自由講場

收藏本版
發帖
返回列表
跳至頁

首頁
1

尾頁
   17
dativebond


大宅

積分: 4224


1#
發表於 18-1-31 14:47 |顯示全部帖子
chloey888 發表於 18-1-31 14:42
回覆 DonnieBB 的帖子

妹妹話男友喺街上見到類似嘅人會不停望，一提起就處處維護舊愛，然後嗌交 ...

本帖最後由 dativebond 於 18-1-31 14:53 編輯

唔結啦痴線！既然舊愛地位咁高，叫佢搵番舊愛啦，做乜要咁委屈自己，無時無刻低人一等咁？

認真，呢刻你雖然覺得無可能，佢做唔到乜啫。但未來無人預計到，萬一有一天個舊愛搵番你未來妹夫，你妹妹輸緊。

既然未來妹夫都未諗通，緊係唔結住啦，其實什至拍拖都廢事啦，無謂拖大家，因為要男人諗通，清走舊愛位置係極難，有一部份人呢世都唔會諗得通。

你要記住，未來妹夫如果係識諗既男人，一早已經清走舊愛位置，拍左三年拖都未搞掂，你預佢呢世都係咁，一有機會和舊愛相好，你妹妹既婚姻就會玩完，咪幻想佢結左婚就會改變，我估佢呢世都唔會改變。

點評

chloey888    發表於 18-1-31 15:44
私人傳訊

dativebond


大宅

積分: 4224


2#
發表於 18-1-31 14:55 |顯示全部帖子
chloey888 發表於 18-1-31 14:52
回覆 pinkochang 的帖子

我都覺得妹妹唔開心，但佢愛個男人，佢亦知男友都愛佢，不過佢話感覺難受 ...

呢種點叫做愛呢？個男人擺明唔係一心一意對你妹妹，拍拖玩玩下就話無所謂啫，結婚真係咪搞，死路一條。
私人傳訊

dativebond


大宅

積分: 4224


3#
發表於 18-1-31 15:15 |顯示全部帖子
迷你人 發表於 18-1-31 15:07
我都唔明你地，一味話男點點點，係男唔啱咩咩咩....咁知道佢真係放唔低就梗係要分手啦！

不過我只係見到佢 ...

本帖最後由 dativebond 於 18-1-31 15:18 編輯

樓主講左個男人承認有掛住前度，有無爬文？有掛住前度都死口唔認是常識吧？

佢話得比樓主妹妹聽掛住前度，咁應該真係好掛住。仲要為前度和現任鬧交，我唔覺得係樓主妹妹無中生有囉，亦唔係港女囉。

利申：我係麻甩佬，我覺得個男人呢刻只係溝唔到前度，但未來如果有機會，或者前度搵番佢，佢實要前度唔要樓主妹妹，幾可肯定。

情況就好似你前度都有掛住你，寫訊息祝福你。如果你落搭，搵番佢，你前度可能真係會和你有野，什至離婚。

其實你前度咪好似樓主妹妹男友咁囉。

點評

RAA    發表於 18-1-31 16:33
chloey888    發表於 18-1-31 15:18
私人傳訊

dativebond


大宅

積分: 4224


4#
發表於 18-1-31 15:33 |顯示全部帖子
迷你人 發表於 18-1-31 15:22
即使比佢地結左婚，終日疑神疑鬼又點點點，咁仲結咩？
我覺得啊妹對佢男友，永遠都唔會有信心
而且，前女 ...

講真，個男人就算乜都無做都唔代表佢愛樓主妹妹。

好似你個例子咁，你舊愛都仲有掛住你，又傳晒訊息俾你，其實擺明踩緊界啦，你一樣可以話佢乜都無做架，普通朋友祝福。

但問心佢果種行為或心態根本就係撩緊你，萬一有天你唔知點解接受佢撩，咁一段婚外情就發生了，容乜易，機率都唔低，只差神女有無心，有心就變出軌架啦。結婚結到咁踩鋼線，為乜？

點評

RAA    發表於 18-1-31 16:44
chloey888    發表於 18-1-31 15:35

私人傳訊

dativebond


大宅

積分: 4224


5#
發表於 18-1-31 15:35 |顯示全部帖子
chloey888 發表於 18-1-31 15:30
回覆 Chowying 的帖子

佢男友都承認仲有掛住，不過無可能再一齊

咩叫無可能？你信個男人講呀，呢刻無可能，唔代表聽日無可能。如果聽日樓主妹妹男友發左達，係咁用銀彈戰術溝番前度都仲得呀！咩叫無可能？除非佢前度坐足一世監，或者困住左係北韓，咁我就信無可能啦。

點評

RAA    發表於 18-1-31 16:45
私人傳訊

dativebond


大宅

積分: 4224


6#
發表於 18-1-31 15:42 |顯示全部帖子
chloey888 發表於 18-1-31 15:37
回覆 Chowying 的帖子

可能佢覺得年紀唔細，又話前度性格唔好，所以唔會再一齊 ...

