在職全職 今日: 132 | 主題: 47932

積分: 14768

1^#

發表於 11-12-27 23:06 |只看該作者 |倒序瀏覽 |打印

講下背景：我是教書的, C6做IT, 大家的人工也是40K上下。兩個人生活算是不錯，有車有樓，不用供。
BB 明年七月出世，我一直都想自己湊，因為對家傭無信心。但C6從來不許可，佢話如果得佢一個搵錢，經濟壓力同心理壓力都好大。我明白，可是自己生的BB，竟然不能自己照顧。我不想請工人，我媽說可以幫忙湊，但媽住得遠，BB要同佢住先得，我想到不能同BB一齊住，很傷心。

不過BB由婆婆照顧，我都放心過俾工人照顧。但到了BB開始讀書，就不能再同婆婆住了，到時又係要請工人，自己又教唔到。

而家做教師，真係勞心勞力，湊人哋的仔女，但湊唔到自己的仔女。星期六、日都有好多學校活動要進行。我未有BB時，都要晚晚拎D功課返屋企改、又要備課，12點先有得訓。自問又很有責任心，擬卷、批改、備課都做得一絲不苟。要我將來HEA教，我又做唔出。我真想像不了BB出世後我如何兼顧教學與照顧家庭。

因為我有主婦手，好多家務都做唔到，C6說就算俾我做FTM，我都做唔來。咁又係，似乎我自己根本沒有能力做好FTM的角色。C6又話，無咗我份人工，都唔係活唔到，但BB第時無錢讀PLAYGROUP、無錢讀好的私立/直資學校、無錢去遊學團，俾唔好的東西BB，係辜負了BB。

有沒有教書的在職媽媽？你們又如何照顧BB？可否給我一點安慰、意見？多謝。

2 1 0

私人傳訊

fungcarmen

積分: 2404

王國教室勳章

2^#

發表於 11-12-28 00:08 |只看該作者

我的情況跟你差不多，我bb現在22個月，我都好想多點時間陪在他身邊，我同老公講過多次我份工很辛苦，回家後疲倦到無有體力再陪阿b。我現在的工人好，照顧bb無問題，我都放心，但太好反而bb親她不跟我，你知我心多難過，bb3個時，他成日狂哭，直至工人接手抱著他便停止哭，我發覺原來他要工人不要媽媽，因為工人與他一起的時間長，我的心多痛。不過，話又說回來，我都擔心自己不上班，會與老公脫節。我現在都跟你一樣兩難，最好是有一份不太忙的工作，每天放工去看bb在媽家吃飯。我都未有定案，再交流！

私人傳訊

serenang

複式洋房

積分: 214

3^#

發表於 11-12-28 00:24 |只看該作者

我覺得BB最重要，你有冇諗過轉工／行？我以前做Marketing，為咗家庭就轉時間彈性工作，而家可以照顧家庭，而且賺錢更多！
所以，辦法總比困難多，唔好灰心！加油！

私人傳訊

hanbb

伯爵府

積分: 16230

4^#

發表於 11-12-28 00:35 |只看該作者

plan 有bb 之前沒傾清楚嗎??

如果婆婆肯湊, 可以搬近婆婆, 或者搬婆婆近你家啦, 咁就最方便.

育嬰院也可考慮.

你和老公人工相約, 突然少一半收入真係好大壓力的. 教師轉行/轉工也不易, 重新適應新工亦很花心力.

不是勸你 hea 住工作, 不過爽手完成工作很重要, 我見有d教書朋友都可以不太晚收工, 一空堂就埋頭工作.......

加油啦.

私人傳訊

dennisluk

複式洋房

積分: 263

5^#

發表於 11-12-28 00:41 |只看該作者

支持!! 真係做老師唔容易........
希望你快D同老公傾掂佢......!!!

私人傳訊

bubblegummy

積分: 13942

6^#

發表於 11-12-28 01:00 |只看該作者

回覆：有無教書的在職媽媽？可否給我一點安慰？

我有兩個小朋友，大的3歲細的2歲。大仔由我放完產假就由6299湊，放假就自己湊。細的就由出生到依家都同我地一齊住，平時返工就由工人湊。真心個句，自己梗係想自己湊返，因為心態上同你一樣，點解我大部分時間都係教人的小朋友，但自己的反而由他人代勞？但現實話俾我知，自己quit咗份工去做ftm真係有難度，根本由佗bb個刻就係要錢，生咗出來更加要好多錢！而且，一路以來都係生活不錯，至少唔憂柴憂米，買野亦唔駛太就住，一旦個家開支大咗但收入少咗，其實真係難適應。我成日一諗到呢幾點，我就算覺得依家的工作多不如意，自己係幾咁想自己湊，都即刻卻步，因為唔想太辛苦老公（佢收入不錯），而且依家通脹又咁高，真係多個人搵錢比較好。

