吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 大灣區買樓 - 肇慶 (更新在首頁)

自由講場今日: 2492|主題: 1303117

收藏本版

發帖

返回列表

跳至頁

樓主: 20080909

積分: 151883

1^#

發表於 20-12-10 18:16 |顯示全部帖子

回覆樓主:

本身買咗中山樓嚟退休，見肇慶樓盤火熱，於是近期都有睇片，大灣區專家沈永年就極力推介，佢話肇慶潛力好，我有唔同意見。

肇慶環境空氣確係好，此係優點亦係缺點，因為肇慶GDP係大灣區應該係包尾，即係話經濟活力低，為維護環境，經濟方面唔會點大發展，後生嘅都往外打工，成個老人區，認真麻麻。

另一個點係離香港遠，如果冇需要中港兩邊走，咁就冇問題，好似我呢類香港有居所，冇可能長期居住係大陸，咁遠就唔方便，中山揸車經珠港澳大橋一個鐘頭返到香港，甚至可抵達家，但肇慶可能需要2個鐘。

大陸買樓唔好諗投資嘞，尤其肇慶，預算自住就算，大把地，升值能力低。

私人傳訊

SandyKL

琥珀宮

積分: 151883

2^#

發表於 20-12-10 20:32 |顯示全部帖子

西瓜包發表於 20-12-10 18:22
如果係公務員6-7折60萬左右有90-100平又唔怕買嘅，如果唔係，就係同層樓長相撕守的準備啦。果D地方好難賣 ...

補多幾十萬就可以買到近香港嘅地區，除非有條件可以長時間留係肇慶，否則，要中港兩邊走，慳返嘞。

私人傳訊

SandyKL

琥珀宮

積分: 151883

3^#

發表於 20-12-10 22:57 |顯示全部帖子

西瓜包發表於 20-12-10 21:17
睇你乜用途囉，未來5年退休，去過下休閒生活都唔錯，但放係度等10-15年退休用就唔好啦，首先租值低你唔捨 ...

睇法相近。

冇心投資，只想退休後能有間屋hae，得閒周圍飲飲食食。勞碌大半生，真正想休息，擁有自己嘅時間，最放唔低係香港頭家班人。

私人傳訊

SandyKL

琥珀宮

積分: 151883

4^#

發表於 20-12-12 18:20 |顯示全部帖子

littlesister 發表於 20-12-12 14:27
買大陸樓要睇目的，投資同退休係兩回事，又怕到退休時太貴買唔起（唔肯定）,所以趁仲有能力買 ...

貴唔貴就要睇地區，深圳樓價拍住香港，中山水位仲係好低。

不過大陸見樓價炒賣過熱，當地區政府就會推出政策冷卻樓市，打擊樓價炒賣活動。

不過在香港要返工，好難兩邊走。上星期我家浴室洗手盤熱水喉突然爆咗，水不斷流出，好彩我沖涼中即時知道，家中男人又在家即去關大掣，如果得我，唔知個水喉掣位係邊，條熱水喉老化自爆，用咗4年咋。如果當時係家中冇人情況下爆，咁就大獲嘞。

所以對離家太耐，係幾擔心。我之前一路冇買大陸樓，但有不同朋友係順德與東莞買咗樓，佢地當時有排都未退休。以前假期都跟佢地上去住吓，佢地漸漸都少上去，最後平價賣哂，咁其實都係蝕。