懷孕前後 今日: 1|主題: 329736

由於威院做唐氏照超聲波時,姑娘話照唔到亞仔個鼻骨,所以當時寫埋個期比我照結構,我個下覺得好好彩,因為我上網睇話好多人都無得安排政府照結構,就連高齡媽媽都無得安排.

不過又因為睇好多COMMENT話政府照結構唔仔細, 好多媽媽都會出私家照多次, 所以我都照BOOK左私家, 遲威院一個星期去照

上星期去威院照,由於係下晝第一個的關係,等左十五分鐘就有得照,由一位副病房護士長,姓LEUNG的, 成個過程照左大約50分鐘, 護士開始前解釋左個流程, 然後一邊照一邊解釋宜家係照左咩位,有無問題,如果有問題係會點,宜家照到係點,亞仔又相當合作,由頭開始一直照,頭骨,心,胃,肝,胆,腎,手,腳,鼻,咀等….本來結構係唔包耳仔同數手指腳指, 不過亞仔又好合作一照就睇到, 仲打開手掌,腳仔, 咁護士都好好, 話埋比我知呢度係送架, 有耳仔手指腳指啦, 齊晒~ 跟住剛好亞仔轉身, 照埋個脊骨, 全部齊全正常, 搞掂. 然後護士再出左個表, 對比返亞仔宜家生長線等, 仲話埋比我知原來我驗產前血驗到我無德國麻疹抗體~(上次去威院第二次產檢,個醫生都無同我講!!)整體感覺唔錯,護士有耐性,又感覺好有經驗,解釋得好清楚.

雖然政府照完我都已經好安心,因為都好仔細,不過本來都已經BOOK左私家, 預左比錢做, 咁就當買個安心, 前兩日照埋私家的結構, 我搵左鄭昆瑜醫生(產檢都係搵佢的) 結構價錢$3000, 前後都係照左45分鐘左右, 亞仔都算合作, 照完第一PART, 係都唔轉身, 出去坐左半個鐘, 佢轉身照埋餘下的. 成個過程同威院都好似, 一邊照一邊解釋宜家係照緊咩位, 有無問題, 比威院多左少少就係腸呀, 肛門口呀, 同埋血管再睇得仔細少少, 但OVERALL都大同小異, 順利完成, 咁當然私家就會多左3D相, 黑白超聲波照, 同埋一隻USB錄起左全部照的過程比返你, 鄭醫生都好溫柔, 又會一直閒談住, 感覺舒服的, 至於私家D相咪就可以自己留個記錄, 同埋返去比長老睇, 老人家睇到都開心呀~

我唔知係咪唔同醫院或者唔同護士照會有唔同安排,但今次威院的經驗,我自己同先生都好滿意,覺得非常唔錯~不過,威院的產檢我就覺得好麻麻,個人覺得都係出去私家再睇住穏陣D~