講返2個仔，其實被唔同人湊真係有分別。大仔我預咗痴6299多過痴我，而且有少許少爺仔格（6299真係好錫佢當佢金叵籮），細仔雖然係平時由工人湊，不過可幸的是都痴我地，可能同我地堅持bb要同我地瞓，晚晚放工都同佢玩有關。而管教上，我會覺得你俾親人湊真係要預咗有拗撬，會令你唔開心。請工人係預佢做家務，睇住小朋友，而唔係叫佢教，唔駛驚佢同你的教育方針不同。

其實我都唔鍾意有外人（工人）係自己屋企，而且請工人真係睇彩數

mouth:但當你做唔到家務／無時間做家務，而放工返家就係想親子時間，請工人係在所難免。

所以，我會用呢幾年時間搵多少少錢，最好等老公升埋職，理想係小朋友升小時，就辭職只做兼職而專心湊仔。

其實樓主會唔會真係試咗先，如果到時真係頂唔住，先辭職會唔會可行？點都好，大家一起加油吧！

私人傳訊

beechu

積分: 1058

7^#

發表於 11-12-28 01:21 |只看該作者

回覆：有無教書的在職媽媽？可否給我一點安慰？

我情況同你一樣（連c6的工作都一樣），放工回來已很疲倦，我之前同你一樣，回到家仍是工作，但自從阿仔出世，我會盡量係放工前完成當天的工作，時間分配真係好重要，只有少少時間都會好好把握。因為我知道回到家是做不到嘢，一來想陪下阿仔玩，睇書，唱歌，傾計咁，而且阿仔都會纏住我，根本唔想做。唯有等阿仔瞓咗我就開工，最多做到個多小時就要瞓，因第二日早起驚唔夠精神。幸好而家呢個工人姐姐都ok，平時婆婆都會來湊，我都比較放心，總算幫到手。而家快兩歲，我會想入n班，而家等插班。當然平時都要靠自己去教，我地呢一行，見盡唔少家長學生，我時刻都提醒自己要好好管教自己的小朋友的！
放心，萬大事同c6商量，事情總會解決的，不要擔心得太多，plan好就要堅持下去喇！大家一齊努力啦！

私人傳訊

tweetymami

複式洋房

積分: 420

8^#

發表於 11-12-28 09:49 |只看該作者

努力呀各位媽媽..我個囡囡3個半月啦....我返工放工照顧BB..真係好辛苦，但BB一個笑聲就可以抵消了工作的倦怠..我係幼師..我有時都諗日日照顧他人的BB,自己個BB就在奶奶同工人到....有時都想哭....加上老公放工有4晚返夜學...OMG...佢又無咩耐性...由囡囡出世到依家都係我照顧夜晚....日日訓得2-3個鍾....係好辛苦又好想唔做份工...但自己又唔想炰左現有千9生活質數.....真的好難選擇...你會否考慮轉半日ORPARTTIME呀!!!!但我們一班在職媽媽都要努力....因為BB就係我地的原動力....

私人傳訊

zanezane

積分: 3911

9^#

發表於 11-12-28 11:15 |只看該作者

本帖最後由 zanezane 於 11-12-28 11:26 編輯

我同樓主的想法完全一樣, 而家有2個bb, 一個2歲幾, 一個歲幾.

我教英文, 我明白全職教書係唔可能有時間理到囝囡, 平日備課,改功課都成11點先休息, WEEKEND仲有幾班作文.... 無可能教到自己的KIDS....

有一個b時試過轉半職, 有半日99湊, 雖然WORKLOAD多過全職老師的一半, 但KEEP到3PM放學, 放工唔洗做學校野, 阿囡都CHI我, 可以教到佢野. 但同99好唔夾, 俾佢連湊幾日時, 每每要花幾個鐘至一日先TUNE返bb正常, 99唔定時餵食, bb喜歡的話, 唔理份量比例餵多多, 每星期都有POO POO不正常...... 我返工日日都唔安樂. 做左一年受不了, 剛剛有了細囝, 我把握了機會自己湊番.

人工少了近$40,000. 老公剛好轉工, 加了$20,000. 都算應付到.
雖然無得去PLAYGROUP, 唔讀n1. 但自己要對自己的專業有信心, 有心的話, 每天都為bb們預備教案, 佢地同有$每星期去一兩次PLAYGROUP的小朋友沒大分別.

因2個bb都好乖, 喜愛閱讀, 有良好習慣, (E.G.16個月的阿囝, 至愛自己看書, 讀給我聽, 雖然唔知佢講MUG.... 比大囡還肯讀, 真神奇! 大囡做錯事會自己SAY SORRY, 出街見人會開心打招呼, 自己會執拾玩具, 每天會感謝天父賜佢什麼東西, 這些比起佢識好多生字, 識得寫字更令我開心), 99原本由很不高興而接受得多, (6299是很縱b的, 我一管佢地就係bb面前阻止我, 我唔理, 一直堅持, 吵了很多場, 現在有成績了, 阻力少了.)

