夫婦情感 今日: 5 | 主題: 42452

積分: 2500

畀面勳章

1^#

發表於 06-8-18 15:45 |只看該作者

好唔開心

其實係一件小事　但差唔多一個星期我都不時會諗住當時既情況
响一個星期日　我老公既家人來我家食飯　慶祝阿B滿月
當時佢家姐(姑拉)　佢幾個阿哥來到先　咁岩我地要同阿B沖涼　個印妹去咗買餸　老公同阿B沖涼　咁我就招呼住佢地幾個(都幾熟　感情OK）　到阿B沖完涼　佢早咗肚餓　咁我咪立刻沖奶俾佢　姑拉問我咩唔係餵人奶咩? 我就話我要隔一餐先食到阿B飽　佢個表情就有啲怪怪地　我無為意(其實有少少介意佢個表情　因佢唔止一次叫我食多啲野　唔好諗住減肥　唔食野　會無奶　我諗佢又會咁諗我)　但响我開奶個時　阿B己經喊到好勁　姑拉响度”暗”佢唔好喊　我老公善後阿B沖完涼既野　跟住我就有說話聽　'" 好啦　好啦　唔好喊啦　係呀　好陰功　無奶食　沖咁耐　餓死人啦　阿媽都無鬼用　沖支奶都沖咁耐　好心唔好沖咁熱啦　熱死人咩　又要等　係啦　個阿媽都無鬼用”　我就响佢不停咁重覆上述句子過程中沖奶同凍返啲奶　我一粒聲都無出　重要扮無野　全場人靜晒　　我老公就拍拍我背脊示意我冷靜　我都估唔到　我平時同姑拉都有計傾　我估唔到佢會响全場人面前用啲半責備半開玩笑既語氣講出上述句子　我依家打呢啲字出來　我都想喊　當時我好想喊　佢一路講　我一路做　一路諗每次夜晚起身湊阿B　都係我　同個妹　　有咩野情願我”暗”　阿B　多過個妹湊　(阿B重細　我唔放心) 佢細佬?　一早瞓咗　無埋到　我唔係怨我老公夜晚唔湊　我鍚我老公　唔想佢日頭照顧我咁辛苦　夜晚都無得瞓　佢肯定唔知呢樣野　因為我老公唔會同佢講　講咗會俾佢話　不過語氣同對我講既梗係差天共地囉　但係唔可以因為你鍚阿B而咁輕易話我無用　　佢都唔知我都有份湊阿B而辛苦　　　　佢只知道到而家我都未同阿B沖過涼（阿B而家一個半月　）　得我老公做　就問過我係咪有個大肚腩頂住沖唔到　佢係好鍚佢細佬
其實係我老公叫我唔好沖　費事要我彎腰用力　
事後我老公同我講佢姐係過份咗　始終無出來做野既師奶係咁ga la　我其實好想呻多好多句　但我只係講咗句"無野講　唔知點講" 因為佢好鍚佢家姐　佢試過誤會我要同佢家姐Share 一份餐　而話我做咩唔自己叫野食　其實係佢家姐點都要分啲俾我　我明白佢爸媽過咗身　雖然佢家姐唔係最大　但一家事都由佢統籌　都好辛苦　老公鍚佢唔奇　但我知就算係佢家姐過咗火位　我係俾人蝦嗰個　我係咁呻　佢一定唔鍾意　
雖然件事過咗差唔多十日　但我唔知點解　都不能釋懷　每逢阿B喊到唔收　又或者沖奶時　我不期然就諗起佢責備既語氣　　唔開心　我都唔想諗　但可能好委屈　所以好介意
我之後有同我老公提起　當時姑拉咁講全場靜晒　佢就話佢覺得佢家姐　有一半既語氣係認真　("咁即係點　你認同佢?" 不過呢句野我無問) 我好氣頂呀

　平時得我同佢時又唔係話我　到咁多人面前時就抱住阿B咁講我　尤其呢幾日
阿B唔舒服　夜晚點暗都係喊得好勁　我抱住佢　自己响個廳度暗到兩點幾　佢先瞓到　我真係喊咗出來　可能係我蠢　又第一胎　唔學得佢生咗三個　好有經驗　但係唔可以鬧我無用　但因為咁　我對我阿媽好咗　真係唔係奉旨對你好ga 重有呀　佢當正個B係佢地既人咁　係我生ga 　
改名又响我同我家姐面又話呢個唔好　不如嗰個名　當女家家人無到　又唔會問吓人地有咩意見　一啲都唔尊重人　之後加多句話我地自己圍內講吓咋　咁就算　最後又唔係用佢地提意既名
不過我阿爸阿媽都話無意見　重咩都話好好好　順晒我意　
一切都係睇我老公份上咋　好嬲呀

