BB出世了，襯自己還記得，把這些都紀錄下來，希望鼓勵係IVF過程中，迷茫的你們。
如題, 老公精少，有染色體平衡易位，係威院PWH私症做左3次＋瑪麗QMH公家症做左1次IVF…
故事要由2020年開始，嘗試自然懷孕一年，但唔成功。
2021年1月決定去睇不育科做IVF，一月尾見醫生，二月頭老公驗精，發現極少，而且quality唔好，醫生建議抽血驗染色體，咁就發現左他有染色體平衡易位（果然精少必有原因）
我後來睇過一啲醫學文獻，原來男士有染色體平衡易位，有50%精子正常，有45%少精，有5%無精，我老公竟然中埋果45%，真的無言。如果精子正常，都可以嘗試自然懷孕，但會有極高流產率；但少精既，就一定要做IVF。
本來有染色體問題，IVF成功率已經好低，仲要加埋精少，醫生話係IVF入面，最worse最worse的situation。
三月，正式踏上IVF+PGT之旅，抽了16粒卵，全部胚胎唔正常；五月，抽了17粒卵，全部胚胎唔正常；七月，抽了18粒卵，只有一粒染色體正常（未有分到完全正常或是平衡易位），但可惜最後著床失敗。
看似輕描淡寫的描述，但IVF的失敗，仲要係短期內經歷三次，身心承受的痛苦，都唔係一般人能夠理解和想像，原來人生可以絕望到一個這樣的地方～
每次做IVF，都將自己的婚姻，老公對我的愛，我對老公的愛，重新思考一次，問題唔係出自自己身上，感覺更難受，覺得自己好努力，但又唔知努力啲咩，相信只有同路人才能明白！
未成功就要繼續，相信總有一天會成功，才有生存下去的動力，十月，係QMH做第四次IVF，這次抽了28粒卵，幸運地有2粒完全正常＋2粒平衡易位胚胎，果然，好的胚胎係值得被期待的～
一年內抽了79粒卵子（相等於六年半的排卵量），有時覺得自己仲未痴線，都真的好厲害！
每次抽卵，都痛到懷疑人生，那一種痛係感覺到枝針係內臟入面來回穿插！一諗痛一路諗：到底係咪仲要堅持？但每一次痛完，想當媽媽既心從來沒有減少，要相信堅持就有希望～BB一定會來到我的身邊。
或者上天就係想磨練下我，將來成為一個更堅強的母親～
放胎前的小意外：陰道出血～
終於等到12月可以放胎，平時排卵凖到不得了，都係大約第15日排，但這個月day 11 & day 14照USG，卵子有好多，卻無一粒特別大，醫生話係卵巢過度刺激的後果，所以係day 14開了排卵藥給我吃5天。
可怕的事要來了，排卵藥食到第四天，突然陰道出血，嚇死，但因為係星期日，搵唔到醫生，到星期一，我食埋最尾果粒藥，結果血愈來愈多，似m come，醫院就安排我星期二朝早覆診，那天哭了一個晚上，唔係擔心又要等多一個月先放胎，而係…對自己的身體，子宫同卵巢好愧疚，這一年來辛苦了身體太多太多，星期二朝早，照USG見到有3粒卵開始變大，係14,14同15mm，但下面又流血，太奇怪了，連醫生都解釋唔到點解會流血～
最後血流了3-4天，停了，3粒卵又愈來大，結論係可以繼續放胎！之前擔心內膜太耐唔放，會厚得濟或者老化，但它自己剝落了，就無這個問題，只要放胎當日夠厚就可以放了。
終於在2021年尾放胎了，內膜有最好旳10mm，有寶寶我誇年了，終於一年的四次IVF要畫上完美的句號。到了DD-1，終於…第一次見到驗孕棒positive了，太感動！
寶寶DNA完全正常，媽媽當日承受的所有痛苦，都能夠欣然接受～
致仍在努力中的你：係IVF的過程裡，好容易會經歷迷失同絕望～
好似永遠唔知終點係邊～
要記住: 唔係睇到希望先去堅持， 而係堅持了， 就有希望
當你再哭也沒結果，找不到那心理藥房，別遺忘還有我，昂然在那些陰影，笑著行過～
長文，多謝各位睇到最後！！！傳好孕！！！
發表於 
返回列表
