本帖最後由 m--m 於 19-8-28 00:52 編輯
如果BK係你嘅政治工具,睇到依度可以停.
2008年,喺搜尋引擎搵到BK,一個完全否定過往社會傳遞訊息"師奶識咩吖~番去湊仔啦!"對師奶認知嘅討論區.
臥虎藏龍好多國民都會提到,當街外人再話師奶識咩,我會立即糾正佢,話佢知,唔好再睇少師奶,睇BK能知天下事,係討論區界嘅清泉.
好遺憾,近年番嚟,我腦中已變成另外四個字"龍蛇混雜".
雨傘時,第一次離開BK,因為每日上嚟都見人鬧交,見到本來溫文儒雅嘅人面目猙獰.
6月9日之後,睇BK次數應該十隻手指數得晒,留言唔知有冇3次.
喺未知自己會唔會再一次離開嘅時間,講一講心底話 : 你究竟想降低BK層次到乜嘢地步?
6月9日前發生一件事,我出過一個post去讉責幾位大庭廣眾光天化日屈低分國民事件,除咗一位厚面皮冠軍同黨幫一句口,屈人者係冇出過聲.
諗住佢哋應該知自己做錯,礙於面子唔道歉唔作出承擔嘅勇氣,至少自我反省唔會再錯落去.
居然,屈人者繼續四出屈低分國民,當正自己福爾摩斯,版主都身受其害.
第一點 : BK係咪唔再需要新國民?
屈人者點解可以逍遙法外?
自由版,旅遊版不定時不定post唔係理性討論,任由國民拋低一句無可讀性建設性只有破壞性嘅侮辱說話,政治版更甚.
第二點 : BK係咪唔再需要理性討論?
肆意侮辱人者點解可以逍遙法外?
6月9日後,好奇心下睇連登,簡直大開眼界,有當初睇BK嘅感覺,甚至過之而無不及.
我睇到連登仔女,會鬧人,會鬧交,會講粗口,但係佢哋會接受,會道歉,會反省,會改過,會進步,與時並進,極為優秀.
反倒標榜唔講粗口嘅BK,身為人父母,以為唔講粗口,食鹽多過人食米就比別人高尚,就係上等人,講乜都啱,唔會錯,錯都係對方錯,不道歉,不反省,不改過,不進步,愈來愈out,識用whatsapp wechat就係in.
做咁多年人,訓練到自尊大過天,連連登仔女都不如.
我知我喺BK咁多年,只係一個微不足道連1萬分都冇嘅蟻民,
但係我可以好自豪咁講,咁耐以嚟,被封被刪post,從未無賴投訴過一隻字.
我愛言論自由,但當你享用緊你嘅言論自由,都要識得尊重,體諒,有時更要以大局為重,撇除私人恩怨,做一個優質國民.
反而果D擁抱極權嘅,講一套做一套,屈完人仲投訴做咩封佢post,比說話版主聽.
依種人,冇資格享用言論自由.
只靠國民讉責,權力者唔執法有咩用?
BK縱容只識鬧8婆交,扮福爾摩斯,欺凌,屈低分國民嘅人士,
只會令BK充斥低質國民,唔會再有新國民,優質國民發表意見,固步自封,淪落到同cctvb面對當前嘅狀況一樣.
今時今日喺BK,粗口難以存在,係因為有明確指引,權力者能夠當機立斷執法.
只要堂堂正正,對任何身份,睇法,高低分國民都公平唔濫權,仲有乜嘢需要怕?
想有咩國民,視乎權力者點做.
補充 :
絕對支持BK對極權流晒口水行得正企得正嘅國民,
一反BK,投訴,比說話BK版主聽,BK不需作任何解釋,以言入罪,踢出BK.
你唔極權佢佢係唔會high架,唔high先投訴之嘛.
再補充 :
版主,唔好意思自己成日蒲自由出錯自由版,
所以我冇投訴,亦同版主道歉.
舒服屈的名單#127
發表於 
救命 
返回列表