私人傳訊

積分: 2500

畀面勳章

2^#

發表於 06-8-18 15:48 |只看該作者

Re: 好唔開心

打晒出來　舒服咗　同個死佬講　盞佢唔鍾意　唗氣
我好嬲呀　嬲死人啦　

私人傳訊

積分: 2500

畀面勳章

3^#

發表於 06-8-18 15:53 |只看該作者

Re: 好唔開心

衰佬　　我要出街買晒佢啲錢

私人傳訊

babyhowie

水晶宮

積分: 65673

HiPP勳章(2) HiPP勳章(1) 2018復活節勳章育兒性格勳章好媽媽勳章畀面勳章 BK Milk勳章

4^#

發表於 06-8-18 15:53 |只看該作者

Re: 好唔開心

你岩岩坐完月，唔好咁勞氣啦！
你知嘛，你唔開心，係唔開心自己架喳，
人地冇影響架！咁又何必呢？

如果你介懷人地講

私人傳訊

riceball88

積分: 212

5^#

發表於 06-8-18 16:04 |只看該作者

Re: 好唔開心

算啦！把口生0係佢度，咪有得佢羅！你湊到阿B肥肥白白之後，你咪可以暗串返佢，話"BB呀，你真係好鬼抵錫，媽咪沖奶沖得咁慢，你咁都肥肥白白"

睇下佢有咩反應！

私人傳訊

sylviawong

男爵府

積分: 5339

6^#

發表於 06-8-18 16:30 |只看該作者

Re: 好唔開心

車.....駛鬼理佢呀!又唔駛同佢住,不過如果係我,我實黑面同叫個C6沖返凍支奶,我即刻抱B入房,跟住係房餵,等佢知道佢講野激親我! :tongue: 睇佢下次講野之前用佢個死人腦諗下先

私人傳訊

積分: 2500

畀面勳章

7^#

發表於 06-8-18 16:30 |只看該作者

Re: 好唔開心

打完之後開心返
見到有人回應同我打氣　重開心
多謝晒呀各位

　我一定養到佢肥肥白白

私人傳訊

bp1996

積分: 400

8^#

發表於 06-8-18 16:51 |只看該作者

Re: 好唔開心

努力..當下最重要係ah B...唔好理其他嘢...

私人傳訊

JINGJINGMAK

積分: 1084

9^#

發表於 06-8-18 17:14 |只看該作者

Re: 好唔開心

BingBB 寫道:
打完之後開心返
見到有人回應同我打氣　重開心
多謝晒呀各位

　我一定養到佢肥肥白白

舒服晒咪好o羅, 聽見你話要隔一餐至夠亞 b 食 ....

其實唔使o家, 如果你真係想多 d 奶就要餐餐都俾佢埋身食, 唔夠再補奶粉, 只要 bb 吸得多就自然多奶o家啦

私人傳訊

peterpeter

別墅

積分: 591

10^#

發表於 06-8-18 17:51 |只看該作者

Re: 好唔開心

我諗你姑奶已經俾人提點佢唔再亂講, 不過再遇這些情況, 你可以同阿B講:媽咪係冇用架!但媽咪真係好愛你架!不過如果你想的話, 可以認姑媽做你阿媽。""咦,你仲喊?係咪唔鍾意姑媽呀?"

私人傳訊

parker

別墅

積分: 551

11^#

發表於 06-8-18 22:07 |只看該作者

Re: 好唔開心

佢再咁講, 你咪話: 仔呀, 媽咪真係冇用架, 有用一早就嫁個老公屋企幾個工人, 唔使老婆落手落腳啦仲要俾人話啦.

一石二鳥.

私人傳訊

bb-chu

積分: 112

12^#

發表於 06-8-18 22:41 |只看該作者

Re: 好唔開心

parker 寫道:
佢再咁講, 你咪話: 仔呀, 媽咪真係冇用架, 有用一早就嫁個老公屋企幾個工人, 唔使老婆落手落腳啦仲要俾人話啦.

一石二鳥.

妙!!