我只想我的子女在這古怪的世代健康快樂成長, 愛閱讀, 有好品格, 將來自己自動波靠自己再上.
有好多賺多多錢, 給囝囡好多用錢"買機會"的個案, 換來的是高分低能, 甚至低分低能的例子.... 見家長見不少, 推說:我兩公婆同小朋友相處的時間少, 老師你見佢還多, 請你在學校多留佢一會.... (離譜廢話一大堆!!!)

心裡要想想什麼對子女最重要, 經濟看看是否許可作轉變. 半職可試試, 教琴/補習可試試/ONLINE SHOP可試試.
我也想過讀幼兒, 而家可幫bb, 到佢地大D可以有認可攪PLAYGROUP CENTRE.

孩子最需要愛, 不是上什麼興趣班, 上名校. 如果有心讀書, 唔洗鋪路都會自己FIGHT到返黎. 我PREFER等佢大個少少時, 如果佢地係讀書的料子, 先想法子出來賺錢給佢地外國留學的經驗呢.

我很佩服又可教書又理到自己bb的老師, 可是我的CASE加上自己的性格令到我辦不到呢. 而家有時會心癢, 想教番書, 但又真係未係時候, 惟有係屋企盡力做家庭教師先.....

各位老師都要加油呀, 心裡太辛苦就時想想有無其他OPTIONS. 無解決不了的問題的.... 我有時都害怕改變, 但改變有時又是必要的
. 改變不了實況就惟有心理再建設下自己, 多與同路人分享也好. You are not alone.

私人傳訊

Mrs.Kangaroo

公爵府

積分: 25364

10^#

發表於 11-12-28 11:49 |只看該作者

$40,000 a month, no mortgage, should be pretty good. maybe you should go to 'FTM FORUM' to ask how much of their household income.

Birth 15/3: W:4.2kg L:52cm HC:37.5cm
Day 09: W:4.37kg L:55.5cm HC:37cm
Day 46: W:7kg L:62m HC40.5cm
Day 82: W:~9.2kg L:~66cm
Day 112: W:~10.4kg

私人傳訊

hippocow

積分: 4331

畀面勳章

11^#

發表於 11-12-28 15:18 |只看該作者

回覆 tweetymami 的帖子

非常認同你所講的, 因為我都係幼師, 每日見學生仲多個自己個囡, 有時真係好掛住佢, 而且老公係大陸做野一星期先返黎一次, 自己又要返學! 有時真係好想放棄....

私人傳訊

積分: 14768

12^#

發表於 11-12-28 17:34 |只看該作者

hanbb 發表於 11-12-28 00:35
plan 有bb 之前沒傾清楚嗎??

如果婆婆肯湊, 可以搬近婆婆, 或者搬婆婆近你家啦, 咁就最方便.

我個C6一時一樣，之前佢發晒誓話唔請工人，話要請個好工人仲難過中六合彩，要請工人寧願我做FTM。
而家有咗10W, 開始好認真咁計數, 才發現錢真係太重要，少咗40K會好唔夠, 又話寧願請工人。

要婆婆搬屋、或者我哋搬屋，都不可行...... 你都明白做教師真的很難轉行/轉校. 今年九月時，因為學校有新Policy, 又有好多人事變動, 工作壓力好大, 我已經好多晚一邊改文一邊哭, 情緒很差. 所以想到無bb都咁stressful, bb出世後, 都唔知點算......

點都好, 多謝你的支持和鼓勵, 為了家庭和bb, 我會頂住!

私人傳訊

積分: 14768

13^#

發表於 11-12-28 17:42 |只看該作者

fungcarmen 發表於 11-12-28 00:08
我的情況跟你差不多，我bb現在22個月，我都好想多點時間陪在他身邊，我同老公講過多次我份工很辛苦，回家後 ...

多謝你的回覆。我就係好快bb親工人多過親我, 我寧願佢親6299或者我媽咪都唔想佢親外人. 你bb已22個月, 會上n1嗎？我有諗過做半職, 但我學校好衰, headcount計到好盡, 轉半職但要你教兩班高中咪一樣咁辛苦.
bb1歲前我都覺得可以做full time teacher. 但希望bb讀書了, 我能照顧他、教他。希望c6呢兩年轉到份好工, 搵到80k就好了. (發夢中)

私人傳訊

gracedolly

積分: 3487

14^#

發表於 11-12-28 17:49 |只看該作者

回覆：有無教書的在職媽媽？可否給我一點安慰？

我也是教書媽媽。我用本地保母，放工後自己接手，婆婆住附近，必要時可幫忙。我會五時後一直陪伴bb, 她睡了後才去完成洗奶樽等家務或改文，長期只睡四小時。周六日家務助理會來清潔。幸好學校離家不遠，我很早便可回家。
明白妳啊，大家加油！

私人傳訊