自由講場 今日: 138|主題: 1303384

© 流動新聞 news.modia.com.hk 圖︰姜濤如今已成「小鮮肉」，不過其實佢都做過肥仔㗎！（fb圖片）

ViuTV《全民造星》冠軍由姜濤大熱奪得！雖然在「姜粉」心目中，19歲嘅姜濤係「小鮮肉」；不過其實佢都做過肥仔㗎！姜濤中學時就讀邱子文青年學院，從小更是大肥仔一名，最高峰時體重更高達200磅！由於佢鍾意唱歌同表演，過往曾經畀取笑同打擊。究竟有咩驅使佢減肥？而佢又點樣做到由200磅減到140磅呢？即係睇睇！

姜濤曾經在《全民造星》坦言，減肥係為咗心儀對象。「我係為咗一個女仔而開始減磅，後來個女仔(心儀對象)同咗第二個一齊，就覺得其實女仔都係睇樣。嗰時媽咪都好鼓勵我減肥，仲同我講，而家已經好靚仔，減完肥應該會更靚仔。」佢又話，減肥初期好辛苦，但最初就用錯方法，試過全日只吃生果兼狂做運動；由於當時正值發育期，所以瘦得好快，但就搞到身體差。

後來，姜濤修讀運動教練課程，先知道減肥原來要配合帶氧運動同負重運動訓練，先可以減得健康又唔反彈！姜濤話，「減肥之後，身邊嘅人就見到你有改變。減肥初期係辛苦，但當有人見到你有轉變，你又開始見到有成果，就會一直進步。」姜濤曾自爆冇拍過拖，仲話自己係處男；不過網上就瘋傳一張佢拖住女仔嘅相片，佢事後解釋，「淨係拖住手過咗條馬路，食飯睇戲都冇，女仔話同我玩吓。」至於點解在facebook轉status做戀愛中？姜濤就話︰「因為拖手好開心。」

至於現時贏得《全民造星》冠軍，修讀緊嘅健身教練課程會唔會繼續？姜濤就話，同家人商量過後，會專演幕前工作呀！