3歲或以上 今日: 1 | 主題: 8579

積分: 2041

1^#

發表於 20-8-2 22:17 |只看該作者 |倒序瀏覽 |打印

我個女就快10歲，每星期平均都有兩三晚尿床，有睇開醫生話同我老公細個一樣先天性膀胱細同膀胱肌肉發育未健全，唔建議做手術同食太多藥，意思話慢慢會好唔好心急，從來唔會因阿女尿床打罵佢，唔想因為尿床而令佢唔開心，都知佢都唔想。不過我個女慣左每晚都要押尿片先訓，叫佢試戒夜片但失敗，佢話寧願用尿片驚夜晚瀨晒張床要我起身幫手洗床，唔想媽咪辛苦。阿女心態我都明白都係為我著想，因為我朝早都要返工，半夜幫佢換褲換床單係超痛苦，依家佢識每晚自己包尿片先訓，起身自己換片沖身，完全唔洗麻煩我，不過每朝我都會睇阿女塊片有無濕要mark低，而家晚晚開冷氣訓，阿女尿床次數又多咗，上個月有一半日子朝早塊尿片都係濕，有時仲會濕咗大半條，我睇到好唔開心，有苦自己知但又唔敢同人訴苦，有無家長已經讀中小學的仔女有同樣情況，你地又會點處理？

0 0 0

私人傳訊

lltracy

別墅

積分: 929

2^#

發表於 20-8-2 22:42 |只看該作者

其實10歲都要著片真係好奇怪！點解唔狠心幫佢戒，每晚定時叫佢起身小便，係辛苦嘅，不過都係幫緊你個小朋友適應，等小朋友都有習慣，唔會依賴著片！再加上趁而家吾洗番學更架適合幫佢戒片，可以睇中醫調理下都有幫助

私人傳訊

babymamaloveyou

積分: 4851

3^#

發表於 20-8-2 23:05 |只看該作者

本帖最後由 babymamaloveyou 於 20-8-2 23:20 編輯

甘你同老公有冇甘既情況？我自己細個8,9歲才戒夜片，兄弟姊妹無此情況，只有我，我細個自己好唔開心，因為自己都唔想，但真係瞓著咗都控制唔到，試過無片真係會成床都濕，感恩媽媽體諒，從沒鬧我，但我爸會比說話我聽：甘大個仲瀨尿。自己當然好唔開心，所以你做得好好，千期唔好鬧佢，你估佢唔覺得自己醜咩？佢自己都唔想。我媽當年無帶我睇醫生，我都係自然戒了。
我覺得都可以再等下，發育不同，畀佢自然戒，始終食藥和做手術都唔好。我覺得要同佢保守秘密，連親人都唔好講, 咁大個仲穿片其實覺得自己好醜怪。
純粹個人分享，可以睇下醫生點講！

私人傳訊

babymamaloveyou

積分: 4851

4^#

發表於 20-8-2 23:09 |只看該作者

本帖最後由 babymamaloveyou 於 20-8-2 23:15 編輯

瞓前兩小時唔好飲水，瞓前痾一次，試下中間叫一叫佢小便，當然大人都辛苦。

私人傳訊

Deshanemama

複式洋房

積分: 488

5^#

發表於 20-8-2 23:32 |只看該作者

好明白你感受，你要好好幫佢保守秘密，千祈唔好比人知，可以的話，盡量用尿片，六點后唔飲水，試吓得唔得

私人傳訊

積分: 2041

6^#

發表於 20-8-2 23:39 |只看該作者

回覆 babymamaloveyou 的帖子

我老公15歲先無再尿床，阿女而家情況同老公果陣一模一樣，醫生都話係遺傳，所以我都唔怪阿女，最緊要阿女生活得開心唔影響學習，除咗夜晚會瀨尿外幸好感恩阿女其它方面都完全賓問題，醫生又話呢個情況唔適宜夾硬做手術同食藥，太心急去醫隨時有後遺症，暫時都係偏向行為治療。
我每晚都會提阿女押尿片前去清廁所，半夜尿急醒到就落床，唔好就咁噓落尿片度，不過我都唔知阿女有無聽，反正佢一著左尿片瞓上床就瞓得好冧，見佢晚晚都一覺訓到天光，極少聽到佢半夜起身去廁所。

私人傳訊

積分: 2041

7^#

發表於 20-8-2 23:44 |只看該作者

回覆 Deshanemama 的帖子

六點就停佢水真係太早，因爲我地本身連飯都未食。同埋醫生都話千祈唔好因為怕佢瀨尿而刻意唔俾水佢飲，小朋友飲充足水份係好重要，但就叫我夜晚除左清水外其它含糖, 咖啡因, 汽水, 茶飲品都唔好畀佢飲。我之前試過放尿壺係佢間房度等佢夜晚自己起身方便，但失敗未醒已經瀨濕晒。

私人傳訊

Jessicawong818

積分: 5170

虎到金來勳章

8^#

發表於 20-8-3 10:00 |只看該作者

回覆 snorlax 的帖子

我姪女今個月就13歲，睡覺仲會瀨尿，係間中會，所以嫲嫲半夜會叫她起床去廁所，有時佢又會發癲，唔肯去，唉...都係頭痛，成日要換床單，可能係身體有問題，有去睇醫生，醫生有建議瞓前唔可以飲水；反而佢妹妹6歲，1夜瞓到天亮都唔會瀨尿。

