本帖最後由 Giant 於 22-11-21 12:33 編輯
2寶媽 發表於 22-11-19 17:22
我都極怕, 出到去應該有嘅禮數同禮貌都會做到足, 返到屋企就會虛脫好耐, 要用好多時間去回復精神 :igive ...
冇錯,肉體上,要keep住笑容;精神上,要用100x 轉速去同其他人傾計,對方每一句說話,就要於兩秒間做齊以下四項:
1) 要先極速推斷出對方說話目的;
2) 繼而響腦內draft點樣講先大方得體又唔會中雷;
3) 運算我咁講時對方下一句會講乜;
4) 定案,可以講出口;
所以一散band,真係虛脫。
笑話:試過去飲,親戚三缺一,捉我去打麻雀,我已表明我唔識打的,佢哋就話我扮謙虛,只係打唔慣咁細啫... 終於坐低,洗牌,問佢哋要疊幾多楝牌? 三個人張開口呆望住我... 楝完牌攞牌喇,我又問每人要攞幾多隻... 苦惱一輪,最終居然係我食糊,全部牌一對一對,佢哋問我食乜糊? 我話係對對糊囉,玩遊戲機食過呢個糊... 佢哋話呢D係打台灣牌時至可以食。(佢哋終於相信我真係唔識打麻雀,唔係扮的了)
孩子之心有如泥膠,當它還是柔軟可塑時,請好好把握時間,塑造你心中所愛。「忙碌」、「疲倦」永遠不是好借口,孩子大得很快,今日拿不出時間會變成明日的遺憾!