千萬不要幫襯東門賣DVD既流動小販 !!!! (轉貼)
上個禮拜日, 風和日麗諗住同 boyfriend上深圳玩下啦, 第一站係東門, 先去買DVD, 行左幾間都揾唔倒想買果d….正當頭岳岳既時侯, 眼前唔知邊度就飄左個”村姑” 既物體出泥, 問我地買唔買DVD, 佢有好多新野咁話….頂佢個肺, 我地又信喎!!
呀”村姑”引領我地去左一條橫街 (果條橫街街頭係賣魚旦, 酸辣粉果d, 旁邊仲有間 hair salon), 然後唔知係邊度已經走出另一個村姑出泥, 手執兩大本 catalogue 俾我地摷…..摷呀摷.. 卒之搵晒我地要既野… 跟住呀村姑B去攞碟, 村姑A就同我地等.
大概5分鐘, 村姑B返來咧…total 60蚊. 戲肉開始. 我地從銀包好小心拎出一張由香港銀行兌出既100蚊人仔直板銀紙俾佢, 呀村姑A用佢隻上帝之手甩一甩就話咧 : 有冇第張? 你張太直, 我怕係假!! 然後當住我面還番果張佢口中太直既銀紙俾我地 (整個過程我地4人係面對面) 好, 我又拎第2張出泥, 如是者佢又係話: 仲有冇第張? 好新淨喎, 有d假喎....跟住佢又係即時回番張人仔俾我….同一時侯, 呀村姑B就好熱心咁指住我銀包d 100紙話不如試下呢張 (我當時已經被憤怒充昏了頭腦 !!!! 心諗咁大間銀行都有假野? 唔 係丫麻 !!! ) 如是者, 我逐張逐張100人仔俾佢地甩, 甩完佢地又逐張逐張俾番我.. 我重申 : 整個過程我地係面對面既 !! 就係咁我成副人仔身家 (共4張100蚊紙) 都俾佢對上帝之手甩過, 佢宣佈我果4張都係假既 !!!!!!!!!! 天呀! 有乜可能呀???? 香港銀行都有假野???? 定係我俾公司個唱錢部呀姐托水籠???!!!! 我地係驚惶既情形下就俾左d港紙佢就閃, 因為實在太糥…
我地唔排除果兩對上帝之手會有機件故障既時候 , 所以我地又決定再拎手頭上果4張所謂假鈔去俾人甩下…..今次我地o係間boutique睇中左一件衫仔. 個sales 姐姐係個學生妹樣, 佢今次甩都唔甩就話俾我地聽係假既, 我地話冇可能喎, 我地o係香港銀行兌換個喎.. sales 姐姐見我地一瞼茫然就靜靜雞問我地:你地頭先係咪買過碟離? 我地話係 !! 跟住佢好鬼鼠咁話 : 你地d錢俾人換左咧 !!!! SHIT 果一刻我先如夢初醒!! 原來我d人仔已經俾呀村姑既魔術手換晒!!!! 我地當然即刻去街揾D村姑理論啦, 不過我地又點會搵到呢….
返到香港我用YAHOO SEARCH 果然有其他人上過村姑既DVD當, 手法同地點都係一樣. 我在此呼籲大家千祈唔好幫襯東門賣DVD既流動小販 (村姑LOOK), 除非你地想睇佢地表演如何在一呎距離下FACE TO FACE換假銀紙!! 不過大家都要小心, 因為有其他網友話當佢地表演魔術既時候, 側邊會有D路人A,B,C,E,D,E,F,G 喎.
請將此 MESSAGE SEND 俾你D朋友啦 !!
日日唔知忙d乜~
唔開心就唔好諗~
別在最失望時 想最壞的事(新鴻基郭炳江講o架)
世事無窮做到老時學到老
人生有幾得寬懷處且寬懷
發表於 
咪.......咪.......咪.......
返回列表
