懷孕前後 今日: 44|主題: 329735

尋日朝早9點幾同屋企人去左廣華，都唔多人，交齊三樣野比姑娘：自己身份證正本，醫生信，住址證明（三個月內，銀行信都得，C6個名都得，其他屋企人就唔得）。

之後等左大約個半鐘就出左兩個期。6月13號（差兩日就滿13周）早期唐篩（OSCAR），7月26號（差一日就19周）第一次產檢，都排到好後囖……我過幾日會自己去照第一次先，希望到時可以同BB見到面同埋聽到心跳啦！

期間都好幾個唔同地區的准媽媽來登記，但因為冇區內住址證明而被姑娘直接拒絕左。所以奉勸如果想博一博的JM們，唔需要試了……如果萬一冇帶住址證明，要三日內補回先會比以上兩個期你，所以大家最好帶齊野啦，唔使走兩次。

廣華冇同其他健康院合作，所有產檢都要去番廣華做。呢樣我前日先知咋，哈哈！因為全港D醫院得廣華系甘咋！希望以上諮詢可以幫到想去廣華預約的JM啦。