|
但是，要等只豬燒響甘既爐火果度燒熟，原來是一件幾困難幾花時間既事，為佐留肚果份餐都未燒曬我地已經食唔落了，而只燒豬好似仲有排都未得。最終經驗話我地知，只豬最好自己玩半個鐘左右好拉，然后就叫職員幫手燒，佢地既爐火同技術會令D時間巖巖好，仲會保持到乳豬既香脆和味道唔失真。
即燒即食既乳豬，真系難以形容甘正，新斗九都行埋一邊。豬皮卜卜脆，好似薯片甘，肉質好滑帶甘甜。我平時食野偏向原汁原味，比較少點汁醬，呢度燒豬有配汁醬，點同唔點，各有風味，都一樣甘好食，真是到宜家都仍然回味。超級開心，正一胃食貓典范，有好野食就開心到爆，成晚一邊食一邊狂飲水猛去洗水間，因為大肚婆本來就內熱既，要盡少食熱氣野，咪先會影響BB體質，所以要盡量飲多D水排得幾多毒就排幾多，返到屋企即時拍返只水晶梨。
阿B應該似我啦，都是胃食貓一只，佢成晚都好乖，沒令到我有唔舒服仲好精神添，間中旭旭貢可能是太好味啦，第一次食燒野食
呢個白石燒烤場既燒乳豬同環境都真系值得推薦，里面仲個跳彈床會幾巖小朋友玩，仲有獨立屋區域，如果人多又想一邊打牌一邊食一邊嘆冷氣，因該是個唔錯既選擇，但要人多先抵玩。至于D普通套餐，就真系好普通，叫佐干凈甘咯，全部是急凍獨立包裝，但味道就。。。唔好要求甘多啦，呵呵。如果自帶食物要比HKD500蚊喔！
自己揸車去既朋友，記得去柜臺CUP印仔，有兩個鐘免費泊車； 門口見到有人排隊等車，原來有穿梭巴士既喔，叔仔話響沙田中心果邊喔，最好是打電話去問真D啦：2744 8188。
我就食得好滿足，好開心啦，前兩日低落既情緒都趕走曬，一家人開開心心，周圍玩下，試下，食下，就是開心秒丹！（其它相放佐響相冊）
