自由講場

收藏本版
發帖
返回列表
跳至頁

首頁
1

尾頁
   43
KTKTKT5


珍珠宮

積分: 36776


1#
發表於 22-6-7 22:16 |顯示全部帖子

回覆樓主:

加油！其實只係你無遇到好嘅師傅

我當年重考轉左出名勁嘅譚力幹師傅（巳退休）， 我想分享師傅教嘅考車術比你

（1）開車起步前， 一定望鏡同埋大幅度拎頭望埋左右兩邊窗， 望清楚附近無人先扭鈦駛出（望齊前後左右，望所有鏡加超大幅度拎頭做比考官睇，你係有留意車四邊無人先扭鈦開車駛出）

（2）燈位或前面交通不順或要減速轉彎，要慢踩brake 之前都要經常留意中鏡，因為每次減速踩brake 前都要看看後面的車有冇太貼，如果後車跟車太貼，你突然減慢，後車未必反應得切，如果反應唔切，後車會撞上來。所以在每次減速前必須先睇中鏡

（續）
私人傳訊

KTKTKT5


珍珠宮

積分: 36776


2#
發表於 22-6-7 22:40 |顯示全部帖子
KTKTKT5 發表於 22-6-7 22:16
加油！其實只係你無遇到好嘅師傅

我當年重考轉左出名勁嘅譚力幹師傅（巳退休）， 我想分享師傅 ...

（續）

確定你減速前，後車同你係有足夠距離，讓後面司機有足夠時間同空間去反應你的減速踩brake, 你明顯地睇中鏡等考官知你每次brake 前都有留意交通情況，唔係突然brake 有機會令後車反應唔切撞上來。（當然除了減速前都要經常望鏡）

（3）cut 線

如果前面有死車，一定要距離好遠就要打燈cut線，否則一比考官介定太接近物體就大鑊，印象中至少要同死車距離三個車位或以上已經要cut線，千祈唔好得反同死車只剩下一兩個車位嘅距離先抽頭cut線，否則介定為太接近物體。當然你一見到前面有死車已經要準備好明顯望鏡打燈，例如最左線有死車，你準備cut線前明顯睇過三塊鏡

（續）
私人傳訊

KTKTKT5


珍珠宮

積分: 36776


3#
發表於 22-6-7 23:12 |顯示全部帖子
KTKTKT5 發表於 22-6-7 22:40
（續）

確定你減速前，後車同你係有足夠距離，讓後面司機有足夠時間同空間去反應你的減速踩brake, 你明顯 ...

本帖最後由 KTKTKT5 於 22-6-7 23:12 編輯

（續）

（特別係右鏡同中鏡（穩陣d左鏡都睇埋））因為左面有死車，所以要準備要過右線，準備打燈前先要睇後車距離， 後車距離太近，（你突然想打右燈cut線唔得㗎嘛）， 大幅度望齊三幅鏡，見到後車同你有遠距離，再睇中鏡同右鏡，大幅度睇右窗就打右燈，打右燈後唔好馬上即刻望鏡拎頭就cut), 打右燈後，等打右燈聲响返十下八下，等後面車知道你打右燈準備向右cut線，再望三幅鏡（特別係中鏡同右鏡）中鏡係睇後車距離， 後車要同你架車好遠距離才可以減低車速過右線，所以要睇中鏡先確定後車距離，就大幅度睇右鏡，再超明顯拎頭睇右窗，後車同右線的車都距離超遠就馬上cut

續
私人傳訊

KTKTKT5


珍珠宮

積分: 36776


4#
發表於 22-6-7 23:45 |顯示全部帖子
KTKTKT5 發表於 22-6-7 23:12
本帖最後由 KTKTKT5 於 22-6-7 23:12 編輯

（續）

續

總之cut右線前一刻一定係要明顯睇鏡加超明顯拎頭睇右窗（要睇到後面冇車就要即刻cut右線）

譚師傅話cut 線最容易fail嘅時候唔係cut出而係cut入，例如左邊有死車，cut右線唔係最難，最難係過左死車之後由右線cut返左線先係最易比考官肥，因為師父話最多學生錯在拎頭望返左窗嘅時間。因為係過死車嘅時候已經打左燈，準備cut返左面，當過左死車之後，要由右線cut返左線，同死車平排嘅時候，當你架車已經過左死車，你必須向左面窗拎頭拎到確認必須睇到死車車頭係冇準備郁動開車嘅跡象，先可以同死車保持距離咁cut左面（之前巳經係打左燈， 望鏡拎頭先cut）要過左架死車車頭先拎頭

續

續

私人傳訊

KTKTKT5


珍珠宮

積分: 36776


5#
發表於 22-6-8 00:03 |顯示全部帖子
KTKTKT5 發表於 22-6-7 23:45
續

總之cut右線前一刻一定係要明顯睇鏡加超明顯拎頭睇右窗（要睇到後面冇車就要即刻cut右線）

本帖最後由 KTKTKT5 於 22-6-8 00:05 編輯

續

師傅話好多學生係唔清楚cut返左線前的最後向左窗拎頭係要確認死車的司機有冇開車跡象，因為如果死車嘅司機開車，而你拎頭cut線前唔係確認死車司機冇開車，架死車開車就會撞埋嚟，所以呢次嘅望鏡同向左拎頭嘅時間同方向先最容易出錯。總之cut返入左線，因為又要同死車保持距離，以免太接近物體，又要確認左線的前車同你有距離，仲要過左死車車頭後才拎頭（因為如果你的車未過死車的車頭已經拎頭，這拎頭動作完全錯誤，因為未過死車車頭已經拎頭根本無法看到死車上的司機是否準備開車），所以必須過左死車的車頭，你要超大幅度要拎頭拎到見到死車車頭沒開車跡象才cut左線

