積分: 4089

17^#

發表於 18-5-16 16:16 |只看該作者

hsbc005 發表於 18-5-16 04:33
揾社工申請定政府老人院先，即使暫托都係揾社工攪，
等位期間再請外傭，
我家中長者係落餵喉飲奶，

個社工反而唔建議爸爸去暫託老人院（話難夾到期，爸爸又會被拋來拋去不利他）

佢只係主力講私人安老院

（因為咁醫院可以盡快趕到爸爸走，社工又可以做最少掛）

私人傳訊

ET19

積分: 3841

18^#

發表於 18-5-16 18:01 |只看該作者

Etcetc 發表於 18-5-16 15:28
尋日我聯絡了醫務社工，佢都話爸爸情況尚未穩定，暫時不用立即決定。社工話短時間就算排買位老人院也要一段 ...

如果股票，物業都係爸爸單名的，咁的情況妳可能要搵埋法律意見，向法庭申請做爸爸財產的受託人，處理佢呢啲野。
難聽啲講句，到使乾使淨再申請綜援。
我印象中以前做外展時，見過退休公務員都有個部門，可以申請錢買復康用品，或者申請錢幫自己間居屋裝一兩支扶手的。
如果經濟負擔到兩年左右，情願排津助的護養院好啲，唔好揀區，全香港排到邊度入邊度咁。而家新果啲津院，全部都係合約院舍，定位係護養院，一旦仲有新開的會條隊一炮過郁好多個籌。

私人傳訊

hsbc005

伯爵府

積分: 15808

19^#

發表於 18-5-16 18:02 |只看該作者

Etcetc 發表於 18-5-16 15:47
我之前隨意問娘家附近的老人院，以爸爸的情況，院費已$16000，還未計什費。我就算動用爸爸自己的退休金，都 ...

明白你感受，
我都試過帶我爸去覆診，
而我媽就(末期)瞓在樓上果層，
我都探唔到我媽。
又試過我媽入院瞓東翼，
我爸入院瞓西翼，
我一個人都唔知去東翼探我末期的媽媽，
还是去西翼餵我爸爸吃飯，
我記得當時我自己都有d發燒。

私人傳訊

ET19