Baby Kingdom - 親子王國 香港 討論區 › 首頁 › 自由講場› 移民回流

自由講場

收藏本版
發帖
返回列表
跳至頁

首頁
1

尾頁
   36
rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


1#
發表於 15-12-13 16:25 |顯示全部帖子
新鮮師奶 發表於 15-12-12 20:49
我覺得係因為香港近三十年物資太富裕，加上中國人思想「民以食為天」導致極為注重飲飲食食。加上傳媒影響同 ...
講真，中國人所謂有營養午餐又係咩？飯、肉、炒麵？我見仔女同學去旅行帶飯時都係炒麵、炒飯、壽司、糯米雞、糉，有D誇到帶湯丸、湯麵，但小朋友去到出面食，時間唔係多，又要筷子又要匙羹，好多時都係坐地下食，我就多數俾三文治佢地帶，平時喺學校飯堂，好多學生係食飯堂嘢，我仔女唔肯，話超難食，於是我同老公日日幫佢地整，真係好難朝朝起身整，大部份時間係整定放入雪櫃，第二日起身翻熱放入thermos，或者直情係凍食，炒麵、炒飯、三文治、pizza、taco卷、韓式紫菜卷、焗芝士通粉等等中西都有，通常都係問過仔女想食D咩，整完俾佢地試過味先，佢地話OK至帶，好過佢地唔食倒。

我成日跟去旅行，好多小朋友食唔晒又驚俾父母鬧，於是半個飯壺嘅飯餸倒咗，又見過其他小朋友幫手食，我話食唔晒拎番屋企話俾媽咪知，下次唔帶咁多啦，小朋友話唔得架，媽咪會鬧，後來我見到佢媽咪就話俾佢知，媽咪話一直以為個女食得晒，點知唔係，咁下次就唔鬧佢啦。又有個媽咪成日整不同嘢俾個女，佢好好心機一早起身整不同嘢，但佢個女係好挑食又食好少，次次兩三啖就唔食，但佢會食我女個飯盒嘅嘢，我估分別係我整俾個女嘅係個女會食嘅鍾意食嘅，我女有時叫我整多D，話有同學問佢攞可以分D俾人，但我驚學生有食物敏感，叫我女唔好隨便分享。

我仔女兒科醫生話唔駛太緊張，只要小朋友肯食瓜菜雞蛋牛奶，唔食太多肉都冇問題，另外就係唔可以太多澱粉質，小朋友痴肥情況嚴重，我見過一個小二女學生已經有98磅，俾醫生叫佢媽幫個女減肥，因為食量太多，而且零食過量，與其擔心午餐食得唔好，不如留意小朋友食嘅零食，而且一餐半餐真係唔需要太計較。

而家我自己食午餐都簡單咗好多，有時肚餓或天冷就食碗湯麵，夏天可以一盒蔬菜沙律就一餐，早餐香蕉一隻加杯咖啡，鬼佬一盒沙律或者一個漢堡包就一餐，一樣OK。
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


2#
發表於 15-12-13 16:51 |顯示全部帖子
移民又好回流又好，心態最重要，想要咩事前了解清楚，好多人移民後以住喺香港嘅思想去比較，咁去度度都唔會開心，點解樓下冇711？點解銀行要排咁耐隊？點解巴士咁多分鐘至一班？聽過最攞命係有位人兄上錯車，明明佢要搭一架1號車，但搭咗1BX，因為係快車，中間會skip咗一大段路，落到去downtown至會停站，佢自己冇睇清楚，後來發現唔對路，按鐘落車，司機話要去到downtown至會停，冇辦法中途停車，根本冇站點停。呢個男人情緒激動，好多乘客試圖解釋佢聽，但佢因為唔識英文，不停叫人講中文，冇人識又點同你講，我企喺好遠，只係望到同聽到佢講咩，佢係不停抱怨，話D人唔識講中文有冇搞錯？仲要好勞氣好惡咁望住其他乘客叫人talk Chinese，成車人又真係冇一個老外嘲笑佢，只係試圖安慰呢個男人，我就只聽到佢講：都話唔嚟架啦，呢D鬼地方，D人唔識講中文，咁大個國家冇人識中文，搭架巴士都咁麻煩。。。到站後佢興沖沖走咗去，我原本都想帶佢去搭車，不過佢眼中只見到呢度有幾差，D人有幾衰。