本帖最後由 dativebond 於 18-1-31 15:46 編輯

男人呢刻講無可能，意思唔係無可能同果個前度一齊，而係前度無可能揀佢，好似迷你人前度咁。

到有一日，前度都想搵佢，就乜都變成有可能！哈！

佢而家話無可能只因前度已結婚。咁如有一天個前度婚姻不愉快，想搵佢出黎打場友誼波呢？或者離婚，還是覺得佢最好呢？呢D都係有可能發生，無想像中咁低可能性，要知道香港離婚率接近一半，即係話每兩對人結婚既同時，就有一對人會離婚。前度結左婚，只係令件事難發生，但離無可能好遠囉。
私人傳訊

dativebond


大宅

積分: 4224


7#
發表於 18-1-31 15:58 |顯示全部帖子
Chowying 發表於 18-1-31 15:54
早知好事，係我就走，搵過第個。唔係他日結左婚，有咩事人地重可以大大聲話，咪一早講左掛住 ex 囉，你妹 ...

本帖最後由 dativebond 於 18-1-31 16:03 編輯

我就係想講呢一點。

我係男人。正路如果現任問我掛唔掛住前度，我打死都唔會認，雖然心底實會有少少架啦，人人都會，但絕對口頭上唔會承認。

一個男人連口頭都唔鬼理你，夠胆話掛住另一個女人？佢有幾愛你個妹我好有疑問。

另外，仲要為前度和現任開拖？如果咁樣都叫愛現任女友，咁佢既前度果種叫咩呀？叫真愛呀？

用個口呃你個妹都懶，你個妹仲要落搭同佢結婚？第時如果你妹妹男友真係和前度搞上，無野怨，人地一早講明架啦！

點評

tom_s18    發表於 18-2-1 16:14
私人傳訊

dativebond


大宅

積分: 4224


8#
發表於 18-1-31 16:08 |顯示全部帖子
howmuch 發表於 18-1-31 16:05
好男人, 不是花花公子, 心裹面都總是念舊, 這並不是代表他不愛現任女友..., 但要是給現任女友知道...., 都 ...

本帖最後由 dativebond 於 18-1-31 16:09 編輯

所以好奇怪，點解個男人會俾個現任知佢掛住前度？

我係男人都答唔到呢個問題。。。好奇怪！

我惟一諗到就係其實個男人都未必好愛樓主個妹妹，所以講乜都唔怕，根本個男人唔信樓主妹妹會走，或者就算走都無乜所謂。
私人傳訊

dativebond


大宅

積分: 4224


9#
發表於 18-1-31 16:12 |顯示全部帖子
chloey888 發表於 18-1-31 16:08
回覆 dativebond 的帖子

妹妹話佢初初唔認，後來妹妹見佢成日好似好擔心人(佢前度結婚前打嚟話自己男友唔 ...

本帖最後由 dativebond 於 18-1-31 16:14 編輯

男人掛住前度係好正常呀，但對住現任承認呢一點就好唔尋常。

夠胆毫不掩飾咁去担心前度、親口承認掛住前度、仲要大大聲話可能呢一世都係咁，就直接指出個男人唔係真係咁愛個現任，完全唔怕現任會走咁，或者就算走都無所謂咁。。。

我唔覺得個男人夠愛個現任囉。。。結婚唔會令個情況變好，唔好心急，睇多幾年先。。。唔覺得準備好就咪結。。。結左衰過無結。。。
私人傳訊

dativebond


大宅

積分: 4224


10#
發表於 18-1-31 16:16 |顯示全部帖子
11B 發表於 18-1-31 16:13
同 ex 分開2年，同你妹拍拖3年。有一年 overlap?

我理解係：和前度分開左兩年後，才和樓主妹妹拍拖，無重疊。
私人傳訊

dativebond


大宅

積分: 4224


11#
發表於 18-1-31 16:26 |顯示全部帖子
chloey888 發表於 18-1-31 16:18
回覆 dativebond 的帖子

佢男友初初唔認，但言語間知道，例如佢男友曾經話唔知佢ex係咪好靚仔，點解ex會揀 ...

