2013年媽媽會今日: 0|主題: 26100

收藏本版

發帖

返回列表

跳至頁

查看: 366 | 回覆: 2

[7月] 情緒管理問題 [複製鏈接]

sansanku

別墅

積分: 527

1^#

發表於 13-1-16 09:58 |只看該作者 |倒序瀏覽 |打印

本帖最後由 sansanku 於 13-1-16 10:00 編輯

各位靚媽：

我早前新婚，而家有了BB 3個月，不過家中同一位有精神病患嘅99相處 (年紀已過70)，可能生活習慣好唔同，佢本身聽覺都好弱，加上有幻聽，發覺同99相處愈來愈多問題：

1. 本身99喜歡食濃味多油嘅食物，我家就食少油少味嘅食物。我懷孕初期聞到油味好想嘔。見到佢啲好油嘅食物，有好唔想食嘅感覺，寧願出街食都唔想食佢煮嘅食物。
2. 有次見到99將污漕垃圾桶放上廚房「升盤」洗，以我理解，「升盤」應該係洗菜、食物之類。我蝦子餅咁多年都無理佢衛生習慣，結果我將所見嘅同蝦子餅講，由佢同99講，結果係嘈起上0黎。
3. 可能家庭問題，99 後生時要忙於工作，當年無點照顧自己仔女，從我結婚前後觀察，覺得佢啲仔女同佢關係好疏離，一星期都無電話溝通。上來家中食飯更加一年得3次。我覺得佢啲仔女從來無點關心佢。主要溝通就透過我同蝦子餅。
4. 99 後生時懷孕，從來無戒口。佢在我懷孕嘅頭3個月，曾經煮過綠豆、芝士腸、梅菜等食物。有時會問我飲唔飲咖啡。有時會覺得無奈，心諗：「你有無大過肚﹖」點解食咁多唔應該係頭3個月食嘅食物。最近煲綠豆湯，我蝦子餅同佢講，問佢唔知大肚婆唔可以飲嗎﹖佢仲話返我蝦子餅，做咩咁八公﹗
5. 有一次，佢無緣無故講，家中室內無線電話好阻礙，就將室內無線電話收埋，最終由蝦子餅問佢，佢講收埋係一格裝雜物嘅抽屜內。
6. 可能99年紀大，手感觸覺比較弱，有次見佢收好衫入屋，我就幫手開始摺，但摸到啲襪仍然濕，我講，啲衫好似未乾，佢就返過來講，今日咁猛太陽 (我即時諗返當日太陽唔笠太猛)，加埋吹北風，咩都乾哂啦。跟住佢就唔睬我。

坦白講，我新婚，我同99生活模式好唔同。加上，有朋友分析，我懷孕，情緒波動都會有。其實有無朋友家中有患精神病嘅長者﹖有時，我會頂唔順，好想執哂啲嘢返自己屋企。我蝦子餅叫我忍下，仲叫我開懷啲，唔好影響BB。但我而家大肚，有時都覺得辛苦。