自由講場今日: 129|主題: 1304936

收藏本版

發帖

返回列表

跳至頁

查看: 13037 | 回覆: 2

有冇人中左基督教聖約堅樂第二小學 [複製鏈接]

lamwailunb

民房

積分: 25

1^#

發表於 17-6-7 21:05 |顯示全部帖子

我阿仔都中左，琴日上午已經去了註冊咯。

我想講既系，3號派位當日攞到入學証個一刻，我頭都暈埋。。因為從未聽講過呢間學校，問人無人知，上網無資料，心想：死得。。今次大檸樂啦，都唔知乜鬼學校！所以攞左入學証之後就即刻飛車到處去攞左8-9間學校扣門表，翻屋企準備好所有資料。期間我唔心息，一直上網搵堅樂第二的資料，又多得朋友們幫忙比D資料我看看，我了解過後，慢慢我覺得距地的教學理念其實同我心中的理想學校差不多系一致的，因為我一直都認為，小朋友唔應該谷得太過緊要，成長學習過程應該系開心快樂既，唔系為左攞高分，我亦唔追求呢樣野，我唔想個仔成為高分低能一類，寧願距輕輕鬆鬆，快樂開心甘學習，成長，早一點學會點樣跟人融洽相處，早一點學會自己思考問題，處理問題，解決問題，跟人分享等等，從快樂中學習，令距自己能夠培養出自發學習的態度和性格，這些我個人覺得才是最重要的，比起一味的去追求分數，死讀書，要來的更加重要，因為是影響他一生的。

講件事比大家知，其實，今次派位，堅樂第二我系無填過的，即係話，30個志願都唔中，系咪比六合彩重難中呢？簡直系聞所未聞。。。所以話電腦派位真系靠唔住，不過就當系天意啦，可能呢間先系最適合仔仔既，因為自己子女自己最清楚，雖然知道個仔系好聰明，但都知道距唔會系一個肯座定定成日去學習既人，而系要活動中學習先適合距：）

私人傳訊

lamwailunb