Baby Kingdom - 親子王國 香港 討論區 › 首頁 › 少年成長› 分組做功課

少年成長

收藏本版
回覆 發帖
返回列表
跳至頁
分組做功課 [複製鏈接]

首頁
1

尾頁
   0
csir3290


子爵府

積分: 10988


1#
發表於 24-3-17 11:19 |只看該作者
早幾日細佬食飯嘅時候喺度呻，佢話最近學校有份英文嘅專題研習，老師要佢哋幾個同學分組一齊做，但係佢啲同學就成日催極都唔交嘢畀佢，細佬話佢已經同啲同學一齊諗好咗個分工，然之後提啲同學幾時要交嘢畀佢，佢話佢已經願意蝕底啲，除咗自己嗰份之外都願意做埋整合嘅工作，同埋整powerpoint，但係啲同學就成日都遲畀佢，佢仲話之前試過有同學直情試過話唔知點做就最後要細佬要幫佢做埋。家姐聽到就即刻話佢學校都係有好多分組做嘅功課，但係其實到頭來可能都係得早入面一兩個同學做大部份，家姐話總之邊個緊張分數，就到最後嗰個同學會幫嗰啲冇交嘢嘅同學做埋，如果唔係就大家一齊冇分，咁所以就算唔想都要幫佢哋做埋。家姐仲話佢自己就係嗰個緊張分數嘅人，所以好多時佢都會幫同學做埋佢哋嗰份。佢兩個不停你一句我一句咁講，就係喺度講緊分組做功課嘅唔好處。


咁我同老婆都出吓聲，都明白佢哋嘅辛苦，我問點解唔試下如果邊個同學冇做，咁就唔落佢個名份得唔得。咁佢兩個都話咁樣好難做，因為同得分組嘅同學都係比較熟，而且嗰啲唔做嘢嘅同學都總係會有好多唔同嘅藉口遲交或者唔交畀佢哋。但係細佬而家都話學精咗，因為佢都會做埋整合嘅工作，所以佢會喺個分工表度寫清楚邊啲同學做咗幾多嘢，希望咁樣公道啲。但係家姐同細佬都話有啲老師根本就唔會睇過分工表，成分功課都只不過係畀一個分數，個個同學一樣，甚少有老師會將分工變成其中一個比分嘅項目。咁我話唔落嗰啲冇交嘢嘅同學嘅名得唔得，佢兩個都不約而同話咁樣好難做，可能連朋友都冇埋。


我同老婆就唯有扮持平咁話，其實老師想佢哋分組做功課都係想佢哋學習人際相處，同埋可以將功課嘅工作量減輕唔使咁辛苦，亦都可以學習分工合作一齊完成。但係佢兩個聽到咁之後不約而同都係講同一句，就係啲老師想改少啲功課啫！可能佢哋兩個喺分組做功課上面都試過蝕底，所以佢兩個都可能諗得比較負面。我同佢哋講我話我都好認同，因為我都讀書時都唔係好鍾意同人一齊分組做嘢，因為總係會覺得唔公平，有人會做好多有人會做好少。所以寧願多啲我都鍾意自己一個做，攞幾多分都係自己一力承擔，亦唔需要擔心因為人哋做得唔好而令到個分數低咗。佢哋兩個聽到我咁講都好認同。


之後我哋都繼續同佢哋講，其實到佢將來大個出嚟做嘢同人合作嘅時候，都總會遇到呢啲人，到你要同人相處嘅時候，有陣時就可能唔怕蝕底就會贏到好多友情返嚟，而且你而家可能覺得係蝕底咗少少，但係朋友都會覺得你哋對人好同埋有義氣，當你哋遇到有問題嘅時候同學都會願意幫忙。我話就算分組做功課有幾多唔好嘅理由都好，但係起碼你兩個都贏到友情返嚟，我相信到分組嘅時候你兩個一定係最受歡迎，同最多人想同你哋一組嘅同學。佢兩個都即刻話係，話當老師一話分組嘅時候，好多同學都會主動搵佢兩個想同佢哋一組。我話咁咪係證明你兩個都係班上面受歡迎嘅同學囉！


細路仔就係咁樣，有陣時可能諗嘢會諗咗唔好嗰面先，有陣時佢哋同我哋講都係希望我獲得我哋嘅認同，所以我哋除咗要理解佢哋嘅感受，唔好成日覺得佢哋嘅嘢係雞毛蒜皮或者話佢哋嘅諗法唔啱，反之，除咗要認同佢哋嘅感受外，我哋亦要幫佢嘗試向好嘅方面諗，幫佢哋發掘事情好嘅一面出嚟，話唔定可以幫細路仔發展正向嘅性格。
私人傳訊回覆 引用

wholemilk


大宅

積分: 2807


2#
發表於 24-3-22 00:39 |只看該作者
你兩個仔女做功課叻叻，但揀選隊友就比較感情用事，以為揀熟絡嘅隊友就事半功倍。
私人傳訊回覆 引用

Margaretwill


洋房

積分: 56


3#
發表於 24-3-22 21:27 |只看該作者
wholemilk 發表於 24-3-22 00:39
你兩個仔女做功課叻叻，但揀選隊友就比較感情用事，以為揀熟絡嘅隊友就事半功倍。 ...

是的
私人傳訊回覆 引用

cbgmama


別墅

積分: 593


4#
發表於 24-3-26 21:17 |只看該作者
我仔由小三小四開始已經有分組做project, 而佢都知有d同學有校隊訓練日日都好忙（其實我仔都係校隊都好忙(emoji)），所以我仔會主動幫同學做多少少。結果因為要present （個個都要present),所以老師就知道邊個做得多（因為最involve 既一定最熟內容），最後成組最高分同最低分係公平既。

其實同小朋友講，唔需要擔心做多左唔公平，因為好多野會反應到自己參與左幾多。最後，呢個學習過程中得到最多一定係做得最多果個，世界係公平的。

私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見