吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 學懂放手，活得比你好！

夫婦情感今日: 3|主題: 42455

收藏本版

發帖

返回列表

跳至頁

查看: 5955 | 回覆: 86

學懂放手，活得比你好！ [複製鏈接]

12 3 4 5

adrian媽咪

大宅

積分: 1380

1^#

發表於 13-5-3 01:27 |只看該作者 |倒序瀏覽 |打印

因為個女已經上中學，所以都有六七年冇上BK，直至近來先上番，睇到好多各式各樣既夫妻問題，好心up，但係同時亦好感恩，因為我學懂放手，而家有一個超級好老公，超幸福家庭。以前既我同好多而家仲默默忍受緊既女性一樣，放唔低，唔願放手，心懷恨意，過著非人生活，其實，呢個世界好大，仲有好多幸福等住我地去爭取，祝願所有痛苦中的女性，同我一樣先苦後甜

而家個老公真係好好，我曾經真係唔再相信呢個世界仲會有好男人，原來真係未死哂。嚮再婚之前，我係一個好硬淨，好獨立既女人，自己揍大兩個女，事業收入都好唔錯，現任老公拍拖既時候都講過好欣賞我呢種性格。但再婚之後，唔知點解突然咩都出問題，身體差得好緊要，公司裁員，無啦啦有個情緒病，等等等等一大堆不如意，當時成個人變哂，脾氣又差，原因最後發現，我自己一個人捱左咁多年，以為自己可以揹起半邊天，工作上搏哂命向上爬，原來我一直收埋收埋好多壓力自己唔知，直至再婚既時候，突然覺得有依靠，當比自己鬆一口氣既時候，以前既壓抑反而即時爆煲，嚴重情緒病。待續。。。

0 1 0

私人傳訊

tracy1111chan

禁止訪問

積分: 2001

2^#

發表於 13-5-3 01:45 |只看該作者

引用：因為個女已經上中學，所以都有六七年冇上BK

提示: 作者被禁止或刪除內容自動屏蔽

私人傳訊

Happy_Yeungbb

禁止訪問

積分: 2851

3^#

發表於 13-5-3 01:48 |只看該作者

回覆：adrian媽咪的帖子

提示: 作者被禁止或刪除內容自動屏蔽

私人傳訊

adrian媽咪

大宅

積分: 1380

4^#

發表於 13-5-3 01:57 |只看該作者

回覆：學懂放手，活得比你好！

情緒病既日子，老公推哂所有Job, 日日嚮屋企照顧我，煮飯洗衫，揍女教功課，全部一手包辦，就係咁，兩公婆就過左一年零收入，食積蓄既日子

呢一年，一家人所有時間都一起相處，培養左好深既家庭感情，特別係個女，而家錫我老公多過錫我

就係因為呢一年既經歷，改變左我同老公既人生態度。結婚前，我同老公都係專業人仕，事業大過天，搵錢保住優質中產生活係首要任務。不過一年過去了，我地明白到人生其實可以好短，珍惜同你愛既人相處既時間先係最重要，所以我地決定賣大屋，租細屋，搵少D，洗少D，一年先做一兩個Job。家陣連過慣中產生活，有嚴重公主病既女兒，性格同情緒都好過以前好多，愛原來真係好重要，幸福家庭同幸福婚姻都係要苦心經營，冇野係必然，就算我同我老公，每日都仲係會同對方起碼講十次唔該，多謝，愛你。