口生晌人地度, 好多時身邊d人講咩都耳邊風好喇, 唔理得咁多. 最緊要見到自己個bb開心健康, 湊bb唔係淨講數量既,質量更重要. 你俾心機湊, 湊大左, 你個bb好過&乖過佢個d仔女, 自然高低立見.
唔好灰心呀! :-P

私人傳訊

HoB

積分: 185

13^#

發表於 06-8-18 22:46 |只看該作者

Re: 好唔開心

你生完bb無耐, 唔好咁勞氣傷身呀. 姑奶咋麻, 唔o岩聽的話直頭當聽唔到, 唔駛理佢, 如果你介意的話, 老實講, 有排你嬲呀, 你諗下亞b一路長大, 你個姑奶一定有其他說話比你聽, 可以話bb肥廋, 學野進度, 性格脾氣......, 有咩野都係會話個亞媽做得唔好, 所以邊嬲得咁多, 如果唔開心的話咪上黎傾下囉. 至於你老公, 佢唔幫你就算啦, d男人通常都係咁架.

私人傳訊

火星人

積分: 356

14^#

發表於 06-8-19 02:42 |只看該作者

Re: 好唔開心

我估你嬲到宜家係因為你唔可以即時"發脾四"!仲要c忍爛忍佢啫!如果你可以即時發洩左出黎未必會嬲咁耐!況且剛生完bb無幾耐,情緒係會低落d架嘞!
唔好理d無謂人......最緊要你同bb開心健康.....

加油

私人傳訊

小香香

禁止訪問

積分: 12931

15^#

發表於 06-8-19 02:53 |只看該作者

Re: 好唔開心

提示: 作者被禁止或刪除內容自動屏蔽

私人傳訊

Sharon_1304

男爵府

積分: 7428

16^#

發表於 06-8-19 11:00 |只看該作者

Re: 好唔開心

我都試過呀, 有次我bb喊, 我老公抱住佢(乙水)佢, 點知我奶奶走入我地房同bb講 : 哦, 呀b, 媽咪唔抱你牙, 媽咪唔要你啦! 我當時真係好唔開心, o個時係我老公話要佢抱的, 不過好在我老公都即時同奶奶講係佢自己要抱, 唔係我唔抱囉!
之後奶奶都無再講!
梗係啦, 因之前奶奶成日都o係bb面前話我唔識抱, 又話我唔識餵奶 (奶粉), 有次真係頂唔住o係我老公面前喊囉! o個時仲座梗月呀!

私人傳訊

積分: 2500

畀面勳章

17^#

發表於 06-8-19 14:22 |只看該作者

Re: 好唔開心

多謝晒留言既BK媽咪
我諗住都係呢次唔開心啫　點知今日我老公打俾佢家姐(我姑拉) 問開奶茶既野　跟住佢話佢禽日下午打來屋企　個妹聽電話　知道我地兩公婆出咗街　留低BB 同個妹　又唔知响個電話度講咗咩　我老公只係笑囉　然後我老公話係出去買同BB夾鼻垢既夾　跟住佢又話我個B矜貴　要用專用夾........　呢啲係由我聽住老公既電話對答度得知　我又諗起當日情況　大姐呀~!　你又話個B唔餓得　咁梗係矜貴啦
　咁佢係有實際需要呀嘛　我地試過用吸鼻器吸　但BB個鼻垢好大塊　又硬咗　根本吸唔到　响我同事口中先知有呢樣野　咁咪買囉　　我對佢好又話矜貴　自己响度個時又話我照顧得唔好　　我係好唔鍾意聽呢啲所謂講笑既說話（有單打成份　但笑嘻嘻咁講)　我對我阿媽既不滿就因為呢樣野　禽日我阿媽打俾我　我老公好奇怪點解我可以唔發火　(因為次次我阿媽都會因為講呢啲野而激嬲我不過我阿媽唔只係講我笑　重講其他人　如我老公及其家人)　我同佢講　因為你家姐　我忍到佢　點解忍唔到我阿媽　跟住佢哈哈咁笑咗佢
今日個電話之後　我就向我老公講咗我既不滿　佢响度安撫我　叫我唔好嬲　不過佢有啲唔高興囉　

好彩可以post上來發洩吓　你地個個都好好人呀　好在有你地安慰返　重可以吸收吓你地既經驗　不過我知道自己都要堅強啲　話晒做咗人阿媽　自己唔硬淨啲　點保護BB　同BB出頭 :evil: :evil:

私人傳訊