我都係原本冇M痛,因為量多貧血才戴藥環,也是在政府醫院戴。
一戴完立即好似子宮收縮咁痛,立即食必理痛(止M痛果隻),過一兩小時就唔痛。
其實我之前已戴左環約4個月,突然沖咗出嚟,所以今次係第二次再戴新環,第一次係冇痛的,M come係長咗,但係會停血的,而且一個月比一個短和量少。
到第4個月一直有M come 咗三星期多下少下又多返,結果沖左出黎。
再戴第二個戴又重頭 m come過,日日都有血,之後流啡,少少但都仲有,記憶中好似乾淨左一日,以為停啦,第二日又到第二次M come(因為量多返且鮮紅血,推測應該係下個M come ),直至現在仲流緊血,時少時多,已經大約一個半月了,而且間中個肚會戚戚痛,雖然不是大痛,但我之前係冇痛加麻,好似自己攞嚟衰咁。我22號再去覆診,我打算叫醫生幫我除咗佢,自己睇中醫調理下解決貧血就算,實在太麻煩了。