其實好睇你想小朋友去讀preschool有咩期望，我自己同老公首要安全，去到會睇下學校入面有冇滅火筒，師生比例係幾多，走火通道是否暢通，廚廁衛生，午睡安排係點，有D有食物供應，睇下食D咩，有咩點心，小朋友會唔會出去等等。
師資校長資歷我自己覺得好重要，因為有經驗老師會好容易發現小朋友學習上問題，好似自閉呢D黃金期係三至五歲，早教早學早跟上，如果老師唔夠經驗未必發現到，根本就唔會提醒家長去做評估，亦都未必可以識得點去教個小朋友。就算唔係去到SEN問題，有經驗老師處理小朋友問題時都會較妥當，咁細小朋友對於黑白正反嘅觀念吸收得好快，正確理念貫輸係必須。
另外，當然係學費貴唔貴，時間幾長，要求家長參與度，我仔女去過一間，隔個月就籌款，唔明點解交完學費都要搞咁多，過時過節又potluck又禮物，唔準備的話，自己小朋友收人地禮物好似過意唔去，仲有送俾老師嘅gift card。。。皮費好重。
好多Preschool都係Play-based，唔強逼學生寫字讀書，亦有蒙特梳爾混班，我自己覺得一定知識係必須，但首要學聽指令跟規距同自理，不過如果諗住報私立小學的話，就要搵間學術較重嘅Preschool，因為私校要考試，小朋友唔識ABC基本生字數字唔識寫自己個名的話都幾難有私校收，公校就冇得揀學生，而且公校會由ABC123拼音教，Preschool有冇學都係要從新學，所以學術方面可以唔較太緊張。
近屋企或家長返工地點我自己覺得要考慮，一個幾歲小朋友要坐車去返學，太遠的話會攰，大人又大包小包都辛苦。
花旗太太生活在花旗國，留意時差，你問我未必即時答到。
發表於 
返回列表