呢個例子好大機會係老人家為仔女移民，自己唔識英文，已過中年，要學都有一定難度，不過最大問題係心態上根本唔想融入當地，見唔到自己見慣嘅就覺得唔好，唔肯放低成見放低以前嘅身段，又點可能見到好嘅地方，有時要阿Q一D去想，既來之則安之，一年半載真係唔夠時間去適應，公平D，最少都要三幾年至可以了解當地人文化/習慣，同埋見識過不同氣候，咁至去講自己是否適合當地生活會有力好多。
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


3#
發表於 15-12-14 05:55 |顯示全部帖子
stkyo 發表於 15-12-13 12:39
你呢個搭巴士既例子令我諗起香港個D新移民，要求香港學校用普通話教學。。。
去到人地地方係想辦法融入，而 ...
我呢度都有，仲要新移民去社區大學學英文係免費，只係冇學分，問題係你去唔去讀，我見過好多都係學學吓唔學，話難話深，自己學極都唔識，又話遠，上堂時間唔好。。。我父母當年嚟都五十過外，都有去讀，學唔到幾多，但都唔會一D得著都冇，融入係好緊要，我呢類成年後移民係好難學到地道語言同文化習慣，即係美國人好迷Super Bowl、baseball同NBA呢D，我係唔係好明點打點計分，本土笑話笑唔出，但我好享受呢度藍天白雲，周圍花草樹木，空氣清新，係就係比香港冷，冇幾多日可以著短袖衫短褲，我一樣可以行街睇戲食嘢，只係型式有D唔同。而家慣咗去任何餐館或商場洗手間都有廁紙供應，返香港反而成日唔記得帶紙巾。

見過有新移民抱怨返工放工freeway塞車，來回返工放工要個幾鐘，其實個幾鐘揸freeway隨時都可以行咗50公里，香港由葵涌去港島唔係住近地鐵站單程距離得十幾公里都要成粒鐘啦，要咁比冇咩好講，心態問題。

親耳聽過有不少人話美國買香港雜誌好貴，十幾蚊本X周刊，我真係從來未買過，有咩而家上網睇唔到？多到睇唔切就真，美國大城市有中文報章雜誌添。TBB或者其他中文電視台甚至韓劇都有得睇，只要裝有線就得，話貴唔捨得又要怨點解冇得睇，都唔知點答佢地好。

我覺得好多人嘅最大問題係工人，呢度真係唔興，有嘅只係好似鐘點咁，你唔得閒帶小朋友返學放學可以請人幫你帶，收番一日十零蚊一個鐘，再唔係放學有課後班，有平有貴，公校嘅絕對唔係負擔唔起，學校有早餐午餐，早餐1.5，午餐3蚊，唔係咩好花巧嘢，但近年已經唔係太難，仲有熱食，每餐有生果同牛奶，只係小朋友鍾唔鍾意食啫。

我有個同事由廣州嚟，佢話以前一直覺得香港人好勁，能屈能伸，最出名獅子山精神，好捱得。。。其實我自己所見所感，呢度好多老外都冇長老幫手，又冇工人，一樣係兩公婆返全職，又係要自己執屋煮飯，佢地唔死得，我地一向出名捱得嘅香港人又點會唔得，馬死落地行，做唔到100分做80分都得嘅，降低要求唔駛逼死自己。

利申：我認我係懶架，而且好感恩有我媽幫手，老公肯分擔好多家務，我地唔有錢，興趣班都係政府資助果隻，人地每星期一堂35蚊，我地去一季10堂100蚊果隻，我估我同老公都算係粗養對仔女啩，只係對佢地食嘅嘢有D要求，唔要化學嘢唔食味精咁。。。我覺比上不足，比下有餘，已經滿足。

點評

蕃茄薯仔湯    發表於 15-12-27 15:04
chamomile    發表於 15-12-16 01:44
cn1019    發表於 15-12-15 07:39
goosema    發表於 15-12-15 06:51
F2008    發表於 15-12-15 03:30
mandelicious428    發表於 15-12-14 06:05
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