你試下半夜醒左叫佢去廁所，臨瞓前2小時叫佢唔可以飲水，如果真係好渴，叫佢飲1小啖，試下得唔得。

私人傳訊

Chuchinghan

積分: 6652

9^#

發表於 20-8-3 10:09 |只看該作者

試下校鬧鐘拍醒佢屙尿丫，需然大人小朋友都係會辛苦，但可以試下介片，我細過又係半夜會急尿，但識自己起身，我晚晚都拍醒媽咪陪我去廁所（因為怕黑），我媽媽當時係返緊酒樓，份工6，7點就要返工，現在諗返轉頭，母愛真係好偉大

私人傳訊

rain621

子爵府

積分: 14476

畀面勳章

10^#

發表於 20-8-3 12:49 |只看該作者

其實，都已經睇咗醫生，都知係咩原因令佢咁，宜醫生都話唔好急，就不如放鬆啲啦！唔好急切要佢介片。既然你都話佢自理到，就無謂再迫佢令佢有壓力，佢已經同人唔同，佢自己都唔想，如果父母仲迫佢會好大壓力！我係你就晚上由佢瞓，半夜比你拍醒起身去廁所，第二朝起身唔夠精神咪仲慘。

私人傳訊

親親小孩子

子爵府

積分: 11363

2024年龍年勳章虎到金來勳章 Poo得好勳章 BB防敏心得分享勳章美好大世界2017勳章趣教勳章最關心BB問題熱投勳章親子王國15週年勳章

11^#

發表於 20-8-3 13:47 |只看該作者

妳做得好好，冇怪責佢，可以試吓再鼓勵佢多啲，佢都10歲，有自尊心同一定自制能力，試吓搵次冇其他人嘅時候同佢商量吓，如果夜晚飲多咗水就校鬧鐘半夜起一次身去廁所，如果佢都有呢個心想快啲戒到，佢自己起唔到身就大人半夜提佢去廁所。係就係辛苦啲，但起碼佢唔使10歲仲著片瞓，佢明顯係好不安，對自己冇信心，於是依賴尿片去包底，有機會拖延解決唔再半夜尿床嘅問題，即係身體機能可能已經READY 但過唔到心理個關。

當然佢都唔想，就算而家話半夜起身去廁所，都唔可能立即唔再著片，佢會好大壓力，亦可能唔夠精神，可以先試吓照著住片但半夜去廁所，如果第二日尿片冇濕，讚吓佢，如果可以KEEP到成個星期以上唔濕片，等佢對自己有信心，先再試吓唔著片瞓，總之佢有任何不安，都唔好夾硬戒片，試咗夜晚少飲水或半夜提佢去廁所

私人傳訊

ilovecafe

積分: 5649

12^#

發表於 20-8-3 20:45 |只看該作者

臨瞓前兩小時唔好飲水,臨瞓刷牙順便去廁所先上床,應該唔會有問題

私人傳訊

Happyshiba

禁止訪問

積分: 1399

13^#

發表於 20-8-5 00:40 |只看該作者

提示: 作者被禁止或刪除內容自動屏蔽

私人傳訊

積分: 2041

14^#

發表於 20-8-6 00:11 |只看該作者

去到13歲夜晚都仲間中瀨尿，我都怕阿女都係咁讀到中學都仲瀨尿，半夜唔肯起身去廁所係因為佢覺得唔急無必要落床定係覺得起身果下辛苦懶得落，我女就係後者，瞓咗落床叫佢起身去廁所就難，佢本身瞓得淋。咁你姪女瞓覺有無用尿片？我同阿女都怕洗床單，所以俾佢用尿片大家方便，但又好似搞到佢無心戒片，左右都難做。

私人傳訊

積分: 2041

15^#

發表於 20-8-6 00:18 |只看該作者

即係佛系方法，乜都由得佢，讓佢自己方式慢慢解決了床問題，我心態係佢過兩年就讀中學夜晚都仲瀨尿，半夜又唔識去廁所仲要用尿片，佢覺得唔醜但我覺得醜，我老公同個女到而家都仲唔當一回事，話尿床又唔會死人，最緊要唔好影響生活同阿女學習，唉...

私人傳訊

Jessicawong818

積分: 5170

虎到金來勳章

16^#

發表於 20-8-6 11:55 |只看該作者

又未去到要用片，只是偶然會瀨，可能一個月1次，一個月2次，有試過連續3晚都瀨...
佢晚上懶落床，唔想去廁所，有時要出到打佢，佢先去，但真係有尿痾。
一句講曬，佢係懶，唔去廁所，日頭都試過，為了玩手機而瀨尿

私人傳訊

wongkayue

複式洋房

積分: 338

17^#

發表於 20-8-8 00:55 |只看該作者

你會唔會考慮用隔尿床墊? 墊住訓, 就算半夜瀨咗都唔洗換床單住.

私人傳訊

youjump

積分: 7260

2024年龍年勳章虎到金來勳章 2021可愛聖誕B勳章減齡達人勳章牛年勳章 15週年勳章畀面勳章 BK Milk勳章 KMALL特別版勳章 BB防敏心得分享勳章

18^#

發表於 20-8-11 10:39 |只看該作者

妳老公係過來人，佢認為冇問題，妳囡囡又安心著尿片，妳都冇符，一於佛系啦，妳緊張佢，佢以為迫佢，仲有爸爸撐

私人傳訊

oj_jojo