自由講場今日: 222|主題: 1303927

收藏本版

發帖

返回列表

跳至頁

查看: 327 | 回覆: 1

母親節後...個人感想 [複製鏈接]

gthhh

大宅

積分: 2412

1^#

發表於 13-5-13 01:23 |只看該作者 |倒序瀏覽 |打印

媽媽今年已經八十多歲，身體壯健，走得食得，只係欠缺記憶，亦確實患上中期既老人痴呆，所以我地幾兄弟姊妹每星期都會去探望媽媽，並請菲傭去照顧佢每天起居飲食。媽媽自患上這個病後，我地視每天都係母親節，希望媽媽仍然記得我地幾個囝囡。

我負責逢星期日下午照顧媽媽，同佢冲涼和煮晚餐，今天同佢一起去街市買餸。沿途見到多位老人家彎腰駝背地去執拾紙皮變賣，我同媽媽講佢地好慘呀！買完餸後我拖着媽媽既手準備離開街市時，見到有位彎腰婆婆坐係垃圾堆附近食緊盒飯，佢腳下仲有好多紙皮，我真係好難過！唔得啦，我叫媽媽等一等，我怱忙走埋去婆婆身邊遞上廿蚊，同佢講「小小心意，母親快樂」，跟住我又拖回媽媽既手回家去！

各位，或許大家襯今天母親節好開心請媽媽or奶奶食飯，食完後又回復要照顧自己既屋企和細路，唔得閒留意身邊既野，其實老人家係需要我地家人平時多關心，而非only每年一日既母親節。珍惜現有，好過失去時去追憶。我好想好想我媽媽回復以前既記憶，但無可能呀！那唯有珍惜現在同媽媽相處既時間，免得連最後回饋既機會都冇埋。