4#
發表於 15-12-15 16:47 |顯示全部帖子
kacary 發表於 15-12-15 00:20
我都覺，中國人要講米氣，但外國人只食包同牛奶，急凍野又大大隻隻，病又唔睇醫生，喝水同zz。我好耐先比一 ...
唔係話外國月亮圓D靚D，只係有時係唔係我地自己習慣就係最好最適合？中國人最緊要食飯，但其實食得太多飯太多澱粉質都有問題，陀B時醫生話好多唐人有糖尿病，因為中國人相信陀B一個人食兩個人嘢，食得多至夠營養，但粥粉麵飯過多唔係好事，營養失衝添。病唔係唔睇醫生，只係有D病好似傷風感冒其實係自己身體要產生抗體去對抗，睇完醫生都係退燒藥，去藥房都有得賣，藥房有藥劑師，唔一定要醫生至可以講到有咩成藥適合，只係如果係處方藥就要醫生寫紙，但都係要去藥房配。

三文治有菜有肉有奶類其實已經係足夠，又唔係唔俾小朋友食，我都見有D家長會話：陰公囉，食D咁嘢。。。有幾陰公？最陰公冇得食食唔飽。反而見到好多ABC仔女唔食父母整嘅午餐，一來同同學唔同覺得好樣衰，二來習慣唔同，ABC仔女體質都已經唔同，冷天唔著褸，一件短袖衫就行出街，有D女仔冷到死都短裙。

花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


5#
發表於 15-12-15 17:28 |顯示全部帖子
kacary 發表於 15-12-15 01:08
明白，女女後年會到英國留學，我想聽多D，不過，我無幸過去，佢都大個到時中六，等佢自己學習同成長，因為 ...
咁大個女自己可以獨立架啦，係初期要適應，冇人可以依賴，咩都要靠自己，其實係好好經歷嚟，朋友老公係細仔，以前喺香港時麵都唔駛煮，去到英國讀書話出街食D嘢難食又貴，同幾個室友學煮嘢，讀完返香港已經可以自己搞晒一個PARTY夠8個人食，主菜4樣，side dishes兩個，加埋甜品同頭盤，唔只似模似樣，係好好食添，佢話冇法，想食好嘢，搵唔到平靚正就唯有自救，仲學識埋洗衫打掃添。

英國比香港濕，仲要冷，冬天最緊要保暖，頸、背同膝頭夠暖已經差好遠，室內應有暖氣，唔駛太擔心，馬死落地行就得架啦，冇話捱唔到。祝你女學業進步，開開心心。
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


6#
發表於 15-12-15 17:35 |顯示全部帖子
mugtaitai 發表於 15-12-15 01:13
講起帶午餐，我諗起呢幾年我帶仔返美國過暑假，阿仔喺唐人街一個慈善機構做義工，教小朋友功課以及帶佢地活 ...
多大陸或香港移民家庭小朋友的話又真係會較講究午餐，我仔女學校亞洲人佔多，我見D中國人小朋友帶嘅飯盒真係五花八門，不過平時佢地係多數喺飯堂食學校午餐，因為平又唔駛準備，係去旅行至冇辦法要自己帶，我仔女係少數會帶飯嘅，反而D鬼仔父母成日擔心學校午餐唔夠營養唔夠好，成日嘈，講真3蚊你想點先？而家downtown一個飯盒都10蚊起碼啦，3蚊一個午餐包埋一盒仔牛奶同水果，真係難為校區廚房員工要諗餐單，我同老公每人都要諗一大餐第二日俾咩對仔女食，仲要諗埋零食同生果，學校好多限制，堅果唔帶得，甜食又唔帶得，除咗節日或生日拎番去果D goodies，平時係唔可以帶甜食。
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


7#
發表於 15-12-16 00:45 |顯示全部帖子

引用：Quote:原帖由 88muimui 於 15-12-15 發表有

原帖由 1mocha 於 15-12-15 發表
老實講，真係唔少人覺得香港好地獄。尤其係就來移民的人。

我都想港，香港有幾地獄呀？
心態問題，樣樣唔順眼就去到度度都係地獄，就算真係地獄，冇得走的話都要適應，身處第18層地獄都好，自己揾開心嘢正面嘢，有d人好怪，去到邊彈到邊，俾佢去到天堂都會有嘢嫌，下下有嘢唔啱心水就好似成個世界欠咗佢咁，佢覺得啱至係啱，所有嘢都係人地錯，只要有批評就係人地針對佢，我工作上都遇唔少，心諗你邊位呀？我周身唔得閒大把嘢做，得鬼閒針對你。

話時話，唔記得你小朋友幾大添？返學未？
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


8#
發表於 15-12-16 15:44 |顯示全部帖子
1mocha 發表於 15-12-15 13:03
我二個小朋友返小學，返埋今日放6個星期暑假。太漫長，都唔知點頂。