續
私人傳訊

KTKTKT5


珍珠宮

積分: 36776


6#
發表於 22-6-8 00:26 |顯示全部帖子
KTKTKT5 發表於 22-6-8 00:03
本帖最後由 KTKTKT5 於 22-6-8 00:05 編輯

續

除左拎到睇到死車司機位外，仲要同死車保持距離才cut (cut前望鏡拎頭）（我當年cut回左線前係拎頭由左窗望到車尾隻窗， 因為當你過左架死車車頭，死車車頭已經唔係左窗隔離（因為你架車已經前過架死車車頭），所以為左望到死車車頭確認佢唔係左線行緊，係由左窗拎頭拎到尾窗睇到死車車頭無郁先cut線

總之記得睇三幅鏡， 明顯拎頭， 係拎頭幅度係拎到你真係睇清楚你要睇到嗰架車為止

左線準備cut右， 向右拎頭到你睇到後面架車同右線本身無車衝緊上嚟為止。cut返左線就係過左死車，見到死車車頭無準備開車為止，同死車同前車都要保持距離

起步前要睇清前後左右有冇路人同車衝上來
私人傳訊

KTKTKT5


珍珠宮

積分: 36776


7#
發表於 22-6-8 00:51 |顯示全部帖子
rainbow2016 發表於 22-6-8 00:16
回覆 KTKTKT5 的帖子

你好詳細寫比我，我多謝先，等陣慢慢睇。你真系好有心得！ ...

祝你成功

我第一次遇到呃飯食師傅（考葵涌，勁師傅好少願意教，因為何文田兩個場都已經收夠學生，勁師傅唔會肯兩頭走），之後重考抽到何文田，立即搵出名勁嘅譚力幹師傅教（巳退休）， 因為第一次已經跟左呃飯食師傅60個鐘，轉譚師傅後，師傅話我好多都學壞左手勢，例如第一個師傅無教我減速前要睇中鏡，譚師傅話唔係我見到前面減速我就可以立即踩brake, 佢話我都要睇埋中鏡睇吓後面架車近唔近，唔係我想踩brake就brake, 要顧吓後面dup唔dup得切。cut返入左線個呃飯食師傅又無教幾時拎頭同點睇，遇上譚師傅先重新教，之前學壞手勢cf話有d難教

所以我明係師傅問題
私人傳訊

KTKTKT5


珍珠宮

積分: 36776


8#
發表於 22-6-8 01:12 |顯示全部帖子
qfa 發表於 22-6-7 23:58
你都喺算把，就算比你考到，出街都係大鑊，我曾經識一位朋友考過4次先OK，佢一考到就買二手車叫我去遊車河 ...

本帖最後由 KTKTKT5 於 22-6-8 01:19 編輯

一睇你咁講就知你未考過車，我第一次係考葵盛，因為勁嘅師傅係何文田兩個考場收夠學生，唔會再兩邊走（旺角上何文田/九龍塘上何文田）唔會收抽中葵盛嘅學生，所以伏師傅係非常多

好多係一路send住whatsapp咁，又同fd傾計，睇馬經嘅都有。再加上唔係好多人係真係識教，所以就算搵好師傅都未必有期比你，因為大把人爭住搵。如果唔係咁多揸流攤嘅呃飯食師傅，都唔會造成想跟好師傅，好師傅都無期收新學生。

唔洗答我話你自己都學過考過。有學過有考過都唔會用你個曾經朋友嘅經驗做例子

除非係比考官踩brake之外，你根本唔會知考官standard，fail左太接近物體，佢唔會講點先叫太接近

續
私人傳訊

KTKTKT5


珍珠宮

積分: 36776


9#
發表於 22-6-8 01:52 |顯示全部帖子
qfa 發表於 22-6-7 23:58
你都喺算把，就算比你考到，出街都係大鑊，我曾經識一位朋友考過4次先OK，佢一考到就買二手車叫我去遊車河 ...

續

你係唔會知考官standard，教左好耐好有經驗嘅師傅，考官一出嚟，師傅已經知自己學生遇到殺人王考官定好人考官。

考車就好似考琴咁，你考完有張評分，考車就有一格格評語比考官tick, 但除非大錯，否則你未必知考官覺得你邊個位做得唔夠好。正如考琴出樂曲評語話節奏唔平均（有時彈得快左有時彈慢左，佢可能只係有形容係開頭/第二段，佢未唔會指明係邊一句做得唔好）同一次考琴可能呢個考官比138分，如果換另一個考官可能係140分

你得到只係評語， 太接近物體， 沒有顧及其它道路使用者，位置不正確，你未必知考官講邊度，下次巳經係另一個考官

唔係MC派卷，有答案解釋，下次改善
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見