啱啱去完羅湖工商銀行開戶口，分享一下。羅湖商業城一入去就係，下面會有相片指示銀行位置。
約9點半到，我準備以下文件：
身份證
回鄉咭
實名大陸電話號碼
香港三個月住址証明（我用銀行月結單）
稅單帶定（冇用到）
護照帶定（冇用到）
入去會有好多好熟手嘅職員一路指導，冇乜大問題，係機器開戶要輸入簡體字比較麻煩，例如自己個名，地址，機器設定輸入法係手寫，我唔識寫地址嘅簡體字就叫員工寫喺紙上面畀我睇，再自己輸入。
大約40分鐘開好戶口。我同時申請埋信用卡，三星期後批核（以短訊通知）。
開戶口頭三個月最低存款要￥1000, 之後￥300。
我忘記問信用卡要唔要碌幾多次，等我去拎咭時再update大家。
開好戶口就有職員幫你安裝app, 綁定支付寶同微信。微信比較煩，要輸入我中文名（必須係簡體）,我又搞唔到手機點入簡體，個職員用佢手機打我個中文名再sms我，copy and paste.
綁定又用咗20分鐘左右，前後一個鐘，我10點半完成，後來已經嚟咗好多人，可能時間要預多啲。
MissMaMa 發表於 19-7-3 15:52
謝謝樓主分享，好有用！
MissMaMa,
我也是剛剛星期日响深圳開了中聯通大陸電話咭及中國工商銀行戶口，綁了大陸微訊支付。也可參考下。
如在落馬洲過關，最方便就是去福田口岸開電話咭及銀行開戶，一出關口就是中聯通，過對面馬路就是中國工商銀行。而我就响華強分行開戶，因為當日係星期日，福田口岸分行休息。
工商銀行(華強分行)開戶，只需要以下三樣資料：
1. 住址証明(三個月內)；2. 回鄉證；3. 香港身份証。
首月在戶口內保留最少RMB 300。
去銀行開戶口前，先去中聯通開大陸電話咭，因為開銀行戶口時需要收SMS驗證碼。
福田口岸開大陸電話號碼咭，人仔260元，咭內有80元面值可用。
開咭後會收到中聯通以下SMS：
歡迎使用聯通業務，您已開通日租卡任性用版，本套餐基本月租為0元，來電顯示功能費6元，國內通話0.25元/分鐘，國內接聽免費。套餐外國內流量按天計費，當天累計流量3MB(含3MB)以內，免費，超出3MB後，1元800MB，2元1600MB，3元2400MB後當日免費使用。當日使用總流量達5G時，您的上網速率將得不到優先保證，有可能下降到1Mbps之內，次日自動恢復到正常速率。以上優惠適用範圍均不含台港澳。
發表於 
我7年前已開左大陸銀行戶口，喺南山果邊，唔需要再開戶，不過個戶口已經冇錢，應該都要返去一趟。另外，我冇實名電話卡，深圳灣關口係咪都有得做？已經2年冇返大陸 
返回列表