我暫時冇嘢唔慣，英文，揸車，朋友， ...
6個星期算好架啦，我呢邊係12個星期，暑期班都係6至8個星期，淨低嘅日子就要搵人照顧，太細唔可以獨自留喺屋企，兩公婆都返工請假都請唔到咁多，暑期班都唔平，好多都係得五六個鐘，之前之後要另外俾錢托管，我好彩有媽咪幫我，唔駛請咁多假。

煮嘢食有時炆定D可以食兩三餐，翻熱食得，炒麵、意粉食兩餐，如果唔係真係周身唔得閒。有小朋友至話要食得奄尖D，我自己一個真係淥幾條菜煮個麵就算，豐富D炒隻蛋，再唔係花生醬搽麵包。
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


9#
發表於 15-12-16 16:17 |顯示全部帖子
Happymom2004 發表於 15-12-15 13:34
你講得好啱，唔一定完全關乎環境，同心態都好大關係。

我十幾歲黎美國，當時年輕，適應力強，好快 ...
我當年移民都係已經做嘢好多年後，真係唔捨得份工，喺香港單身貴族，唔憂柴唔憂米，又唔駛供樓，鍾意一年去幾多次旅行都得，買嘢真係唔駛睇價錢，但咪就係得個做字，朝9晚9，星期六日有時公司有事又要返去，冇晒自己生活，後來移民批出都1516，不過咁啱land美國時識咗我老公，就積管俾自己兩年時間睇下點，老細當時話停薪留職架，但幾個月後我老公就已經求婚啦，一住就十年有多。。。適應上我又OK，只係做唔番本行，求其搵份唔駛OT寫字樓工，時間穩定，返工見太陽，放工都仲天光，唔似以前返工放工都不見天日。

我父母當年都係中年後移民，都係為我地，但一等10年，如果我當時結咗婚又未必會走，單身一個大不了重頭嚟過，我一向適應力幾強，要求唔高，能屈能伸，加上有男友（而家老公）喺度，訂婚、結婚、生仔。。。根本都冇時間可以俾我停低叫悶，日子就係咁一日一日過，轉眼十二年，已經唔係慣唔慣，鍾意唔鍾意，既來之則安之。
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


10#
發表於 15-12-16 16:22 |顯示全部帖子
Sumyeema1 發表於 15-12-15 16:55
原來你父母都移咗民，咁幾好，唔使心掛掛……

同意你講，心態好重要，個人負能量爆燈，去到邊都是地獄…… ...
都唔係架，我有細佬妹喺香港，我都好掛住佢地同寶貝姨甥仔。
不過父母喺度叫做安心好多，唔駛下下要搭十幾個鐘飛機至見到。
花旗太太生活在花旗國，留意時差，你問我未必即時答到。
私人傳訊

rose-mag


王國長老

積分: 171774

2024年龍年勳章 2024勳章 虎到金來勳章 牛年勳章 15週年勳章 親子王國15週年勳章 親子王國15週年勳章 2018復活節勳章 畀面勳章 有「營」勳章 好媽媽勳章 醒目開學勳章 環保接龍勳章 大廚勳章 親子達人勳章 王國長老 BK Milk勳章 hashtag影視迷勳章 最關心BB問題熱投勳章 開心吸收勳章


11#
發表於 15-12-17 04:48 |顯示全部帖子
1mocha 發表於 15-12-17 04:26
12個星期暑假真係好驚嚇。咁係幾月放到幾月。成三個月喎。

我如果自己食，食cereal 當一餐算。有小朋友都 ...

由5月尾6月頭放到8月中再返學，個別城市暑假日子有先後，但都係12個星期，一到暑假就好多家長頭痕，仲有寒假兩星期春假兩星期，不過平時就好少再有長假，都係1日兩日公眾假期，果d我大部份公司都會放，問題唔算大，下星期就放寒假啦，婆婆已經話頭痕，仲要篤住個仔幫佢手揾資料做功課。不過呢邊訓練獨立性唔錯，小學已要自己揾料寫assignment, 之後present俾全班，又有group project, 小朋友自5歲已一年去好多次戶外學習，去博物館，動物園，睇音樂劇，參觀歷史遺迹，去國家公園。。。我有時去做義工帶隊都學到好多嘢。
花旗太太生活在花旗國，留意時差，你問我未必即時答到。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見