我一直有懷疑C6,因為佢以前試過瞞住我同個女人經常傾電話,當時我已經警告佢如果出面有女人就離婚,佢話同個女人冇野,之後我冇再發現個女人的電話,不過半年前,有個好朋友話知道我C6有外遇,不過C6死都唔認,仲話我朋友攬錯。 但係佢開始對我千依百順,我擺明check佢,佢都當冇嘢,不過我反而覺得佢係有同個女人來往,不過越來越秘密。 我始終說服唔到自己信C6,個朋友無端端點會咁講。
而家每次同佢親熱都會諗到佢同另一個女人做,真係好噁心。
我知佢當年唔想結婚,因為我有左,所以佢迫住結婚。佢試過發脾氣返99屋企住,我唯有用bb迫佢返泥,因為佢緊張bb多過自己條命,之後我要求生多個bb,以為可以縛住佢,點知半年前個朋友話佢有外遇。
我都唔知點樣再信佢,為左bb有完整家庭成長,係唔係要忍受佢有外遇?
尋晚睇左無線電視的心有靈犀節目講外遇問題,究竟我算唔算已經比左機會佢?
係唔係好似林峰咁,有相為證先死心?
雖然每次都冇真憑實據,不過一次又一次令我懷疑,冇左信任,仲應唔應該一齊生活,唔通每次都話下次有證據就離婚?