少年成長 今日: 0|主題: 15867

中學前所有學業上既問題我全權負責, 只有我會過問佢學業, 我好緊張佢作息,經常催促佢上床瞓,佢熱底常鼻血,所以限制佢食熱氣嘢…所以我係最煩既人….如果唔係青春期係無問題, 佢一向好聽教聽話, 但正值青春期這些全部是罪大惡極既事, 加上我係惡唔出樣既媽咪,可能咁我成為咗佢青春期賀爾蒙發作既最佳出口….

有時我都安慰自己, 雖然係好難受,但起碼有個出口比個女發洩好過佢谷埋自己度, 所以我而家戒長氣, 儘量唔過問佢學業, 起居飲食唔太過份都唔好煩佢, 期望唔好破壞關係,順利過度這段時期, 我們一起加油!!!!

我女同你情況一模一樣，我怕佢鬱住系心，越來越吾順氣成晚瞓得吾好，所以每次去到喊，我都會心軟，過幾分便入房抱住佢同佢講"吾好再嬲媽咪"，跟住佢眼中嘅怒火就會消失，即時變返我嘅乖女。你可以試下。

我覺得吾系邊個對或錯的問題，我相信系小女孩青春期控制吾到自己情緒而已。