傾左咁耐，都好難講個男人未來會點，因為都要睇前度既情況。就算唔係前度，都可能有其它女人，所以不能作準。

結婚本來就充滿風險，無人知道和對方能否走到白頭，所以先要拍拖，用好幾年時間去了解一個人。選擇一個你很愛，而且又能信任的另一半，務求搵一個最有可能和你白頭到老既人一齊去走進結婚的考驗。

所以，講到尾結婚最睇兩樣野：愛唔愛、信唔信。唔好俾時間限住自己，應該問自己愛唔愛對方、信唔信對方。

愛和信缺一不可。

我諗答案顯而易見。

點評

chloey888    發表於 18-1-31 16:28
私人傳訊

dativebond


大宅

積分: 4224


12#
發表於 18-1-31 16:45 |顯示全部帖子
Nancy20090615 發表於 18-1-31 16:35
唔會, 太多太多例子, 得不到先最好.

本帖最後由 dativebond 於 18-1-31 16:46 編輯

我以前都中呢個得不到才是最好的陷阱，用了幾年時間先諗得通。

男人成日以為自己仲愛前度，其實可能只係錯覺。佢地仲覺得愛，肯定前度都仲睇得下，外表上可以先。但內裏呢？人會變，幾年過去無聯絡，前度真人變成點都未必知，夾唔夾溝唔溝通到都唔肯定。

呢種愛只係虚幻既。男人愛既只係和前度過往一齊的記憶，而記憶往往會美化過去，此為虚之一。另外，實係回憶美好過現實架啦，此為虛之二。

就算前度有幾好，點都唔夠而家身邊果個好，因為前度唔愛你，但而家身邊果個愛你。

一個唔愛你既人，就算條件有幾好，都唔關你事。

我都花了幾年時間先走出呢個陷阱。

點評

tom_s18    發表於 18-2-1 16:11
chloey888    發表於 18-1-31 17:20
私人傳訊

dativebond


大宅

積分: 4224


13#
發表於 18-1-31 19:08 |顯示全部帖子
chloey888 發表於 18-1-31 17:38
回覆 dativebond 的帖子

我想問你在男人的角度，妹妹是否應該要分手?因為佢鍾意又高又瘦的類型，但妹妹不 ...

本帖最後由 dativebond 於 18-1-31 19:21 編輯

唔係呀，我唔係呢個意思。

我意思係拍拖可以繼續，因為掛住前度都好正常，但結婚就要再觀察，睇下個男人幾時瞓醒，睇清楚所謂前度既陷阱，明白前度是虛幻，身邊果個先係真實既道理。當個男人諗得通，明白老婆或現任既擺位係高過前度好多既，咁先可以考慮結婚。但而家個男人都未瞓醒，就無謂結。

不過，男人要醒，可能要好耐，又或者呢世都唔識醒。等唔等佢，就睇你妹妹覺得值唔值得，同埋夠唔夠愛啦。

不過，個男人都38，仲玩掛住前度呢味幼稚野，不如搵過個仲快靚正！

點評

chloey888    發表於 18-1-31 19:16
私人傳訊

dativebond


大宅

積分: 4224


14#
發表於 18-1-31 19:24 |顯示全部帖子
chloey888 發表於 18-1-31 19:20
妹妹唔係高唔係特別瘦，就算㸃keep都無可能變高啦，而且咁咪好大壓力 ...

其實外型講既啫，唔係最重要，因為起碼你妹妹已經係佢女友，已經係佢杯茶啦，不時講中意乜類型物類型，唔太緊要，你當麻甩佬吹水咁就得。

如果結婚純講外型就死得，永遠都有靚過自己老婆，後生過自己老婆既女人出現架啦。如果純講外型，邊有婚姻會長久？

點評

chloey888    發表於 18-1-31 19:27
私人傳訊

dativebond


大宅

積分: 4224


15#
發表於 18-2-1 09:51 |顯示全部帖子
fivebeanrice 發表於 18-1-31 21:35
真係會定落黎架? 咁呀……結囉，生埋b更加定添!

本帖最後由 dativebond 於 18-2-1 09:59 編輯

其實未必會定。。。

結左婚，未必個個男人頂得順個壓力，反而有些男人會覺得女友變左。你地明既，女友變成老婆，好多要求都會不一樣。如果仲有埋小朋友，要求更不一樣。有些男人反而結左婚生左仔先後悔，錯誤以為真愛係以前果個。。。

我覺得好多時都係兩個人足夠愛足夠信任，關係好好先好結婚。而不是掉轉，認為結婚或生仔會令關係變好。

通常，本來麻麻地既關係會因為結婚或生仔壓力變得仲衰。但如果本身關係好，即係本身兩個人識得點樣維繫關係，懂得如何處理矛盾，反而因為這些挑戰令關係更鞏固。

結婚和生仔對唔同人既影響好兩極，好既變得更好，壞既變得更壞。
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見